Մեզոթերապիա

Մեզոթերապիան, կատարվում է կոկտեյլների ներարկումով, որոնք պարունակում են հիալուրոնաթթու, վիտամիններ, միկրոէլեմենտներ, ամինաթթուներ, օլիգոէլեմենտներ, լիպոլիտիկներ, պեպտիդներ պարունակող պատրաստուկներից:

Այս հոդվածում մանրամասն ներկայացված է, թե ի՞նչ է մեզոթերապիան և ինչու՞ է կատարվում:

Մեզոթերապիների մասին մանրամասն ստորև՝

Մաշկի միջին շերտերի մեջ տարբեր պատրաստուկներ ներարկելը (մեզոդերմայի հատված), մշակվել և գործնականում կիրառվել է դեռ 1958 թվականին դոկտոր Միշել Պիստորի կողմից: Հենց նա է այս մեթոդին տվել մեզոթերապիայի անվանումը և սահմանել դրա հիմնական ուղղությունը ՝ «քիչ, հազվադեպ և անհրաժեշտ տեղում»:

Հատուկ պատրաստուկների ներմաշկային ներարկումը (մեզոկոկտեյլներ) թույլ է տալիս լուծել հետևյալ խնդիրները.

հարթել միմիկական կնճիռները;

խոնավացնել և բարելավել մաշկի երանգը;

վերականգնել մաշկի առաձգականությունն ու էլաստիկությունը:

Մեզոթերապիայի առավելություններն ու թերությունները

Միջամտության հիմնական առավելությունները`

անվտանգ և ոչ տոքսիկ բաղադրություն;

ասեղի շատ փոքր չափ;

կնճիռների և այլ էսթետիկ թերությունների դեմ արդյունավետորեն պայքարի միջոց;

պիգմենտային բծերի գունաբացում;

լիֆթինգ ազդեցություն ՝ դեմքի օվալի, կրկնակզակի դեպքում;

երկարատև պահպանվող ազդեցություն (մինչև մեկ տարի);

համատեղելիություն կոսմետոլոգիական բուժման այլ մեթոդների հետ;

շատ քիչ հակացուցումներ;

միջամտության կատարման ընթացքում նվազագույն դիսկոմֆորտ:

Մեզոթերապիայի թերությունները.

Արդյունքը հավերժ չէ:

Հազվադեպ հնարավոր են բարդություններ, ինչպիսիք են կապտուկներն ու այտուցները:

Ներարկվող նյութերի հանդեպ ալերգիայի ախտանիշների առաջացման վտանգ կա:

Հակացուցումները`

ակտիվ փուլում գտնվող մաշկային վարակների և այլ հիվանդությունների առկայություն;

քրոնիկ հիվանդությունների սրացում;

վարակիչ հիվանդություններ, գրիպ, ՍՇՎԻ (սուր շնչառական վիրուսային ինֆեկցիա) և այլն;

հակաբիոտիկների և արյուն նոսրացնող միջոցների ընդունում;

հղիության և կրծքով կերակրման շրջան;

էնդոկրին հիվանդություններ;

տվյալ միջամտության հետ կապված անհատական հակացուցում (երբ օրգանիզմը չի ընդունում տվյալ նյութը):

Մեզոթերապիա չի կարող իրականացվել նաև ներարկումների հանդեպ մաշկի բարձր զգայունության, մաշկի սպիացման միտման,  մեզոկոկտեյլի բաղադրիչների կամ ընդհանուր առմամբ տվյալ նյութի նկատմամբ անհատական անհարմարվողականության դեպքերում:

Մեզոկոկտեյլի ճիշտ ընտրության և միջամտության քայլերի ճիշտ կատարման դեպքում դժվար թե բացասական հետևանքներ ի հայտ գան։ Միջամտությունից հետո առաջին ժամերին կարող են լինել կողմնակի բարդություններ, որոնք կապված են ներարկվող նյութերի հետ, ինչպիսիք են մաշկի կարմրությունը, հեմատոմաները և փոքր այտուցները, որոնք արագ անցնում են:

Նախապատրաստում և վերականգնում

Որպեսզի միջամտությունը հնարավորինս արդյունավետ լինի, մեզոթերապիայից մի քանի օր առաջ անհրաժեշտ է.

դադարեցնել որոշակի դեղամիջոցների օգտագործումը (օրինակ ՝ հակագոուլանտներ կամ ասպիրինի հիմքով դեղամիջոցներ);

խուսափել մաշկի վրա արտաքին անբարենպաստ գործոնների ազդեցությունից, որոնք կարող են գրգռել այն, որից հետո կարող են առաջանալ բորբոքում, քոր կամ շերտազատում:

Որպես կանոն, վերը նկարագրված կողմնակի բարդությունները անհետանում են մեզոկոկտեյլը ներմուծելուց հետո մեկ օրվա ընթացքում, բայց ներարկումներից հետո մաշկի ամբողջական պատասխան ռեակցիայի համար մի փոքր ավելի շատ ժամանակ է պահանջվում (մինչև մեկ շաբաթ):

Կախված տարիքից և խնդրի բարդության աստիճանից` միջամտությունների քանակը տատանվում է  4-10 սեանսների միջև:

Ազդեցությունը կարելի է նկատել անմիջապես մեկ միջամտությունից հետո, և անհրաժեշտ է կրկնել վեց ամսից մինչև մեկ տարվա ընթացքում։

ներարկումներ
Մեզոթերապիա
Depositphotos_14901431_original.jpg
Neurology Department
Depositphotos_108632504_original.jpg
Gynaecology Department
Depositphotos_149455944_original.jpg
Traumotology Department
Depositphotos_35753015_original.jpg
Births Department
Depositphotos_14105166_original.jpg
Cardiology Department

Մեզոթերապիայից հետո վերականգնողական ժամանակահատվածում չի կարելի՝

հաջորդող օրվա ընթացքում լվացվել տաք ջրով;

երկու օրվա ընթացքում օգտագործել դեկորատիվ կոսմետիկա, գտնվել արևի ուղիղ ճառագայթների տակ;

մեկ շաբաթվա ընթացքում այցելել շոգեբաղնիքներ, սաունաներ, սոլյարիներ; շփել և քորել մաշկը պերիորբիտալ գոտում, նույնիսկ եթե կա դիսկոմֆորտ:

Մեզոթերապիան ի վիճակի է ոչ միայն օպտիմալ կերպով փոխկապակցել կոսմետիկ և թերապևտիկ ազդեցությունները խնդրահարույց տարածքի վրա, այլև ամբողջ օրգանիզմի հետ: Միևնույն ժամանակ, չեզոքացնել էսթետիկ մի շարք թերություններ՝ պիգմենտային բծեր, կնճիռներ, հարակնային մուգ շրջանակներ, չոր մաշկ, անառողջ երանգ և մաշկի անհարթ ռելիեֆ: Միջամտության արդյունքը երևում է երկու կրիտերիաների հաշվին` պատրաստուկների մեջ պարունակվող ակտիվ բաղադրիչների ազդեցության և ներարկման համար նախատեսված նեղ մեխանիկական ասեղի շնորհիվ: Միջամտության ընթացքում ստանալով բազմաթիվ միկրոտրավմաներ, մաշկը ակտիվորեն սկսում է արտադրել էլաստին և կոլագեն ՝ դրանով իսկ բարելավելով արյան միկրոշրջանառությունը:

Միջամտությունները կարող են կատարել ցանկացած տարիքի կին և տղամարդ՝ սկսած 18 տարեկանից: Պացիենտները, ովքեր պարբերաբար կատարում են միջամտություները, նշում են, որ ժամանակի ընթացքում մաշկի որակը փոխվում է դեպի ավելի լավը և նույնիսկ խնամքի միջոցները ավելի լավ են նստում, քան մինչև այդ:

 

«CosmoLab» էսթետիկ բժշկության և մաշկաբանության կենտրոնի  էսթետիկ բժշկության բաժանմունքում խորհրդատվությունն անվճար է, գրանցվել կարող եք՝ զանգահարելով 011 55 00 22, 044 55 00 22 հեռախոսահամարներով։

Հասցեներ՝

Սայաթ-Նովա 15 (ներքին՝ 1)

Կոմիտաս 37 (ներքին՝ 2)

Գայի պող․ 16 | Մեգամոլ (ներքին՝ 3)

Բլոգ

client-1.jpg
client-2.jpg
client-3.jpg
client-4.jpg