Պլազմոթերապիայի ցուցումները․

Պլազմոթերապիան արդյունավետորեն պայքարում է տարիքային փոփոխությունների դեմ, օգնում է բարելավել մաշկի վիճակը ակնեի և հետակնե հետքերի դեպքում, վերականգնել մաշկի որակը, ստանալ ավելի հարթ երանգ և թարմ տեսք, նվազեցնել դեմքի միմիկական, ստատիկ և բարակ կնճիռների արտահայտվածությունը։ Միջամտությունն օգնում է նաև կրճատել սպիները, ստրիաները և բարելավել դրանց արտաքին տեսքը:

Թրոմբոցիտներով հարուստ պլազմայի ցավազրկող և հակաբորբոքային հատկությունները օգնում են թեթևացնել ցավային ախտանիշները և զգալիորեն արագացնում են ապաքինման գործընթացը լազերային թերապիաներից (հղկում, ֆրակցիոն թերմոլիզ) կամ քիմիական պիլինգներից հետո:

Գլխամաշկին ներարկումները թրոմբոցիտներով հարուստ պլազմայի շնորհիվ խթանում են մազի հիմքում գտնվող բջիջների աճը, ինչպես նաև գլխամաշկի միկրոշրջանառությունը: Պլազմոթերապիան ցուցված է ալոպեցիայի (օջախային մազաթափություն) համալիր բուժման մեջ, կարող է օգտագործվել մազաթափության կանխման, մազերի աճը խթանելու և որակը բարելավելու համար:

Պլազմոթերապիայի հակացուցումները

Չնայած այն հանգամանքին, որ պլազմոթերապիայի միջամտությունը պարզ է, քիչ ինվազիվ և անվտանգ, այնուամենայնիվ ունենում է հակացուցումներ: Դրանք են՝

• օնկոլոգիական հիվանդություններ, 
• ակտիվ փուլում գտնվող հերպես, 
• վարակիչ հիվանդություններ, 
• դաշտանային ցիկլ, 
• հղիություն, 
• արյունահոսության հակում, 
• արյան նոսրացմանը նպաստող դեղամիջոցների ընդունում, 
• դեկոմպենսացիայի փուլում գտնվող քրոնիկ հիվանդություններ, 
• իմունային անբավարարության վիճակներ, 
• հոգեկան և նևրոտիկ խանգարումներ:

Առաջարկություններ

Միջամտությունից հետո մեկ շաբաթվա ընթացքում պետք է պաշտպանել մաշկն ուլտրամանուշակագույն ճառագայթումից՝ օգտագործելով արևապաշտպան քսուք։ Այս ժամանակահատվածում խորհուրդ չի տրվում նաև այցելել սաունա, լողավազան, սոլյարի, կատարել մերսումներ։

Ներարկման հատվածներում միջամտությունից հետո հնարավոր է նկատվեն աննշան կապտուկներ, որոնք ինքնուրույն անհետանում են մի քանի օր անց:

Միջամտությունների քանակը

Ճիշտ է, նույնիսկ մեկ միջամտությունից հետո կարելի է տեսնել պլազմոթերապիայի արդյունքը, սակայն այն խորհուրդ է տրվում կատարել համալիր սկզբունքով՝ կուրսով, առնվազն 4 միջամտությամբ՝ ավելին բժշկի ցուցումով։

Միջամտությունները կատարվում են 1-2 շաբաթ ընդմիջումներով, իսկ կուրսը կարելի է կրկնել տարեկան 2 անգամ։

Ամփոփելով կարող ենք եզրակացնել, որ պլազմոթերապիան պարզ և անվտանգ մեթոդ է՝ շնորհիվ թրոմբոցիտներով հարուստ պլազմայի վերականգնող և բուժիչ հատկությունների: Քանի որ նյութը ստացվում է սեփական արյունից, հետևաբար բնական է և անցանկալի ռեակցիաների ռիսկը նվազագույնի է հասցված, իսկ արդյունքը հաստատված է կլինիկական փորձով։

«CosmoLab» էսթետիկ բժշկության և մաշկաբանության կենտրոնի  էսթետիկ բժշկության բաժանմունքում խորհրդատվությունն անվճար է, գրանցվել կարող եք՝ զանգահարելով 011 55 00 22, 044 55 00 22 հեռախոսահամարներով։

Հասցեներ՝

Սայաթ-Նովա 15 (ներքին՝ 1)

Կոմիտաս 37 (ներքին՝ 2)

Գայի պող․ 16 | Մեգամոլ (ներքին՝ 3)

Դավթաշեն 2-րդ թղմ․ 39/2 (ներքին՝ 4)

Սարյան 19-21 (ներքին՝ 5)