• Թեթև և չափավոր մելազմա 

• Ծանր կամ դիմակայուն մելազմա  

Բուժման ընթացքում օգտագործվում է ինչպես արտաքին քսուքներ՝ թրիոնիզազայի ինհիբիտորներ, այնպես էլ դեղորյաք։  

 Լավ արդյունքներ ենք արձանագրել բուժումները զուգակցելով Dermapen4 միկրոասեղնավորմամբ՝ օգտագործելով համանուն դերմոկոսմետիկ նյութերը, որոնք ամբողջովին ուղղված են ինչպես էպիդերմալ, այնպես էլ դերմալ մելազմայի դեպքում։  

 ԸՆԴՀԱՆՈՒՐ ՑՈՒՑՈՒՄՆԵՐ ՊԱՑԻԵՆՏՆԵՐԻՆ 

 Արևից պաշտպանվելը համարվում է հիմնական միջոց և պետք է ներառի հետևյալ բոլոր կետերը՝ 

• լայն սպեկտրի ուլտրամանուշակագույն (UV) A- և UVB պաշտպանիչ արևապաշտպան քսուք՝ արևապաշտպան գործոնով (SPF) ≥ 30 

• արևապաշտպան միջոց՝ տիտանի երկօքսիդով կամ ցինկի օքսիդով 

• հագուստ, որը կպաշտպանի արևից՝ գլխարկ, երկար թևքերով հագուստ, երկար տաբատներ 

Հնարավորության դեպքում պետք է խուսափել արևի ճառագայթներից։

 ՄԵԼԱԶՄԱՅԻ ԲՈՒԺՄԱՆ ԺԱՄԱՆԱԿ ԼԱՅՆՈՐԵՆ ԿԻՐԱՌՎՈՒՄ ԵՆ ՔԻՄԻԱԿԱՆ ՊԻԼԻՆԳՆԵՐԸ 

 Քիմիական պիլինգն օգտագործվում է տարբեր դեպքում՝ ներառյալ պիգմենտացիայի խանգարումները, ինչպիսիք են՝ մելազման, ակնե վուլգարիսը, ակտինիկ կամ արևային կերատոզները; սպիները, հետակնե սպիները և որպես երիտասարդացնող միջոց՝ դեմքի ֆոտոծերացման և բարակ գծերի համար։

• Քիմիական պիլինգի նպատակն է էպիդերմիսի կամ դերմայի շերտերի հարկադրաբար և վերահսկվող քայքայումը և մաշկի այդ շերտերի շերտազատումը, որն այնուհետև խթանում է մաշկի հետագա ռեգեներացիան ու վերափոխումը` բարելավված տեսք ստանալու համար: 

 Տարբերակվում են մակերեսային և միջին խորության քիմիական պիլինգներ։

 Մակերեսային քիմիական պիլինգը ազդում է եղջերաթաղանթի և պապիլյար դերմիսի վրա՝ հասնելով մոտ 60 միկրոմետր խորության և օգտագործվում է հետևյալ դեպքում. 

• Պիգմենտացիայի խանգարումներ, ինչպիսիք են՝ էպիդերմալ մելազման, թեթև դիսխրոմիան և հետբորբոքային հիպերպիգմենտացիան 

• Ակնե և հետակնե սպիներ 

• Թեթև ֆոտոծերացում, ներառյալ ակտինիկ կերատոզներ, բարակ գծեր, անհարթություններ և արևային լենտիգոներ 

Մակերեսային քիմիական պիլինգներն են՝  

• 20%-70% գլիկոլաթթու 

• Սալիցիլաթթու 

• Ջեսների լուծույթ 

• Ռետինոինաթթու 

• Կաթնաթթու 

• Նշաթթու 

• Պիրուվիկ թթու 

•  ≤ 30% տրիքլորքացախաթթու 

Միջին խորության պիլինգը կարող է ներթափանցել մոտ  450 միկրոմետր, հասնել մինչև պապիլյար և վերին ցանցաթաղանթային դերմիս․ օգտագործվում են հետևյալ դեպքերում՝ 

• Դերմալ մելազմա 

• Թեթև և չափավոր դիսխրոմիա 

• Սեբորեային կերատոզ 

• Մակերեսային ատրոֆիկ սպիներ 

• Թեթև և չափավոր ֆոտոծերացում 

Միջին խորության պիլինգներն են՝ 

• 70% գլիկոլաթթու և 35% տրիքլորքացախաթթու 

• Ջեսների լուծույթ և  35% տրիքլորքացախաթթու  

• պինդ CO2 և 35% տրիքլորքացախաթթու 

• 88% ֆենոլ (88% ֆենոլ կապված է սրտանոթային թունավորության ռիսկի հետ, հազվադեպ է օգտագործվում) 

Միկրոասեղնավորում  

• Դերմարոլերը, դերմափենը կամ դերմաշտամպը բազմաթիվ փոքր ասեղներով՝ դերմիսի շերտում միկրոմիջանցքներ բացելու համար կիրառվող սարքեր են։  Դրանք խթանում են նեոկոլագենեզը և ռեվասկուլյարիզացիան: 

• Կարող է բարելավել դեղամիջոցի փոխադրումը մաշկի շերտեր 

• Անբարենպաստ ազդեցությունները կարող են ներառել դիսպիգմենտացիայի և սպիների առաջացման վտանգը։ 

• Միկրոասեղնավորումը տրանեքսամիկ թթվով կարող է ավելի լավ բարելավել մելազման չափահաս կանանց մոտ, քան միկրոաասեղնավորումը վիտամին C-ով։    

• Կան սահմանափակ ապացույցներ, որ տեղային դեպիգմենտային նյութերի և քիմիական պիլինգների նկատմամբ դիմակայուն մելազմայի դեպքում միկրոասեղնավորում և 4% հիդրոքինոնով թերապիան բարելավում է հիպերպիգմենտացիան։

PRP՝ պլազմոթերապիա

• Թրոմբոցիտներով հարուստ պլազման կարող է թեթևացնել մելազմայի հիպերպիգմենտացիան չափահաս կանանց մոտ։