Դեմք

Կախված մաշկի հաստությունից՝ դեմքի մազահեռացումը կարող է ինչպես թեթևակի ցավոտ լինել, այնպես էլ անտանելի: Հաշվի առնելով, որ դեմքի էպիլացիայի առավելագույն տևողությունը 10 րոպե է, աննշան ցավին դիմակայելը հնարավոր է: Պետք է հիշել, որ լազերը չպետք է ազդի աչքերի վրա, այլապես կարող եք կորցնել տեսողությունը: Եթե տեսնում եք, որ մասնագետը ձեզ աչքերի պաշտպանության միջոցներ չի առաջարկում, անպայման պահանջե՛ք այն:

Կրծքավանդակ և փորի հատված

Կանացի կուրծքը հազվադեպ է անցանկալի մազածածկույթ ունենում, սակայն արեոլաների շուրջը աննշան քանակության մազերը լուրջ խնդիր են դառնում ոչ միայն այն պատճառով, որ դա գեղեցիկ չէ, այլ նաև այն պատճառով, որ արեոլաները պարունակում են նույն մելանին գունանյութը, որը գունավորում է մազերը և կլանում լուսային ճառագայթը: Հե՛նց այդ պատճառով կնոջ կրծքի մազերի հեռացումը կարող է լինել բավականին ցավոտ կամ տհաճ: Իսկ տղամարդկանց կրծքավանդակի էպիլացիան ոչ միայն 40 րոպե է տևում, այլ նաև բավականին անհարմարություն է պատճառում, քանի որ մազերը բազմակի անգամ ավելի հաստ են, քան կանանց մոտ: Փորի հատվածի էպիլացիան գրեթե անցավ է, ուստի միջամտության ընթացքում մասնագետը կարող է չկիրառել սառեցնող քսուքներ:

Մեջք

Մեջքի լազերայի էպիլացիան անցավ է, սակայն անհրաժեշտ է հիշել, որ շատերի մեջքը ծածկված է խալերով, որոնք մելանինի «պահոցներ» են: Այս դեպքում ձեզ կամ կմերժեն անցկացնել միջամտությունը, կամ կօգտագործեն բոլոր հնարավոր ցավազրկող միջոցները, քանի որ լազերը չափազանց տաքացնելու է նշված հատվածները:

Ձեռքեր

Եթե ձեռքերի վրա չկան մեխանիկական վնասվածքներ, մաշկը չափազանց բարակ չէ և չկան խալեր, միջամտությունն անցավ կլինի: Ամեն ինչ կախված է լազերի ճիշտ կարգավորումներից և ցավազգացության շեմից:

Բիկինիի հատված

Առավել ցավոտ է բիկինիի մազահեռացումը: Բանն այն է, որ այս հատվածում գտնվում են բազմաթիվ նյարդային վերջավորություններ, իսկ մաշկը նվազագույն հաստություն ունի: Ըստ այս հատվածի լազերային էպիլացիա անցկացրած կանանց մեկնաբանություների, առավել ցավոտ է ամոթաշուրթերի մազահեռացումը, ուստի առանց ցավազրկող քսուքի միջամտությունը հնարավոր չէ: Հաշվի առեք, որ բիկինի հատվածի էպիլացիան տևում է առավելագույնը 20 րոպե, իսկ միջամտությունից հետո ցավն արագ է անցնում:

Ոտքեր

Ոտքերի լազերային էպիլացիան անցավ է համարվում, քանի որ մաշկն այստեղ այդքան շատ նյարդային վերջավորություններ չունի, սակայն ոսկրային հատվածներում հնարավոր է զգայունության ուժեղացում: Ցավը կարող է առաջանալ միայն եթե դուք բարակ մաշկ ունեք կամ լազերը սխալ է կարգավորված:

Անցավ էպիլացիայի կանոնները. խորհուրդներ

Էպիլացիայի նորագույն մեթոդները նվազագույնի են հասցնում ցավի զգացողությունը, սակայն եթե չհետևեք որոշակի կանոնների, մասնագետի բոլոր ջանքերն ապարդյուն կլինեն: Ահա էպիլացիայի ժամանակ ցավը նվազեցնելուն նպաստող գործողությունների ցուցակը.

1. Լազերային էպիլացիայից 2-3 շաբաթ առաջ հրաժարվեք արևայրուքից և սոլյարիից. տանից դուրս գալուց առաջ արևապաշտպան միջոց օգտագործե՛ք, որպեսզի նվազագույնի հասցնեք ուլտրամանուշակագույն ճառագայթման չափաբաժինը:

2. Էպիլացիայից 2-3 օր առաջ մշակվող հատվածը սափրե՛ք ածելիով, որպեսզի մազերը հասցնեն անհրաժեշտ երկարության աճել (3-4 մմ):

3. Հրաժարվե՛ք մազի սոխուկի ամբողջականությունը խախտող մազահեռացման այլ միջոցներից (մեղրամոմ, շուգարինգ, էլեկտրոէպիլացիա և այլն):

4. Եթե միջամտությունը դեմքի վրա է, հրաժարվե՛ք ցանկացած տեսակի կոսմետիկայի օգտագործումից, այլապես հնարավոր են այրվածքներ և այլ կողմնակի ազդեցություններ:

5. Միջամտությունից մեկ շաբաթ առաջ ավարտե՛ք ցանկացած տեսակի դեղամիջոցների օգտագործումը; եթե դա հնարավոր չէ, անպայման տեղյակ պահե՛ք էպիլացիա անցնացնող մասնագետին:

6. Բիկինիի կամ խորը բիկինիի էպիլացիայի պատրաստվելիս սպիտակ գույնի ներքնազգեստ կրե՛ք, որպեսզի ճառագայթը կլանի միայն մազը: Էպիլացիան նշանակե՛ք դաշտանի ավարտից մի քանի օր հետո, քանի որ այդ օրերին ցավազգացության շեմն առավելագույնն է (դուք ավելի քիչ եք ցավ զգում):

CosmoLab-ում միջամտությունից առաջ խորհրդատվությունն անվճար է, առաջնային զննման համար գրանցվել կարող եք՝ զանգահարելով 011 55 00 22, 044 55 00 22 հեռախոսահամարներով։