Պիգմենտացիաներ | Պատճառներ և բուժման մոտեցումներ

Պիգմենտացիաներ | Պատճառներ և բուժման մոտեցումներ

Շատ կանանց ծանոթ խնդիր է մաշկի պիգմենտացիայի խանգարումը, որի առաջացման պատճառ կարող են հադիսանալ ինչպես ներքին, այնպես էլ արտաքին գործոնները: Եթե առաջինի դեպքում պահանջվում է համալիր թերապիա, ապա երկրորդի դեպքում բավարար կլինեն ճիշտ ընտրված բուժիչ քսուքները: Տարատեսակ կոսմետիկ միջամտությունները նույնպես ունակ են ազատել դեմքի և մարմնի մուգ ու բաց բծերից: Իսկ արևի ճառագայթների հետևանքով առաջացած հետքերը կարելի է հեռացնել նաև տնային, հետևողական խնամքի միջոցով։

Մաշկի պիգմենտավորման պատճառները՝


Մաշկի պիգմենտացիայի խանգարումը կարող է կապված լինել ինչպես մելանինի արտադրության ավելացման, այնպես էլ դրա պակասի հետ: Վիտիլիգո, ալբինիզմ և այլ հիվանդությունների դեպքում պիգմենտացիայի փոփոխության պատճառը գենետիկորեն ապացուցված է և հնարավոր չէ վերջնական բուժում իրականացնել: Աուտոիմունային համակարգի խանգարման ժամանակ մելանոցիտների բջիջները ոչնչացվում են օրգանիզմի իմունային համակարգի կողմից։

Մաշկի վրա բաց գույնի պիգմենտներ ապահովող մելանինի բավարար քանակի պակասը կապված է հետևյալի հետ.

• Ծանր վիրուսային ինֆեկցիաներ;
• Վահանաձև գեղձի խանգարում;
• Հիպոֆիզի և հիպոթալամուսի կողմից հորմոնների սինթեզի խախտում;
• Երկարատև սթրեսներ, նյարդային խանգարումներ, նևրոզներ;
• Ավիտամինոզ, իմունիտետի նվազում:
• Նյութափոխանակության խանգարումներ:

Հիպոպիգմենտացիան կարող է զարգանալ որպես պատասխան ռեակցիա կենցաղային քիմիական նյութերին, օճառներին, լոգանքի գելերին: Մաշկի բարձր զգայունություն ունեցող անձանց մոտ նույնիսկ սինթետիկ գործվածքների հետ երկարատև շփումից մարմնի տարբեր հատվածներում կարող են առաջանալ սպիտակ բծեր:

Մաշկի տրավմաները՝ ներարկումները, այրվածքները և այլն, կարող են առաջացնել պիգմենտացիաների փոփոխություններ: Դրա առաջացմանը նպաստում է նաև թունավոր նյութերի հետ կանոնավոր շփումը՝ վտանգավոր արդյունաբերություններում, էլեկտրալարման ցեխերում աշխատանքը։

Ինչու՞ է կատարվում մաշկի պիգմենտացիայի խախտում՝ մուգ բծերի առաջացում․ դրա պատճառները ներառում են.


• Արևի ուղիղ ճառագայթների երկարատև ազդեցություն՝ առանց որևէ պաշտպանիչ միջոցի;
• Սոլյարիի չարաշահում;
• Սեռական հորմոնների արտադրության խախտումներ (դեռահասության շրջան, մենոպաուզա, հղիության ընթացք, հակաբեղմնավորիչների ընդունում);
• Հակաբիոտիկների, հակաբորբոքային դեղերի, միզամուղների և մի շարք այլ դեղամիջոցների երկարատև ընդունում;
• Աղեստամոքսային տրակտի, լյարդի, երիկամների հիվանդություններ, վիրուսային վարակներ;
• Նյարդային խանգարումներ, սթրեսային երկարատև իրավիճակ;
• Օրգանիզմի նյութափոխանակության խանգարումներ:

Խնամքի միջոցների բաղադրիչները կարող են բարձրացնել մաշկի զգայունությունը արևի լույսի նկատմամբ: Օրինակ ՝ ռետինաթթուն, որը հաճախ հանդիպում է հակատարիքային արտադրանքներում, լայմի կամ բերգամոտի յուղերը, որոնք հաճախ հանդիպում են օրգանական ապրանքանիշերի տոնիկներում, լոգանքի գելերում։

Մաշկի հիպերպիգմենտացիա կարող է առաջանալ էկոլոգիայի վատթարացման պատճառով` մեգապոլիսներում աղտոտված օդը, քաղաքներում վտանգավոր արդյունաբերության առկայությունը:

Ավիտամինոզը, իմունիտետի նվազումը հանգեցնում են մելանինի արտադրության խանգարումների: Բացի այդ, այս վիճակը նպաստում է օրգանիզմում երկաթի առկայության մակարդակի բարձրացմանը:

Մաշկի պիգմենտացիան կարող է խանգարվել` օգտագործելով ալկոհոլային հիմունքներով օծանելիք արևի ուղիղ ճառագայթների կամ սոլյարի երկարատև ազդեցության ժամանակ:

Մաշկի վնասվածքները, տարբեր մաշկաբանական հիվանդությունները և դրանց բուժումը նույնպես կարող են հանգեցնել պիգմենտացիայի խանգարումների:

Պիգմենտացիայի խանգարումները, կախված բծերի տեսակներից, բաժանվում են մի քանի խմբի.

• մելազմա;
• լեյկոդերմա;
• մոխրա-կապույտ դիսպիգմենտացիա (պիգմենտացիայի խանգարում):
պիգմենտ
Մելազմա

Սա մելանինի ավել արտադրության հետ կապված հիվանդությունների մի խմբի ընդհանուր անվանում է: Այս խնդրի բոլոր դրսևորումներին բնորոշ են բաց շագանակագույնից մինչ մուգ շագանակագույն բծերը:

Ներքին օրգանների հիվանդությունները ևս առաջացնում են պիգմենտացիայի խանգարումներ: Որպես կանոն, դրանք լյարդի, երիկամների, էնդոկրին համակարգի պաթոլոգիաներն են կամ տուբերկուլյոզի ծանր տեսակի հետևանքները:

Առանձնացվում են նաև մելազմայի հետևյալ տեսակները.

• Տոքսիկ․ Այս տեսակը առավել հաճախ առաջանում է շարժիչի յուղի, խեժի, նավթի, քսանյութերի և արդյունաբերական այլ հեղուկների հետ երկարատև, կանոնավոր շփման արդյունքում: Այն արտահայտվում է կարմրությամբ, պիգմենտացիայի ցանցային հատվածներով՝ հիմնականում կարմիր երանգով, թեփոտմամբ:

• Սրճային բիծ․ Այն ունի մուգ շագանակագույն երանգի հստակ սահմաններ: Հայտնվում են ծնվելիս, չի առաջացնում անհանգստության զգացում:

• Պեպեններ․ Կամայական ձևի փոքր պիգմենտային բծեր են՝ դասավորված սիմետրիկորեն: Շատ հաճախ, այս տեսակի բծեր ի հայտ են գալիս բաց գույն ունեցող մարդկանց մաշկին։

• Քլոազմա․ Նման հիպերպիգմենտացիան ավելի հաճախ նկատվում է կանանց մոտ, դա կապված է սեռական հորմոնների անհավասարակշռության հետ: Այս բծերը կարող են մաշկի վրա հայտնվել կանանց մոտ հղիության շրջանում, դաշտանադադարի ընթացքում: Այս տեսակի բծերի համար բնութագրական է բաց դեղնա-շագանակագույն երանգը: Աշնանը կամ ձմռանը դրանք կարող են ամբողջովին անհետանալ:

• Լենտիգո․ Հիպերպիգմենտացիայի փոքր հարթ հատվածներ, որոնք ի հայտ են գալիս ուլտրամանուշակագույն ճառագայթների ազդեցության ներքո: Նաև բնորոշ է տարեց մարդկանց, առաջանում է լյարդի գործառույթների խախտման դեպքում:

Լեյկոդերմա

Հիվանդությունների այս խմբին բնորոշ է պիգմենտացիայի կորուստը` մաշկի վրա սպիտակ բծերի հայտնվելը: Կախված բնույթից ՝ գոյություն ունեն.

1. Հետբորբոքային․ Այն զարգանում է արդեն իսկ եղած մաշկային հիվանդություններից հետո, օրինակ` պսորիազը, կարմիր գայլախտը: Բաց երանգի մաշկ կարող են հայտնվել այրվածքներից և այլ վնասվածքներից հետո:

2. Դեղորայքային․ Կապված է դեղերի երկարատև օգտագործման հետ, ինչպիսիք են ստերոիդային խմբի հակաբորբոքային դեղերը։

3. Պրոֆեսիոնալ․ Այն առաջանում է այն մարդկանց մոտ, ովքեր երկար ժամանակ շփվել են տոքսիկ նյութերի հետ:

4. Վարակիչ լեյկոդերմա: Վարակիչ լեյկոդերմիան առանձնացնում են մեկ առանձին մեծ խմբի: Այն կարող է զարգանալ սիֆիլիսի ֆոնի վրա: Սպիտակ, ժանյակավոր բծերը տեղակայված են պարանոցի վրա, որոնք ոչ մի կերպ անհանգստություն չեն պատճառում: Լեպրոմատոզ (lepromatosis) բակտերիաները առաջացնում են «բորոտություն» վարակիչ հիվանդությունը: Դրա ախտանիշներից մեկը՝ հստակ սահմաններով առանձնացված սպիտակ բծերն են: Վնասված պիգմենտացիայի հատվածում մաշկը թմրում է: Քարաքոսի տարբեր տեսակները նույնպես ուղեկցվում են սպիտակ բծերով:

5. Բնածին լեյկոդերմա: Բնածին լեյկոդերման ներառում է հետևյալ հիվանդությունները.

• Վիտիլիգո․ Սպիտակ կամ բաց վարդագույն բծերը հիմնականում հայտնվում են դեմքի, ձեռքերի և ծնկների վրա: Դրանք անհանգստություն կամ անհարմարություն չեն պատճառում: Ժամանակի ընթացքում փոքր հատվածները կարող են միաձուլվել:

• Ալբինիզմ․ Մելանոցիտների գենետիկորեն բնորոշ զգալիորեն ցածր քանակը, քան սովորական մարդկանց մոտ է, բերում է մաշկի, մազերի, աչքերի հիպոպիգմենտացիայի: Հիվանդությունը բնութագրվում է լույսի հանդեպ աչքերի և ուլտրամանուշակագույնի նկատմամբ մաշկի զգայունության բարձրացմամբ:

• Նևուս (հալո նևուս)․ Այն բնորոշ է մանկահասակ երեխաներին, չի պահանջում հատուկ բուժում և անցնում է ինքնըստինքյան: Տեղայնացված է հիմնականում ձեռքերի կամ մարմնի այլ հատվածների վրա: Այն բաց շագանակագույն կամ վարդագույն նևուս է, որը շրջագծված է սպիտակ եզրով, որը, որպես կանոն, մի քանի անգամ ավելի մեծ է, քան հենց հիպերպիգմենտացված տարածքը:
վիտիլիգո
Մոխրա-կապույտ դիպիգմենտացիա (պիգմենտացիայի խանգարում):

Սա այն հիվանդության անունն է, որի ընթացքում մաշկի վրա հայտնվում են մուգ կապույտ, մանուշակա-շագանակագույն պիգմենտային բծեր՝ Նևուս Օտա (Nevus of Ota): Այն կապված է մաշկի մելանոցիտների քանակի ավելացման հետ:

Պիգմենտացիայի այսպիսի խանգարումը պայմանավորված է օխրոնոզով՝ ժառանգական հիվանդություն կապված նյութափոխանակության խանգարման հետ:

Մուգ կապույտ երանգի պիգմենտային բծերի առաջացման հետ կապվում է նաև ջերմային էրիթեման։ Դա պայմանավորված է ջեռուցման բարձիկների, տաքացվող ներքնակների չափազանց հաճախակի օգտագործմամբ:

Կանխարգելող միջոցները՝

Վիտամիններով հարուստ դիետան ՝ C, A, E, նիկոտինաթթու, կօգնի կանխարգելել մաշկի պիգմենտացիայի փոփոխության հետ կապված հիվանդությունը:

Դիետայում բավարար քանակությամբ լյարդի, գազարի, թարմ կանաչու և ճարպաշատ ձկների առկայությունը կարող է նպաստել A վիտամինի պակասության վերացմանը։

Վիտամին C կամ ասկորբինաթթու է պարունակում կաղամբը, կանաչ խնձորը, սև հաղարջը, ցիտրուսային մրգերը, սոխը և մասուրը:

Վիտամին E-ով հարուստ են վարսակի փաթիլները, ցորենի և աշորայի թեփը, յուղերից` կտավատը, սոյան:

Նիկոտինաթթու են պարունակում ֆերմենտացված կաթնամթերքը, պանիրը, ձուն, լյարդը։

Այն մարդիկ, ում մոտ առկա են մաշկի պիգմենտացիայի հաճախակի փոփոխություններ, անհրաժեշտ է սահմանափակեն աղի, ապխտած, քաղցր կերակուրների օգտագործումը:

Գարուն-ամառ ժամանակահատվածում մաշկի պիգմենտացիան կանխելու համար արժե հրաժարվել ալկոհոլ պարունակող օծանելիքից՝ այն փոխարինելով յուղային օծանելիքներով:

Կանխարգելման համար շաբաթը մեկ անգամ կարող եք սպիտակեցնող դիմակներ օգտագործել, սրբել դեմքը վարունգի կամ չոր մաղադանոսի խառնուրդով:
Մաշկի պիգմենտացիայի բուժման հիմնական տեսակները․

Արևի երկարատև ազդեցության հետևանքով առաջացած պեպենները կամ պիգմենտային բծերը կարելի է թեթևացնել վարունգի, մաղադանոսի և ֆերմենտացված կաթնամթերքի հիման վրա պատրաստված տնական բաղադրատոմսերով:

Մաշկաբանները, համալիր ախտորոշումից հետո, նշանակում են քսուքներ մաշկի պիգմենտացիայի խանգարումների դեմ, որոնք պարունակում են.

• հիդրոքինոն;
• կոջիք թթու (kojic acid);
• արբուտին:

Մեծ քանակությամբ վիտամին C պարունակող վիտամինային կուրսերի ընդունումը կօգնի ազատվել պիգմենտացիայից: Էնդոկրինոլոգի հետ խորհրդակցելուց հետո կարող են նշանակվել կորտիկոստերոիդ դեղեր:

Այն իրավիճակներում, երբ մաշկի խնդիրները կապված չեն ներքին օրգանների աշխատանքի հետ, կոսմետիկ միջամտությունները կարող են օգտագործվել որպես հիմնական թերապիա: Դրանք կարող են ամբողջացնել բուժումը պիգմենտացիայի կորստի դեպքում: Արդյունավետ է ֆոտոթերապիայի մեթոդը: Այն խթանում է մելանինի արտադրությունը, բարձրացնում մաշկի «իմունիտետը»:

Քիմիական պիլինգները կարող են ազատել մուգ բծերից: Խորը պիլինգները ավելի արդյունավետ են, դրանք օգնում են հեռացնել նույնիսկ հին բծերը:

Մասնագետները լազերի օգտագործումը արդյունավետ են համարում մաշկի պիգմենտացիայի ավելացման ժամանակ: Դրա լուսարձակումը ոչնչացնում է մելանինի կուտակումները՝ առանց վնասելու հարակից, ավելի առողջ հյուսվածքները: Հիպերպիգմենտացիայի խոշոր օջախները հեռացնելու համար սովորաբար պահանջվում է լազերային մի քանի միջամտություն:

Պիգմենտային բծերից ազատվելու մեկ այլ մեթոդ է մեզոթերապիան: Այս միջամտությունը նվազեցնում է մաշկի գունային պիգմենտների արտադրությունը: Բայց այն արդյունավետ է ավելի բաց՝ վերջերս առաջացած պիգմենտային բծերի դեպքում:


Մասնագետների առաջարկությունները․

Ուլտրամանուշակագույն ճառագայթման ազդեցության պատճառով մաշկի պիգմենտացիայի խախտում չառաջացնելու համար անհրաժեշտ է օգտագործել բարձր SPF պարունակող բարձրորակ արևապաշտպան քսուքներ:

Մաշկաբանները խորհուրդ են տալիս.

• Հրաժարվել սոլյարիներից;
• Գարնան և ամռան ամիսներին խուսափել արևի ճառագայթներից առավոտյան 11-ից մինչ ցերեկը 4-ը;
• Արևի բարձր ակտիվության շրջանում դադարեցնել դեղամիջոցներ, որոնք նպաստում են պիգմենտային բծերի առաջացմանը:

Մաշկի պիգմենտային բծերի կանխարգելման համար հակաբեղմնավորիչներ ընդունող կանայք, ինչպես նաև հղիները պետք է սահմանափակեն արևի վառ ճառաագայթների ներքո անցկացվելիք ժամանակը:

Պիգմենտային բծերի բուժումը անհրաժեշտ է իրականացնել աշնանը, ձմռանը կամ գարնան սկզբին, երբ արևի ակտիվության գործոնը շատ ցածր է:

«CosmoLab» էսթետիկ բժշկության և մաշկաբանության կենտրոնում պիգմենտային բծերի հեռացման, բուժման և մաշկի պրոֆեսիոնալ խնամքի համար կատարվում են տարատեսակ միջամտություններ՝ լազերային, նանոֆրակցիոն ռադիոալիքային, ներարկումային և պրոֆեսոնալ կոսմետոլոգիայի և տնային խնամքի համար առաջարկվող հատուկ մշակված խնամքի միջոցների Skin Types Cosmetics շարքերով։

Եթե Ձեզ նույնպես անհանգստացնում է այս խնդիրը, ցանկանում եք հարցել ուղղել բժշկին, ապա կարող եք գրանցվել անվճար խորհրդատվության՝ 011 55 00 22, 044 55 00 22 հեռախոսահամարներով կամ առցանց, առաջնային զննումից հետո մասնագետը մանրամասն կանդրադառնա բոլոր հարցերին և կուղղորդի Ձեզ ճիշտ միջամտությունների կատարման հարցում։

Պարզե՛ք նաև Ձեր մաշկի տիպը՝ անցնելով թեստը։

powered by Typeform

20% զեղչ ֆիքսված 5 հատվածների համար՝
▫️Դեմք
▫️Ձեռքեր
▫️Ոտքեր
▫️Խորը բիկինի
▫️Ամբողջ մարմին

20% զեղչ 20․000 ֏ և ավելի արժեքով լազերային մազահեռացում կատարելու դեպքում։

Դեմքի ալեքսանդրիտային մազահեռացում և ամբողջ մարմնի դիոդային մազահեռացում՝ ընդամենը 50․000 ֏

Ալեքսանդրիտային մազահեռացման զեղչված գնացուցակ
Կանանց համար
(Candela GentleLase PRO U 2019)

Ամբողջ մարմին– 112 000դր

Դեմք– 12 000դր

Դեմք առանց ճակատի– 9 600դր

Ճակատ– 3 500դր

Այտոսկրեր– 5 000դր

Վերին շուրթ– 1 500դր

Բակեր– 5 600դր

Կզակ– 4 000դր

Ծոծրակ– 6 400դր

Պարանոց– 5 600դր

Ուսեր– 5 600դր

Թևատակեր– 4 800դր

Ձեռքեր– 15 200դր

Բազուկներ– 5 600դր

Նախաբազուկներ– 12 000դր

Մատներ– 2 000դր

Կրծքավանդակ– 24 000դր

Դեկոլտե– 12 000դր

Կուրծք– 12 000դր

Փոր– 24 000դր

Փորի 1/3 հատված– 9 600դր

Մեջք– 32 000դր

Մեջքի 1/3 հատված– 12 000դր

Բիկինի– 16 000դր

Խորը բիկինի– 20 000դր

Նստատեղ– 20 000դր

Ոտքեր– 38 400դր

Ազդրեր– 22 400դր

Սրունքներ– 28 000դր

Դիոդային մազահեռացման զեղչված գնացուցակ
Կանանց համար
(Asclepion MeDioStar NeXT PRO 2019)

Ամբողջ մարմին– 50 000դր

Դեմք– 8 000դր

Դեմք առանց ճակատի– 5 000դր

Ճակատ– 2 500դր

Այտոսկրեր– 3 000դր

Վերին շուրթ– 1 500դր

Բակեր– 4 000դր

Կզակ– 3 000դր

Ծոծրակ– 5 000դր

Պարանոց– 4 800դր

Թևատակեր– 5 000դր

Ձեռքեր– 12 800դր

Բազուկներ– 6 800դր

Նախաբազուկներ– 7 600դր

Կրծքավանդակ– 16 000դր

Դեկոլտե– 8 000դր

Կուրծք– 6 400դր

Փոր– 8 000դր

Փորի 1/3 հատված– 5 000դր

Մեջք– 14 400դր

Մեջքի 1/3 հատված– 5 000դր

Բիկինի– 8 000դր

Խորը բիկինի– 12 000դր

Նստատեղ– 12 000դր

Ոտքեր– 32 000դր

Ազդրեր– 18 400դր

Սրունքներ– 14 400դր

Գայանե Հավակիմյան
Վարդուհի Դավթյան
Շողեր Պողոսյան
Առցանց գրանցման կարգ

Էլեկտրոնային համակարգի գործարկումով առցանց գրանցման նպատակը՝ հեռախոսազանգի միջոցով գրանցման տևողության կրճատումն է, որը միառժամանակ ապահովում է թափանցիկություն՝ մատուցվող ծառայությունների, դրանց արժեքների և կլինիկայում աշխատող բժիշկների վերաբերյալ, ինչի արդյունքում ձևավորվում է փոխադարձ հարգանք և վստահություն։ Առցանց գրանցման համար պետք է՝

  • սեղմել առցանց գրանցման կոճակը
  • ընտրել ծառայությունը
  • ընտրել նախընտրած բժշկին
  • ընտրել հարմար ժամ՝ բժշկի անհատական ժամատախտակից
  • լրացնել կոնտակտային տվյալների բաժինը
  • որպես վերջնական քայլ՝ հաստատել ծրագրի կողմից եկած հաղորդագրությունը Ձեր այցի ամրագրման վերաբերյալ

Հիշեցնենք, որ միջամտության ավարտից հետո, ծրագրում նախատեսված համապատասխան բաժնում կարող եք գրել Ձեր  կարծիքը,  ինչը կօգնի մեզ ավելի բարելավել ծառայությունների որակը