Ռոզացեա․ առաջացումից մինչ բուժում

Ի՞նչ է ռոզացեան

Ռոզացեան դեմքի կենտրոնական հատվածի քրոնիկ հիվանդություն է, որը հաճախ առաջանում է 30-ից 60 տարեկան հասակում: Այն սովորաբար հանդիպում է բաց մաշկ, կապույտ աչքեր ունեցող մարդկանց շրջանում:

Ռոզացեան կարող է լինել անցողիկ, պարբերական կրկնվող կամ կայուն, և բնութագրվում է մաշկի կարմիր երանգով:

Ո՞րն է ռոզացեայի առաջացման պատճառը

Ռոզացեայի առաջացման պատճառների վերաբերյալ կան մի քանի տեսություններ, ներառյալ գենետիկական, էկոլոգիական, անոթային և բորբոքային գործոնները: Որոշակի դեր ունի նաև ուլտրամանուշակագույն ճառագայթման քրոնիկական ազդեցության հետևանքով մաշկի վնասումը: Մաշկի բնածին իմունային պատասխանը կարևոր է, քանի որ ռոզացեայի ընթացքում նկատվում են հակամանրէային պեպտիդների բարձր կոնցենտրացիաներ, օրինակ ՝ կաթելիցիդիններ:

Ռոզացեայի ժամանակ կարևոր դեր ունեն մատրիցային մետալոպրոտեինազները, ինչպիսիք են կոլագենազը և էլաստազը: Այս ֆերմենտները վերափոխում են նորմալ հյուսվածքները, օգնում վերքերի ապաքինմանը և արյան անոթների ձևավորմանը (անգիոգենեզ): Ռոզացեայի ժամանակ այս ֆերմենտները գտնվում են բարձր կոնցենտրացիայի մեջ և կարող են նպաստել մաշկի բորբոքմանը, կարծրացած մաշկի առաջացմանը: Մատրիցային մետալոպրոտեինազները կարող են նաև ակտիվացնել կատելիցիդինները, որոնք նպաստում են բորբոքմանը:

Որո՞նք են ռոզացեայի կլինիկական բնութագրերը

Ռոզացեայի արդյունքում առաջանում են կարմիր հանգույցներ (պապուլաներ), երբեմն նաև պուստուլաներ: Սրանք ավելի շատ լինում են կոնաձև, ի տարբերություն ակնեի` չկան սև և սպիտակ կետեր ու հանգույցներ: Ռոզացեան կարող է հանգեցնել նաև կարմրության (Էրիթեմա-տելեանգիէկտատիկ ռոզացեա), թեփոտվածության առաջացման (դերմատիտ) և այտուցվածության (ֆիմատոզ ռոզացեա):

Ռոզացեայի ախտանիշները

  • Հաճախակի կարմրություն;
  • Կարմրավուն դեմք՝ կայուն կարմրության կամ արյան անոթների պատճառով՝ տելեանգիէկտազիա (առաջին աստիճան կամ Էրիթեմա-տելեանգիէկտատիկ ռոզացեա);
  • Հաճախ հանդիպող կարմիր պապուլաներ և պուստուլաներ քթի, ճակատի, այտերի և կզակի հատվածներում (բորբոքային կամ պապուլոպուստուլյար ռոզացեա)․ հազվադեպ կարող են հանդիպել նաև իրանի և վերին վերջույթների հատվածներում;
  • Դեմքի չոր և շերտավորվող մաշկ;
  • Արևի ազդեցության ներքո գտնվելիս և տաք, կծու կերակուր կամ ըմպելիքներ համտեսելիս նկատվող սրացումներ (դեմքը կարմրացնող ցանկացած բան);
  • Զգայուն մաշկ. այրոց և քոր, հատկապես դիմահարդարման, արևապաշտպան և այլ քսուքների օգտագործման դեպքում;
  • Կարմիր, ցավոտ կամ փոշոտվող կոպի եզրեր, ներառյալ պապուլաները և ակնագարիկները (բլեֆարիտ), և աչքերի հոգնածություն կամ բորբոքում (կոնյունկտիվիտ, կերատիտ, էպիսկլերիտ)` աչքերի ռոզացեա;
  • Մեծացած քիթ ՝ աչքի ընկնող ծակոտիներով (ճարպային հիպերպլազիա)՝ ռինոֆիմա;
  • Դեմքի այլ հատվածների կոշտ այտուցվածություն, ներառյալ կոպերը` բլեֆարոֆիմա;
  • Լիմֆատիկ խցանման պատճառով դեմքի վերին հատվածի կայուն կարմրություն և այտուցներ կամ ամբողջական այտուց` Մորբիգանի հիվանդություն;
  • Կայուն դեղին-շագանակագույն երանգի պապուլաներ և հանգույցներ ՝ հատիկավոր ռոզացեայի պատճառով:

rozacea

Բուժող բժիշկ՝ «CosmoLab»-ի մաշկաբանության բաժանմունքի ղեկավար, բժիշկ-մաշկաբան Դավիթ Հարությունյան։

Ո՞րն է ռոզացեայի դիֆերենցիալ ախտորոշումը

Ռոզացեան երբեմն հնարավոր է շփոթել դեմքի այլ ցաների հետ կամ կարող է ուղեկցվել հենց այդ ցաներով.

  • Ակնե (Acne Vulgaris-պատանեկան ակնե);
  • Ստերոիդային ռոզացեա;
  • Դեմոդեկոզ;
  • Ֆուլմինանտ ռոզացեա
  • Սեբորեային դերմատիտ
  • Գրգռիչ/իրիտանտ կոնտակտային մաշկաբորբ
  • Համակարգային (սուր) կարմիր գայլախտ
  • Դերմատոմիոզիտ

Բուժող բժիշկ՝ «CosmoLab»-ի մաշկաբանության բաժանմունքի ղեկավար, բժիշկ-մաշկաբան Դավիթ Հարությունյան։

Ինչպե՞ս է ախտորոշվում ռոզացեան

Շատ դեպքերում որևէ հետազոտություն չի պահանջվում, և ռոզացեայի ախտորոշումը կատարվում է կլինիկորեն: Ժամանակ առ ժամանակ կատարվում է մաշկի բիոպսիա, որը ցույց է տալիս քրոնիկ բորբոքումները և անոթային փոփոխությունները: Ռոզացեայի համընդհանուր հաշվառման հանձնաժողովը (ROSCO) խորհուրդ է տալիս դասակարգել ռոզացեան`օգտագործելով ախտորոշիչ, հիմնական և երկրորդական ֆենոտիպեր: Ախտորոշման համար անհրաժեշտ է մեկ ախտորոշիչ կամ երկու հիմնական ֆենոտիպ:

Ախտորոշիչ ֆենոտիպեր

  • Հաստատված դեմքի կենտրոնական հատվածի էրիթեմա` բնորոշ օրինաչափությամբ, որը կարող է պարբերաբար սրվել;
  • Ֆիմատոզ փոփոխություններ;

Հիմնական/առաջնային ֆենոտիպերը

  • Պապուլաներ և պուստուլաներ;
  • Կարմրություն;
  • Տելեանգիէկտազիա;
  • Աչքերի ռոզացեա (կոպերի եզրային հատվածների տելեանգիէկտազիաներ, սկլերիտ, սկլերոկերատիտ);

Երկրորդային ֆենոտիպեր

  • Այրոց կամ քոր;
  • Այտուցներ;
  • Արտաքին չոր տեսք;

ռոզացեա

Բուժող բժիշկ՝ «CosmoLab»-ի մաշկաբանության բաժանմունքի բժիշկ-մաշկաբան Էդուարդ Ավագյան։

Ռոզացեայի բուժում

«CosmoLab»-ի մաշկաբանության բաժանմունքում ռոզացեայի բուժման համար օգտագործվում են միմիայն բժշկական ուղեցույցերով հաստատված դեղորայքային բուժման մոտեցումներ, հարկ եղած դեպքում կատարվում է նաև սարքավորումային բուժում։

Ապրելակերպի, մաշկի ճիշտ խնամքի դերը ռոզացեայի բուժման մեջ․

Ռոզացեայի ժամանակ մաշկի պատշաճ խնամքը նպատակ ունի.

  • վերականգնել մաշկի պաշտպանիչ շերտը;
  • պաշտպանել մաշկը ուլտրամանուշակագույն ճառագայթումից:

Ռոզացեայի ժամանակ խորհուրդ է տրվում պարբերաբար օգտագործել արևապաշտպան միջոցներ 30 և ավելի բարձր SPF-ով , որոնք ապահովում են ավելի լավ պաշտպանություն՝
• UVA ճառագայթներից;
• UVB ճառագայթներից;
• ինֆրակարմիր ճառագայթումից;
• կապույտ լույսից:

розацеа

Բուժող բժիշկ՝ «CosmoLab»-ի մաշկաբանության բաժանմունքի բժիշկ-մաշկաբան Էդուարդ Ավագյան։

Ռոզացեայի բուժման տարատեսակ մեթոդները հնարավորություն են տալիս բժշկին յուրաքանչյուր պացիենտի համար կազմել անհատական բուժման պլան և հասնել գերազանց կլինիկական արդյունքների:

Մաշկի պատշաճ խնամքը չոր մաշկից ազատվելու և ռոզացեայի տհաճ զգացողությունները թեթևացնելու ամենաարդյունավետ միջոցն է:

Պացիենտի կրթվածությունը նույնպես կարևոր է մաշկի քրոնիկ բորբոքային հիվանդության արդյունավետ կառավարման համար: Անհրաժեշտ է պացիենտին բերել գիտակցության այն աստիճանի, որ կենսակերպի փոփոխությունները կարող են զգալիորեն նվազեցնել ռոզացեայի ախտանիշների սրությունը:

розацеа

Բուժող բժիշկ՝ «CosmoLab»-ի մաշկաբանության բաժանմունքի ղեկավար, բժիշկ-մաշկաբան Դավիթ Հարությունյան։

Եթե ռոզացեայի ախտանշանները Ձեզ ծանոթ թվացին, կամ վստահ եք ախտորոշման հարցում՝ կարող եք Ձեր առողջությունը վստահել «CosmoLab»-ի մաշկաբանության բաժանմունքի բանիմաց և փարձառու բժիշկներին։

Խորհրդատվության արժեքը 7000 դրամ է, բուժան նշանակման հետ միասին՝ 10,000 դրամ։ Գրանցվել կարող եք՝ զանգահարելով 011 55 00 22, 044 55 00 22 հեռախոսահամարներով։

Հասցեներ՝

Սայաթ-Նովա 15 (ներքին՝ 1)

Կոմիտաս 37 (ներքին՝ 2)

Գայի պող․ 16 | Մեգամոլ (ներքին՝ 3)






Գոհար Հովհաննիսյան
Շողեր Պողոսյան

Առցանց գրանցման կարգ

Էլեկտրոնային համակարգի գործարկումով առցանց գրանցման նպատակը՝ հեռախոսազանգի միջոցով գրանցման տևողության կրճատումն է, որը միառժամանակ ապահովում է թափանցիկություն՝ մատուցվող ծառայությունների, դրանց արժեքների և կլինիկայում աշխատող բժիշկների վերաբերյալ, ինչի արդյունքում ձևավորվում է փոխադարձ հարգանք և վստահություն։ Առցանց գրանցման համար պետք է՝

  • սեղմել առցանց գրանցման կոճակը
  • ընտրել ծառայությունը
  • ընտրել նախընտրած բժշկին
  • ընտրել հարմար ժամ՝ բժշկի անհատական ժամատախտակից
  • լրացնել կոնտակտային տվյալների բաժինը
  • որպես վերջնական քայլ՝ հաստատել ծրագրի կողմից եկած հաղորդագրությունը Ձեր այցի ամրագրման վերաբերյալ

Հիշեցնենք, որ միջամտության ավարտից հետո, ծրագրում նախատեսված համապատասխան բաժնում կարող եք գրել Ձեր  կարծիքը,  ինչը կօգնի մեզ ավելի բարելավել ծառայությունների որակը