Ինչո՞վ է պայմանավորված ծակոտիների լայնացումը՝ 

Գործոնները, որոնք կարող են հանգեցնել ծակոտիների լայնացման, ներառում են. 

• Որպես հիմնական գործոն՝ ճարպի գերարտադրությունը,  
• Մազերի ֆոլիկուլների չափը, 
• Կոմեդոգեն կոսմետիկայի  օգտագործումը դեմքի մաշկին, 

• Արևապաշտպան չօգտագործելու հետևանքով՝ արևի ճառագայթների բացասական ազդեցությունը, 
• Տարիքի հետ մաշկի առաձգականության կորուստը, 
• Ակնեն. սպիտակ կամ սև կոմեդոնների (սև կետեր) առկայությունը:  

Վերջին ժամանակների հետազոտությունների արդյունքում բացահայտվել է, որ 

տեսանելի ծակոտիներն իրականում մեծ չեն, այլ կոնաձև են՝ ասես ծակոտիի շուրջ մաշկը հեռացված լինի։  

 Եթե դիմացից նայենք տեսանելի ծակոտիներին, ապա դրանք ավելի մեծ են թվում, սակայն ծակոտիի ուղղահայաց կտրվածքը ցույց է տալիս, որ ծակոտին կոնաձև  տեսք ունի։ Լույսի ազդեցության տակ մաշկի իջվածքը ստվեր է գցում՝ տպավորություն ստեղծելով, թե ծակոտիները բացվել են կամ չափսերով շատ մեծ են։ 

Ինչու է՞ ծակոտիների շուրջ մաշկը կոնաձև 

 Տեսանելի ծակոտիների շրջակա մաշկի ուսումնասիրությունները խոսում են ճարպագեղձերի գերակտիվ աշխատանքի մասին։ Ճարպը պարունակում է տարբեր բաղադրիչներ, սակայն տեսանելի ծակոտիներ ունեցողների մոտ չհագեցած ճարպաթթու կոչվող բաղադրիչի քանակությունը նորմայից շատ բարձր է, հենց այդ չհագեցած ճարպաթթուներն էլ մաշկի վրա անհարթություններ և անողորկություն են առաջացնում, որն էլ պատճառ է հանդիսանում ծակոտիների շուրջ մաշկի քայքայմանն ու կոնաձև ֆորմայի առաջացմանը։  

Ինչպե՞ս բուժել լայնացած ծակոտիները 

 Որպեսզի պատկերացնենք ծակոտիների դեմ  պայքարի լրջությունը, պետք է նշենք, որ միայն դեմքի մաքրման միջամտությունը, և միայն տնային խնամքը չեն կարող ազատել լայնացած ծակոտիներից։ Քանի որ դեմքի մաքրումը չի կարգավորում ճարպարտադրության քանակը։  

• Առաջին հերթին բժիշկ-մաշկաբանը պետք է պարզի ճարպի գերարտադրության պատճառները։ Դրանք կարող են լինել բազմազան՝  հորմոնալ խնդիրներ, այդ թվում պայմանավորված վահանաձև կամ ենթաստամոքսային գեղձի աշխատանքով։  

• Ժառանգական նախատրամադրվածությունը, 
• Մենոպաուզան, էնդոկրին և սեռական գեղձերի աշխատանքով պայմանավորված նյութափոխանակության խանգարումները, 
• Որոշակի դեղորայքի ընդունումը։ 

Բուժման գործիքակազմը բավականին բազմազան է։ Այն իր մեջ ներառում է ինչպես դեղահաբերի ընդունում, այնպես էլ սարքավորումային թերապիաներ՝ ուղղված ճարպագեղձի աշխատանքի կանոնակարգմանը։ Որից հետո արդեն խնդրի կոսմետիկ հետևանքների վերացում՝ պրոֆեսիոնալ խնամքի, պիլինգների, հղկումներ և այլ միջամտությունների տեսքով։  

 «CosmoLab»—ը միակ կլինիկան է տարածաշրջանում, որն ունի 1450 նմ երկարության լազերային ճառագայթով սարքավորում, որն ուղղակիորեն նախատեսված է ճարպարտադրության կրճատման և ակնեի տարբեր աստիճանների բուժման համար։ Բժշկական կենտրոնը հագեցած է էսթետիկ բժշկության և մաշկաբանության ոլորտում կիրառվող ժամանակակից լուսային և ճառագայթային բոլոր տեխնոլոգիաներով, մասնավորապես՝ մաշկի հղկման բոլոր մեթոդներով (CO2, Er:Yag, RF նանոֆրակցիոն, RF ֆրակցիոն), IPL, մոնոպոլյար, բիպոլյար և պոլիպոլյար RF ալիքներով սարքավորումներ և այլն․․․