Մաշկի հղկումը մաշկի թարմացման, և այդ մեթոդով տարատեսակ կոսմետիկ խնդիրների լուծմանը նպաստող միջամտություն է, որը կատարվում է մաշկի մակերեսային, խորը, աբլյացիոն (ամբողջական) կամ ֆրակցիոն ձևերով։ Այդպիսով, նոր արտադրվող կոլագենի ու էլաստինի հաշվին մաշկը վերականգնվում է։

CosmoLab Clinics-ի էսթետիկ բժշկության բաժանմունքը ներկայացնում է մաշկի հղկման հերթական տեխնոլոգիան՝ բրազիլական Vydence ապրանքանիշի Erbium Glass լազերային մեթոդով հղկումը, որը սակայն ոչ աբլյատիվ է։

Ի՞նչ է իրենից ներկայացնում մաշկի Erbium Glass լազերային հղկումը, և ինչպե՞ս է աշխատում սարքավորումը

1540 նմ երկարությամբ ոչ աբլատիվ ֆրակցիոն լազերային ճառագայթի յուրահատկությունը կայանում է նրանում, որ կլանվելով ջրի քրոմոֆորի կողմից այն առաջացնում է միկրոթերմալ սյունաձև վնասվածքներ։ Օրգանիզմի բնական ռեակցիայի շնորհիվ սկսվում է միկրոթերմալ վնասված շրջանների վերականգնման գործընթացը՝ նոր կոլագենի և էլաստինի սինթեզի շնորհիվ։ Արդյունքում ստանում ենք մաշկի հղկում կարճ վերականգնողական շրջանով (1-2 օր թեթև կարմրություն), առանց անհարմարավետությունների, թեթև հետմիջամտական խնամքով, առանց հետաբորբոքային պիգմենտացիայի առաջացման ռիկսերի։

Er:Glass 1540 նմ, ոչ աբլյատիվ, մաշկի ֆրակցիոն հղկման առավելություններն են՝

• Անվտանգությունը
• Կարճ վերականգնողական շրջանը
• Միջամտությունից հետո հիպերպիգմենտացիայի առաջացման նվազ ռիսկայնությունը
• Բազմավեկտոր ուղղություն (կոսմետիկ խնդիրների լուծման լայն շրջանակ)
• Բավարարող արդյունքներ