Կանդիլոմաներ կանանց մոտ, ի՞նչ է դա և ինչպե՞ս բուժել այն
Համաձայն բժշկության մեջ գոյություն ունեցող գինեկոլոգիական դասակարգման՝ կանդիլոմաները դասվում են վիրուսային ծագումնաբանություն ունեցող բորբոքումների շարքին և դիտարկվում որպես արգանդի վզիկի քաղցկեղի ռիսկի գործոն։ Այդ պատճառով կանանց մոտ հայտնաբերված կանդիլոմաները չի կարելի անուշադրության մատնել։ Այս հիվանդության ի հայտ գալուն պես անհրաժեշտ և պարտադիր է դիմել մասնագետի և անցնել համապատասխան հետազոտություններ ։
Ի՞նչ է կանդիլոման
Կանդիլոմաներն իրենցից ներկայացնում են մարմնագույն երանագավորմամբ գորտնուկներ, որոնք հայտնվում են սեռական օրգանների վրա և հետանցքի շրջանում։ Հազվադեպ, կարող են հայտնվել նաև մարմնի տարբեր մասերում։ Ուսումնասիրություների համաձայն՝ սրածայր գորտնուկների (կանդիլոմաների) հայտնվելուն նպաստում է ԴՆԹ պարունակող մարդու պապիլոմա վիրուսը, որի ներկայությունը օրգանիզմում երկար ժամանակ կարող է աննկատ լինել։
Չնայած կանդիլոմատոզը դասում են այն հիվանդությունների շարքին, որոնք փոխանցվում են սեռական ճանապարհով,սակայն, այն վարակման միակ տարբերակը չէ։ Վարակը կարող է փոխանցվել կենցաղային պարագաների միջոցով և բնական ճանապարհով ծննդաբերության ժամանակ։ Կանդիլոմաների առկայությունը կանանց մոտ պահանջում է անհապաղ և արդյունավետ բուժում, քանի որ նրանց առկայությունը արգանդի պարանոցի շրջանում բերում է նախաքաղցկեղային վիճակի։
Որո՞նք են կանանց մոտ նման գոյացության ի հատ գալու պատճառները
Համաձայն վիճակագրական տվյալների՝ պապիլոմա վիրուս ունեն կանանց 15%-ը, սակայն, նրանք ոչ միշտ են արտահայտվում։ Վիրուսակիր գեղեցիկ սեռի ներկայացուցիչները կարող են այն փոխանցել սեռական հարաբերությունների ժամանակ։ Վարակը փոխանցվում է ոչ միայն ավանդական, այլ բոլոր հնարավոր սեռական շփումների միջոցով։ Այդ պատճառով էլ կանդիլոմաները լինում են ոչ միայն հեշտոցում, այլև սեռական շուրթերի, լեզվի, պարանոցի, բերանի խոռոչում և նույնիսկ կրծքի վրա։
Կենցաղային ճանապարհով վարակը տարածվում է կանդիլոմայից դուրս եկող արտադրության միջոցով։ Մաշկի ծածկույթի կամ լորձաթաղանթի վրա հնարավոր միկրո վնասվածքները հեշտացնում են վարակի ներթափանցումը օրգանիզմ։ Բնական ճանապարհով ծննդաբերության ժամանակ վարակի փոխանցում հնարավոր է՝ եթե հեշտոցի պատի վրա առկա է սրածայր կանդիլոմա։
Երբ կինը հանդիսանում է վարակակիր, ցածր իմնուային համակարգի առկայության պարագայում կա ինքն իրեն վարակելու հավանականություն։ Օրգանիզմի դիմադրողականության անկմանն են նպասում հետևյալ գործոնները։
• Սթրեսները (ֆիզիկական և հոգեբանական), նյարդային ծիկերը
• Դիետաները, քանի որ օրգանիզմն այդ ժամանակ ունի այնպիսի նյութերի պահանջ, որոք օգտագործվում են հակամարմինների սինթեզի ժամանակ
• Հետծննդաբերական շրջանը
• Ինքնաբուժությամբ զբաղվելը, այնպիսի դեամիջոցների և նյութերի օգտագործման չարաշահումը, որոնք բերում են օրգանիզմի միկրոֆլորայի խախտման եւ դիմադրողականության անկմանը։
Կանանց կանդիլոմաների տեսակները
Կանանց մոտ վիրուսային կանդիլոմաները լինում են տարբեր տեսակի և ծավալի,
սակայն, հաճախակի նրանք ունենում են վարդագույն-մոխրագուն երանգավորում, որոնց չափերը հասնում են մինչև մի քանի միլիմետրի։ Որպես կանոն, սկզբնական ժամանակաշրջանում նրանք տեղավորվում են իրարից առանձին, սակայն ելուստի բջիջների ակտիվ զարգացման պատճառով նրանք միաձուլվում են՝ ձևավորելով մեծ գոյացություններ, որոնք արտաքնապես կարող են համեմատվել «գունավոր կաղամբի» հետ։ Կանանց մոտ տարբերակում են երկու տեսակի կանդիլոմա.
• Սրածայր
• Տափակ
