Դերմատոսկոպիան մաշկի նորագոյացությունների հետազոտման ժամանակակից սարքավորումային մեթոդ է, որն ունի բարձր ախտորոշիչ նշանակություն: Բոլորովին վերջերս մաշկային հիվանդությունների տարբերակված ախտորոշման համար անհրաժեշտ էր կատարել բիոպսիա՝ հաջորդող հիստոլոգիական հետազոտությամբ: Դերմատոսկոպիայի շնորհիվ հնարավոր է իրականացնել նորագոյացությունների տարբերակված ախտորոշում ՝ առանց մաշկը վնասելու:
Ի՞նչ է դերմատոսկոպիան
Դերմատոսկոպը մաշկաբանի օժանդակ սարքավորումների գործիքակազմի ամենակարևոր մասնիկն է: Այն դարձել է պիգմենտավոր և ոչ պիգմենտավոր ախտահարումների հուսալի գնահատման գործընթացի կարևոր մասը, ինչպիսիք են նևուսներն ու մելանոմաները՝ մաշկի քաղցկեղի սքրինինգի համատեքստում:
Դերմատոսկոպը նաև կարևոր գործիք է, երբ խոսքը վերաբերում է այլ ախտահարումների հայտնաբերմանը, ինչպիսիք են ներբանային գորտնուկները, հիպերտրոֆիկ ճարպագեղձերը կամ քոր առաջացնող տզերի վարակները:
Դերմատոսկոպիան կատարվում է հատուկ դերմատոսկոպիկ սարքի միջոցով: Սարքավորումը իրենից ներկայացնում է մեկ ակնոցով խողովակ, որի ներսում առկա է խոշորացույց՝ մինչև 10–20 անգամ խոշորացման հզորությամբ, թափանցիկ թիթեղ, չբևեռացված լույսի աղբյուր և հեղուկ գելային միջավայր:
Դերմատոսկոպի միջոցով հնարավոր է մանրամասն ուսումնասիրել մաշկի տարբեր շերտերի գույնը և միկրոկառուցվածքը՝ էպիդերմիսի, դերմո-էպիդերմալ հանգույցի, պապիլյար դերմիսի:
Սարքը հատկապես արդյունավետ է մաշկի մահացու հիվանդության՝ մելանոմայի ախտորոշման դեպքում: Դերմատոսկոպիայի միջոցով 90% դեպքերում կարելի է ախտորոշել մաշկի քաղցկեղի վաղ փուլը։ Բացի մելանոմայից, դերմատոսկոպիայի միջոցով հնարավոր է կատարել բարորակ կամ չարորակ բնույթի մաշկի ցանկացած նորագոյացությունների, բջիջների սահմանային վիճակների տարբերակված ախտորոշում։
Ի՞նչ դերմատոսկոպով է կատարվում հետազոտությունը «CosmoLab»-ում։
«CosmoLab»-ի մաշկաբանության բաժանմունքում դերմատոսկոպիկ հետազոտությունը կատարվում է գերմանական արտադրության, վերջին թողարկման Heine Delta 30 դերմատոսկոպով։
Ընդհանրապես, դերմատոսկոպի զարգացումն ու լայն կիրառումը մեծ ազդեցություն են ունեցել մաշկի քաղցկեղի վաղ հայտնաբերման և կանխարգելման վրա: Դրան նպաստել է նաև Հելմուտ Ա. Հայնեի անձնական պատմությունը, որը ներկայացնում ենք ստորև։
1989թ.-ին նա ուղեկցում էր իր կնոջը, երբ կինը հետազոտում էր մաշկի ակնհայտ ախտահարված հատվածը: Նա նկատեց, որ այն ժամանակ կիրառվող հետազոտության մեթոդները զգալի բացթողումներ ունեին պայծառության, սրության և կառավարման առումով. բժիշկ Օտտո Բրաուն-Ֆալկոյի օգնությամբ մշակվեց առաջին ձեռքի դերմատոսկոպը՝ DELTA 10-ը: Իսկ դերմատոսկոպիայով ախտորոշման ճշգրտությունը 55%-ից հասավ 90%-ի:
Այդ ժամանակից ի վեր դերմատոսկոպը դարձել է մաշկաբանական ախտորոշման անփոխարինելի բաղադրիչ ինչպես մաշկաբանների, այնպես էլ ընդհանուր բժիշկների համար: Այժմ, աշխարհի առաջատար երկրներում, ինչպես նաև մեզ մոտ՝ «CosmoLab»-ում տարբեր ծագման նորագոյացությունների ախտորոշումը կատարվում է Heine Delta 30 դերմատոսկոպով։
Դերմատոսկոպիա կատարելու հիմնական ցուցումներից մաշկի քաղցկեղի սքրինինգի շրջանակներում մաշկի ուռուցքների ախտորոշումն ու տարբերակումն է: Այնուամենայնիվ, դերմատոսկոպը առավել շատ է օգտագործվում մաշկի այլ հիվանդությունների հետազոտման համար: Իր օգտագործման հարմարության շնորհիվ այն կարող է կիրառվել ցանկացած ժամանակ և ցանկացած վայրում, մեծ առավելություններ է տալիս մաշկի փոփոխությունների ուսումնասիրման հարցում, որոնք անզեն աչքին տեսանելի չեն:
Օրինակ ՝ դերմատոսկոպը օգնում է ճշգրիտ տարբերակել օտար մարմինները, ինչպիսիք են թելի մնացորդը կամ տիզի բերանի մնացած հատվածները: Պարազիտային վարակները նույնպես կարող են ճշգրիտ ախտորոշվել:
Մազերի և եղունգների ախտորոշումը ևս շատ պարզեցված է, քանի որ հնարավոր է հստակ տարբերակել այլ հիվանդություններից: Մաշկային դասական հիվանդությունների փոփոխությունները, ինչպիսիք են ատոպիկ էկզեման, պսորիազը, ռոզացեան կամ կարմիր տափակ որքինը, հաճախ արտահայտում են կլինիկական ասպեկտներ, որոնք ավելի լավ տեսանելի են դերմատոսկոպի օգնությամբ:
Մեր մաշկաբանության բաժանմունքում նորագոյացությունների հեռացումից առաջ կամ պարզապես անհրաժեշտության դեպքում կատարվում է դերմատոսկոպիկ հետազոտություն, բժիշկները ժամանակ առ ժամանակ վերապատրաստվում են՝ հարստացնելով գիտելիքներն ու փորձը։
Դերմատոսկոպիկ հետազոտության համար այցելություն կարող եք ամրագրել՝
Զանգով՝ 011 55 00 22, 044 55 00 22
![📍](https://static.xx.fbcdn.net/images/emoji.php/v9/t86/1.5/16/1f4cd.png)
![📍](https://static.xx.fbcdn.net/images/emoji.php/v9/t86/1.5/16/1f4cd.png)
![📍](https://static.xx.fbcdn.net/images/emoji.php/v9/t86/1.5/16/1f4cd.png)
![📍](https://static.xx.fbcdn.net/images/emoji.php/v9/t86/1.5/16/1f4cd.png)
![📍](https://static.xx.fbcdn.net/images/emoji.php/v9/t86/1.5/16/1f4cd.png)
Կարդացե՛ք նաև՝
![](https://cosmolab.am/wp-content/uploads/2021/11/ԳՆԱՑՈՒՑԱԿ-2-ALEXANDRIT-nor-gnacucak-576x1024.jpg)
![](https://cosmolab.am/wp-content/uploads/2021/11/ԳՆԱՑՈՒՑԱԿ-2-ALEXANDRIT-756x1024.jpg)
Ալեքսանդրիտային լազերային մազահեռացում, մանրամասներ ամենահայտնի և անվտանգ մազահեռացման մեթոդի մասին՝ կարդալ ավելին։