Լազերի օգտագործմամբ երիտասարդացման մեթոդը հիմնված է մաշկի վրա դիոդային լազերային ճառագայթման ապացուցված կենսախթանիչ, հակաօքսիդանտային, իմունոկազմավորիչ ազդեցության վրա: Կլինիկայում օգտագործվում է գերմանական Asclepion ընկերության՝ կոսմետոլոգիայի համար լազերային սարքավորումների արտադրության մեջ ճանաչված առաջատարի վերջին սերնդի համակարգը՝ MeDioStar Next դիոդային լազերը։

Ո՞րն է դիոդային լազերային երիտասարդացման առանձնահատկությունը

1. Միջամտությունը չի վնասում մաշկի ծածկույթը, ուրեմն չունի վերականգնողական շրջան: Ձեր կյանքի ռիթմը թույլ չի՞ տալիս լազերային պիլիգի կամ ֆրակցիոն ֆոտոթերմոլիզի նման երիտասարդացնող միջամտություններից հետո վերականգնողական շրջանին մի քանի օր հատկացնել: Ուրեմն դիոդային լազերային երիտասարդացումը հե՛նց ձեզ համար է: Միջամտությունից անմիջապես հետո կարող եք կոսմետիկա օգտագործել, վերադառնալ աշխատանքին և ձեր առօրեական գործերին, քանի որ բժշկական միջամտության հետքերը լիովին աննկատ են:

2. Միջամտությունը բացարձակ անցավ է և հարմարավետ, չի պահանջում ցավազրկող միջոցներ:

3. Միջամտությունը չի զուգակցվում այրվածքներով, պիգմենտային բծերով և այլ տհաճ երևույթներով: MeDioStar NeXT PRO դիոդային լազերի տեխնիկական և ֆիզիկական բնութագրերը բացառում են այս ռիսկը:

4. Տարիքային սահմանափակումներ չկան․ միջամտությանը կարելի է դիմել ինչպես 17-18 տարեկանում, օրինակ՝ կորյակային հիվանդության հետևանքներից ազատվելու նպատակով, այնպես էլ 30 տարեկանում ծերացման կանխարգելման նպատակով, կամ 45-50 տարեկանում դեմքի, պարանոցի, դեկոլտեի, ձեռքերի մաշկի երիտասարդացման նպատակով:

Ինչպե՞ս է աշխատում MeDioStar NeXT դիոդային երիտասարդացումը

Դիոդային երիտասարդացման դեպքում լազերի էներգիան օգտագործվում է մաշկի առանձին բաղադրիչների վրա վերահսկվող ջերմային ազդեցության նպատակով՝ առանց դրա վերին շերտի՝ էպիդերմիսի վնասման: Իմպուլսի էներգիան, ջերմացնելով մաշկի բոլոր շերտերը, զգալիորեն բարելավում է միկրոշրջանառությունը և նյութափոխանակությունը, խթանում նոր կոլագենի և էլաստինի առաջացումը:

Արդյունքում հարթվում է մաշկի երանգը, ավելանում է առաձգականությունը, բարելավվում է դեմքի գույնը, նվազում է չորության զգացողությունը, կրճատվում են կնճիռները, մակերեսային պիգմենտային բծերը և մանր անոթային գոյացությունները: Մաշկի սառեցման ներկառուցված համակարգը թույլ է տալիս գերազանց երկարաժամկետ արդյունք ապահովել առանց ցավի, մաշկի վնասվածքների և բարդացումների:

MeDioStar NeXT PRO դիոդային լազերով երիտասարդացումը բացարձակ անվտանգ է և ոչ տրավմատիկ, չունի կողմնակի ազդեցություն։ Բացի այդ, դիոդային երիտասարդացումը լավ համադրվում է այլ կոսմետիկ միջամտությունների, օրինակ՝ ներարկումային միջամտությունների և մասնագիտական խնամքի հետ: MeDioStar NeXT սարքով դիոդային երիտասարդացումն արդարացված արդյունք է ապահովել Եվրոպայում և Ամերիկայում, հաստատված է FDA միջազգային ասոցիացիայի կողմից: