Ուրվագծային պլաստիկա. այս միջամտությունն իրականացվում է մաշկի մեջ գել-ֆիլերների՝ լցոնիչների ներարկման միջոցով, որոնք լայնորեն տարածվում են հետևյալ կոսմետիկ միջամտություններն իրականացնելու նպատակով՝ կնճիռների դեմ պայքար, հյուսվածքների ծավալի լրացում, շուրթերի ձևի փոփոխություն, դեմքի և մարմնի էսթետիկական արատների վերացում: Մասնագետի հմուտ ձեռքերում ուրվագծային պլաստիկայի արդյունքը նման է պլաստիկ վիրահատության արդյունքի, սակայն ամենակարևորն այն է, որ այս մեթոդն անցավ է, չի ենթադրում սպիներ և հետվիրահակատական վերականգնում:
Ուրվագծային պլստիկա՝ մեթոդի նկարագրությունը
Ուրվագծային պլաստիկա իրականացնելու միջոցն ընտրելիս մասնագետն առաջին հերթին հիմնվում է իր փորձի և կլինիկապես ապացուցված անվտանգության վրա: Այս պահանջներին համապատասխանում են ստաբիլիզացված հիալուրոնաթթվի և կոլագենի հիմքով նյութերը: Այս նյութերը մեր մաշկի բնական բաղադրիչներն են, այդ պատճառով դրանց հիմքով գել ֆիլերները մաշկն ընդունում է առանց որևէ խնդիր՝ չառաջացնելով ալերգիկ դրսևորումներ կամ մերժման ռեակցիաներ: Այս գելերի հիման վրա նյութերը կենսավերամշակվող են, այսինքն՝ ժամանակի ընթացքում լուծվում են և դուրս բերվում օրգանիզմից: Լուծվելու հատկությունն էլ որոշում է այս մեթոդի անվտանգությունը: Ուրվագծային պլաստիկան պացիենտին հնարավորություն է տալիս ձևավորելու իր արտաքինը՝ համապատասխան նորաձևության և գեղեցկության մասին իր պատկերացումների, որոնք ժամանակի ընթացքում փոփոխվում են: Այսպես, օրինակ, եթե այսօր բոլորը նախընտրում են թմբլիկ փափուկ շուրթեր, վաղը ամեն ինչ կարող է փոխվել: Գել-ֆիլերները արտադրվում են բազմաթիվ հայտնի գիտական լաբորատորիաներում, անվտանգ են և համապատասխանում են ուրվագծային պլաստիկայի «ոսկե չափորոշիչներին»:
Ուրվագծային պլաստիկայի մասնագետի գործիքակազմում պետք է լինեն տարբեր նյութակազմվածքի մի քանի միջոցներ՝ տարբեր խնդիրների լուծման համար, ինչպսիք են ճակատի ծալքերի, աչքերի անկյուններում այսպես կոչված «սագաթաթի կնճիռների», քիթ-շուրթային ծալքի վերացումը, դեմքի ծավալի վերականգնումը և շուրթերի ձևավորումը: Ուրվագծային պլաստիկան դեմքը կատարյալ վիճակում պահպանելու առաջադեմ մեթոդիկան է: Ուրվագծային պլաստիկան թույլ է տալիս արագ և արդյունավետ ձերբազատվել հոգնեցրած կնճիռներից՝ չպահանջելով պլաստիկ վիրահատությունների վիրաբուժական միջամտությունները: Ուրվագծային պլաստիկան միջամտություն է նրանց համար, ով ուզում է երիտասարդ տեսք ունենալ՝ շատ ժամանակ չծախսելով:
