CosmoLab էսթետիկ բժշկության կենտրոնի տնօրեն Ս․ Ղուշչյանը որոշ փակագծեր է բացում՝ ինչու՞ այդքան սարքավորումներից առանձնացրեց հենց Venus Viva-ն, ո՞րն է այդ սարքավորման հաղթաթուղթը։


Ինչու՞ Venus Viva

Միշտ առանձնահատուկ մոտեցում եմ ունեցել նոր լուծումներով հագեցած ժամանակակից տեխնոլոգիաներին։ Ժամանակակից տեխնոլոգիաները հմուտ մասնագետի ձեռքին կարող են սպասվածից առավել արդյունքներ արձանագրել։ Գուցե թվում է թե սարքը ժամանակակից է և օգտագործման համար պարզ, այն ունակ է օգտագործել ցանկացած անձ, սակայն, իրականում ինչքան սարքը ժամանակակից, այնքան ամենափոքր նպատակային կարգաբերումը այս կամ այն խնդիրը լուծելու համար ունի իր առանձնահատուկ ազդեցությունը։

Շուկայում շատ կան առաջարկներ, որոնք այս կամ այն չափով լուծում են էսթետիկ բժշկության ոլորտի պահանջները, սակայն ընտրությունը պետք է ներառի այնպիսի հարցեր, որոնք հուզում է անմիջապես այցելուներին։ Բացի նպատակային արդյունավետությունից դրանց հիմքում պետք է ընկած լինեն հետևյալ խնդիրները՝

1․ Ցավի զգացողությունը մինչև և վերականգողական ժամանակաշրջանում

2․ Վերականգնողական ժամանակաշրջանի տևողությունը

3․ Արդյունավետությունը և անվտանգությունը

Ինձ համար պատահական չէր, սակայն շատ ուրախալի էր այն փաստը, որ Venus Viva սարքավորումը ԱՄՆ-ի Կալիֆորնիա նահանգի Բևեռլի Հիլզ քաղաքում կայացած Aesthetic Everything’s-ի կողմից կազմակերպված քվեարկության արդյունքներով, որպես դեմքի մաշկի էսթետիկ խնդրիների լուծման լավագույն միջոց իր տեղն է զբաղեցրել է թոփ հնգյակում։


Ի՞նչ խնդիրներ է լուծում Venus Viva-ն

Venus Viva-ի գործառույթի շրջանակը բավականին մեծ, իսկ արդյունավետությունն արդեն ամրապնդված է մեր կողմից կատարված միջամտությունների փաստագրական վիճակագրությամբ։

1. Ակնեի հետևանքների ամբողջ փաթեթը՝ փոսիկներ, սպիներ, ծակոտիներ, դերմալ և էպիդերմալ պիգմենտացիաներ

2. Դեմքի մաշկի երիտասարդացում

3. Կոպերի ձգում

4. Կնճիռների հարթեցում

5. Ստրիաների հղկում