Ինչպե՞ս է բուժվում կելոիդը  

Կելոիդների բուժման տարբեր եղանակներ կան, այդ թվում՝  

• Դեղամիջոցի ներօջախային ներարկման ձևով ․ կան կիրառվող տարբեր նյութեր, որոնց արդյունավետությունը որոշվում է անհատական։  

• Կելոիդի հեռացում վիրաբուժական եղանակով։ Միջամտությունից հետո սովորաբար դեղամիջոց է ներարկվում այդ հատվածում, դա կարող է օգնել, որ այն «չակտիվանա»։

• Կրիովիրաբուժություն․ այս միջամտության ընթացքում բժիշկը սառեցնում է կելոիդը հեղուկ ազոտի օքսիդի միջոցով։  

• Ճառագայթում՝ ռենտգենյան ճառագայթների բարձր չափաբաժինների կիառմամբ: Հաճախ կիրառվում է վիրահատությունից հետո՝ կելոիդի վերադարձը կանխելու համար:  

• Լազերային թերապիա․ կելոիդի քայքայման համար օգտագործվում են բավականին հզոր և համապատասխան երկարության  լազերային ճառագայթներ։  

• Դեղատոմսով նախատեսված քսուքի տարածում կելոիդի վրա, բժշկի նշանակմամբ՝ վիրահատությունից հետո։  

Կելոիդները կարող են դժվար բուժվել և կարող են «ետ գալ» բուժումից հետո: Մեկից ավելի բուժական միջամտություներ կատարելը,  օրինակ՝ դեղորայքի ներարկումը կամ ճառագայթային թերապիայի իրականացումը վիրահատությունից հետո՝ կարող են ավելի լավ արդյունք տալ, քան ընդամենը 1 միջամտությունը:  

Հնարավո՞ր է կանխել կելոիդների առաջացումը  

 Այո՛։ Եթե Դուք  ունեք հակում, ապա կարող եք նվազեցնել կելոիդների առաջացման  հավանականությունը, եթե՝  

• Հնարավորության դեպքում խուսափեք վիրահատությունից կամ մաշկը վնասող միջամտություններից:   

• Խուսափեք ականջների կամ մարմնի այլ մասերի դակման միջամտություններից (ականջօղեր, փիրսինգ և այլն․․․)  

• Խուսափեք կոսմետիկ նկատառումով խալ, կամ այլ նորագոյացություն հեռացնելուց (եթե իհարկե չկա հստակ բժշկական ցուցում):  

• Անմիջապես բուժեք ակնեն` չթողնեք ինքնահոսի։  

 Եթե մաշկի կտրվածքից հետո ունեք ձևավորված սպի, ապա  պետք է ապաքինման փուլում ձևավորվող սպին պահել խոնավ՝ տարածելով վազելինի բարակ շերտ և ծածկելով ստերիլ վիրակապով, իսկ վիրակապը պետք է հաճախակի փոխել՝ պահելով այն չոր և մաքուր։  

 Ծածկեք սպիները, երբ գտնվում եք արևի տակ՝ հետևելով այս ընթացակարգին 3 ամիս շարունակ: Սպիի վրա կարող եք տարածել նաև արևապաշտպան քսուք։  

 COSMOLAB-ում կելոիդ սպիների բուժումը կատարվում է ապացուցողական բժշկության ուղեցույցերի համաձայն։ Կա կելոիդ սպիների բուժման տարբերակների ընտրության հնարավորություն։ Վստահաբար դիմեք և ստացեք ձեզ հետաքրքրող հարցերի և մեթոդների վերաբերյալ բժշկական տեղեկատվությունը բանիմաց և փորձառու բժիշկ-մաշկաբաններից։  

Խորհրդատվություն կարող եք ամրագրել՝ 044 55 00 22 հեռախոսահամարով։