Լազերը՝ որպես մազանոթային ցանցի բուժման արդյունավետ միջոց

Եթե նախկինում մազանոթային ցանցի բուժման, հեռացման համար օգտագործվում էին էլեկտրոկոագուլացիա կամ հեղուկ ազոտով ազդելու միջոցներ, ապա այսօր դրանց փոխարինում է իր արդյունավետությամբ գերակա, անվտանգ մեթոդը՝ լազերը։

CosmoLab Clinics-ի էսթետիկ բժշկության բաժանմունքը զինված է գերմանական նորագույն լազերային տեխնոլոգիաներով, որոնց միջոցով նշված անոթային հիվանդությունները բուժվում են մեծ արդյունավետությամբ։ Այդ մեթոդը կոչվում է «ընտրանքային լազերային կոագուլացիա»։ Այն կիրառվում է միայն 0․5 մմ-ից մինչև 2 մմ լայնությամբ մազանոթների վրա։ Լազերի ազդեցության ներքո մազանոթների պատերը նեղանում են՝ ընդհուպ մինչև միմյանց կպնելը, փակվում՝ լիովին արգելափակելով արյան հոսքը։ Միջամտության արդյունքում վերանում է խնդիրն ու էսթետիկ անհարմարավետությունը։ Հետագայում մշակված մազանոթներն ամբողջովին անհետանում են։

Անոթային ցանցի լազերային հեռացումը ձեռք է բերել մեծ տարածում, քանի որ՝

• չի թողնում հետքեր
• ազատում է խնդրից անվերադարձ
• միջամտության տևողությունը կարճ է

• գրեթե անցավ է՝ շնորհիվ սառեցման հատուկ համակարգի և տեղային ցավազրկողների
• վերականգնողական շրջանը բացակայում է

Լազերային կոագուլացիայի անցկացման հակացուցումներն են՝

• բարորակ և չարորակ ուռուցքները
• հղիության և կրծքով կերակրման շրջանը
• բորբոքային պրոցեսները
• թարմ արևայրուքը
• հորմանալ կորտիկոստերոիդ միջոցների օգտագործումը
• երկաթ պարունակող դեղամիջոցները
• շաքարային դիաբետը
• տրոմբոֆլեբիտը
• քրոնիկ հիվանդությունների ակտիվ շրջանը

Ինչպե՞ս է իրականացվում միջամտությունը

Վնասված հատվածի ուսումնասիրումից հետո բժիշկը քսում է կոնտակտային գել, որից հետո իրականացնում լազերային ընտրանքային ներգործությունը։ Կախված վնասված հատվածի ծավալից՝ միջամտությունը կարող է տևել մինչև 30 րոպե։ Որպես կանոն միջամտությունների քանակը երկուսից չորսն են՝ մեկամսյա դադարներով, սակայն առաջին իսկ այցից հետո արդյունքն ակնհայտ է, հաճախ արդյունքը գրանցվում է նույնիսկ առաջին միջամտությունից հետո։ Միջամտությունից վեց ամիս հետո հարկ է իրականացնել պրոֆիլակտիկ զննում։

Չնայած միջամտության բացարձակ անվնաս լինելուն՝ հարկավոր է պահպանել հետևյալ պայմանները՝

• հատվածը, որտեղ բուժում է իրականացվել, մի քանի շաբաթ զերծ պահել արևի ուղիղ ճառագայթներից
• երեք օր խուսափել լողավազաններից, մեկ ամիս բաղնիքներից և շոգեբաղնիքներից
• խորհուրդ է տրվում խնամել խոնավացնող միջոցներով
• ամռան ընթացքում մշտապես օգտագործել արևապաշտպան քսուք

Եթե ունեք հարցեր, ապա մաշկաբանի խորհրդատվությունն անվճար է, այցելություն կարող եք ամրագրել կլինիկայի Սայաթ-Նովա 15 հասցեի մասնաճյուղում․ հեռախոսահամար՝ 044 55 00 22` ներքին 1: