Պլազմոթերապիան էսթետիկ բժշկության մեջ իր արդյունավետությամբ ամենահայտնի միջամտություններից է, որն իրականացվում է պացիենտի մաշկ՝ իր իսկ արյան թրոմբոցիտներով հարուստ աուտոլոգիական շիճուկի ներարկմամբ։ Այլ աղբյուրներում պլազմոթերապիան կարող ենք հանդիպել PRP-թերապիա անվամբ։ Ինչպես հայտնի է, թրոմբոցիտները պատասխանատու են ոչ միայն արյան մակարդման՝ այլև երիտասարդ մաշկի աճի և ռեգեներացիայի համար։ Այս իսկ պատճառով միջամտությունը կիրառվում է երիտասարդացման, մաշկի սնուցման և տոնուսի բարձրացման նպատակներով։
Ինչպե՞ս է իրականացվում միջամտությունը
Պլազմոթերապիայի իրականացման համար պացիենտի երակից վերցրվում է արյուն, որը տեղափոխվում է հատուկ սրվակ և մշակվում ցենտրիֆուգացման միջոցով։ Գործընթացի արդյունքում թրոմբոցիտներն անջատվում են արյան մյուս ձևաբանական տարրերից։ Սպիտակուցային մոլեկուլները, որոնք թրոմբոցիտների աճի գործոններն են, կարգավորում են բջիջների աճն ու արագացնում են դրանց բաժանումը։ Բացի այդ ցենտրիֆուգացված պլազմային նյութը (շիճուկը) պարունակում է հորմոններ, ֆերմենտներ, վիտամիններ, որոնք ունենում են իրենց վերականգնող և երիտասարդացնող հատկությունը։ Միջամտության ընթացքը նման է բիոռևիտալիզացիայի իրականացման գործընթացին, իրականացվում է նուրբ ասեղների միջոցով, որոնք թիրախային գոտի են փոխադրում արյան պլազման։
Միջամտության առավելությունները
•Քանի որ պլազմոթերապիայի հիմքում ընկած է պացիենտի սեփական արյան պլազմայով միջամտությունը, ապա այն հավելյալ ալերգիկ դրսևորումներ չի առաջացնում:
•Չունի որևէ տարիքային սահմանափակում։
•Արդյունավետորեն համակցվում է ցանկացած այլ միջամտության հետ՝ միաժամանակ ամրապնդելով 2 միջամտությունների ազդեցությունը։
Ե՞րբ է միջամտությունը ցուցված․
• Չոր և հոգնած մաշկի դեպքում
• Դեմքի և մարմնի մաշկի տարիքային փոփոխություններ դեպքում
• Կորյակային հիվանդություն դեպքում
• Ակնեի և պոստակնեի ժամանակ
• Տրավմատիկ միջամտություններից հետո
• Նուրբ հյուսվածքների ատրոֆիա դեպքում
• Մաշկի ատրոֆիա դեպքում
• Մաշկի էլաստոզի դեպքում
• Ալոպեցիայի (բոլոր տեսակների դեպքում) ժամանակ
Պլազմոթերապիայի շնորհիվ արդյունքը տեսանելի է՝
• Ծավալային արդյունավետություն կնճիռների և ծալքերի շտկման գործում
• Ռեգեներացիայի արագացում շարակցական և էպիթելային հյուսվածքներում
• Կոլլագենի և էլաստինի սինթեզ
• Հյուսվածքներում նյութափոխանակության լավացում
• Հյուսվածքային շնչառության կարգավորում
• Մաշկի գույնի կարգավորում, գույնի հավասարացում
• Այլ միջամտություններից հետո մաշկի արագ վերականգնում
Հակացուցումներ՝
• Արյան համակարգային հիվանդություններ
• Անտիկոագուլյանտների ընդունում
• Չարորակ գոյացությունների առկայություն
• Քրոնիկ հիվանդությունների սուր շրջան
• Իմունային հիվանդություններ
• Դերմատոզ
• Շաքարային դիաբետի սուր շրջան
• Լյարդի քրոնիկ հիվանդություններ
• Հղիություն և կրծքով կերակրելու շրջան
Պլազմոթերապիան կարելի է կատարել նախապես ցավազրկմամբ՝ հատուկ քսուքի միջոցով, ինչպես նաև Frozen C կրիոթերապիայի միջոցով, որը բացի ցավազրկումից ունի նաև հավելյալ առավելություններ։
Ո՞րն է Frozen C կրիոթերապիայի էությունը՝
Հարավ կորեական BM Tech ընկերության արտադրության Frozen C-ն նորագույն տեխնոլոգիական սարքավորում է, որը մշակված է հատուկ դեմքի մաշկի համար։ Տեխնոլոգիայի հիմքում ընկած է ածխաթթու գազ, որը ճնշման տակ դառնում է հեղուկ` -78 աստիճան ջերմաստիճանով։ Սարքավորումը հեղուկ CO2-ը ցողում է դեմքի վրա՝ ամբողջ միջամտության ընթացքում վերահսկելով դեմքի մաշկի ջերմաստիճանը, որպեսզի այն լինի 0-ից +10 տիրույթում։ Frozen C կրիոթերապիայի միջոցով կիճատվում է ճարպագեղձերի ֆունկցիան, կարգավորվում է ճարպագեղձերի աշխատանքը՝ մանրէազերծելով դեմքի մաշկը, միաժամանակ ապահովելով բարենպաստ պայմաններ ակնեի բուժման համար։ Կրիոթերապիան նպաստում է նաև ծակոտիների նեղացմանը, կարգավորում է արյան շրջանառությունը, ձգում ու վերականգնում է մաշկի կորցրած տոնուսը։ Frozen C կրիոթերապիան որպես համալիր բուժման փաթեթ կիրառվում է ակնեի և ռոզացեայի բուժման գործում։ Պլազմոթերապիայի հետ համակցման արդյունքում՝ կրիոթերապիան ունենում է ցավազրկող հատկություն և մեղմում է ներարկման առաջացրած անհարմարավետությունը։
