Բիոռևիտալիզացիան ներարկումային միջամտություն է, որի ընթացքում մաշկի համապատասխան շերտ են ներմուծվում հիալուրոնաթթվի պրեպարատներ։

Շնորհիվ ջրի մոլեկուլներն իրար կապելու գործառույթի՝ այն ապահովում է մաշկի խորը խոնավացումն ու նպաստում բազմաթիվ կոսմետիկ խնդիրների լուծմանը։

Միջամտության առավելագույն թերապևտիկ ազդեցության համար անհրաժեշտ է կատարել առնվազն երեք միջամտություն` 1-2 շաբաթ ընդմիջումներով: Ազդեցությունը տևում է մոտ վեց ամիս։ Հետագայում արդյունքը պահպանելու համար բավական կլինի 6 ամիսը մեկ միայն մի միջամտություն կատարել:

Մեթոդի նպատակն է մաշկի մեջ խթանել սեփական կոլագենի և էլաստինի սինթեզման գործընթացը, նվազեցնել դրանց քայքայման արագությունը և հասնել տվյալ հատվածի բավականաչափ խոնավացմանը: Արդյունքում, ձեռք է բերվում լիֆթինգ և երիտասարդացնող ազդեցություն:

Պատրաստուկները հագեցնում են մաշկը հիալուրոնաթթվով, որը խոնավացնում և վերականգնում է ջրային բալանսը: Արդյունքում կնճիռներն ու ծալքերը հարթվում են, ծերացման գործընթացը դանդաղեցնում է, իսկ կախվելու նշաններն անհետանում են: Բիոռևիտալիզացիայի ներարկումները հիալուրոնաթթվով իրականացվում են շատ բարակ ասեղով, ուստի մաշկի վնասումը նվազագույն է:

Ցուցումները՝

•Չոր մաշկը (խոնավացման պակասը);

•Մաշկի ծերացման և կախման նշանները;

•Մաշկի առաձգականության կորուստը;

•Կնճիռների քանակի և խորության նկատելի աճը;

•Պիգմենտային բծերի, լայն ծակոտիների ի հայտ գալը;

•Դեմքի օվալի և հատկությունների փոփոխությունը;

•Հարակնային շրջանում այտուցների, մուգ շրջանակների առկայությունը;

•Մազանոթային ցանցը (կուպերոզ);

•Կախված այտերը, կրկնակզակը;

•Որպես պլաստիկ վիրաբուժության և ինվազիվ միջամտությունների նախապատրաստման ու հետագա վերականգնման միջոց՝ դեմքի, պարանոցի և դեկոլտեի հատվածում;

•Որպես լրացուցիչ հակատարիքային և սպիների շտկման միջամտություն:

Միջամտությունների քանակը որոշվում է` կախված անհատական առանձնահատկություններից և մաշկի վիճակից: Միջինում կուրսը լինում է 4 միջամտությամբ՝ 10 -14 օր պարբերականությամբ: Միջամտությունը խորհուրդ է տրվում սկսել 40-45 տարեկանում:

Բիոռևիտալիզացիայի առավելությունները՝

 Էլաստինի և կոլագենի կոնցենտրացիան բջիջներում տարիքի հետ նվազում է, մաշկը դառնում է չոր և փխրուն: Հյուսվածքների մեջ ներթափանցելուց հետո պատրաստուկների ակտիվ բաղադրիչը ՝ հիալուրոնաթթուն, խթանում է այդ նյութերի առաջացումը, սնուցում և խոնավացնում է մաշկը բնական ճանապարհով:

•Արագ արդյունք։ Տեսանելի արդյունքը հայտնվում է գրեթե անմիջապես, այն նկատելի է դառնում 1-2 միջամտությունից հետո:

•Արագ վերականգնողական շրջան։

•Գրեթե ցանկացած տարիքում ներարկումները կատարելու հնարավորություն:

•Շարունակական արդյունք։ Միջամտությունը թույլ է տալիս երկար ժամանակ մոռանալ կնճիռների, չոր և կախված մաշկի մասին։ Արդյունքը պահպանվում է մինչև 6 ամիս, և ճիշտ պայմաններում մաշկը մի քանի տարի մնում է առաձգական և թարմ