Կարևոր է առնվազն տարին մեկ անգամ այցելել մաշկաբանի, այնուամենայնիվ, պետք չէ անտեսել այն, որ որոշ դեպքերում մաշկը կարող է լրացուցիչ օգնության կարիք ունենալ:
Եթե մաշկի այս ընդհանուր խնդիրներից որևէ մեկը անհանգստացնում է, գուցե ժամանակն է դիմել մաշկաբանի օգնությանը:
1․ Կայուն ակնե
Չնայած ակնեն տարածված է դեռահասների և մեծահասակների շրջանում, դժվար է հաղթահարել այն առանց մասնագետի օգնության: Սա կապված է այն բանի հետ, որ ակնեի բուժման միջամտությունները կարող են մաշկի չորացման պատճառ դառնալ, որն իր հերթին սրում է իրավիճակը։ Այդ իսկ պատճառով դրանք պետք է համակցել մաքրող և խոնավացնող խնամքի միջոցների հետ (ըստ մաշկի 16 տեսակների)։
Ակնե ունեցող չոր մաշկերը ամենադժվար բուժվողներից են և պահանջում են դեղատոմսով դեղամիջոցների օգտագործում: Մաշկաբանը կկարողանա գնահատել մաշկը և որոշել, թե ինչը կարող է նպաստել կայուն ակնեի առաջացմանը և ինչպես լավագույնս բուժել այն:
Ակնեի բուժման համար նախատեսված մեթոդների շատ լավ տարբերակներ կան՝ սկսած սարքավորումային ամենատարբեր մոտեցումներից, մինչ դեղորայքային բուժման մեթոդներ։
2․Դեմքի կարմրություն
Եթե մաշկը որոշակի իրավիճակներում սովորաբար կարմրում է, կամ միշտ մնում է վարդագույն կամ կարմիր, հնարավոր է , որը մաշկի պրոգրեսսիվ հիվանդությունն է՝ հայտնի ռոզացեա անվամբ։ Չնայած որ ռոզացեան բավականին տարածված է, շատ մարդիկ, ովքեր ունեն այս խնդիրը, չեն գիտակցում դա: Բանն այն է, որ ռոզացեան արագ է զարգանում և պետք է հնարավորինս շուտ բուժվի, որպեսզի չբարդանա:
Երբ ռոզացեան վաղ է ախտորոշվում, այն հեշտությամբ վերահսկվում է: Մաշկաբանը կարող է ոչ միայն խորհուրդ տալ թե որն է ամենաարդյունավետ բուժումը, այլև կարող է տեղեկացնել, թե որն է սրացումների առաջացման պատճառը, և ինչպես կառուցել ապրելակերպը՝ մաշկի կարմրությունից խուսափելու համար։
3. Արևային ճառագայթման վնասները
Արևը մաշկի վրա ծերացման տեսանելի նշանների առնվազն 80 տոկոսի պատճառն է, այդ թվում՝ ծալքերի, կնճիռների, արևային բծերի և մաշկի ծավալի կորստի։ Այս անցանկալի կոսմետիկ էֆեկտներին զուգահեռ, ուլտրամանուշակագույն ճառագայթները կարող են առաջացնել նաև մելանոմա և մաշկի քաղցկեղի այլ տեսակներ: Ամեն դեպքում, մաշկաբանի զննումը կարող է օգնել պահպանել մաշկի առողջությունը և վերականգնել ավելի հարթ, պայծառ ու երիտասարդ տեսք ունեցող մաշկը `օգտագործելով բուժման տարբեր մասնագիտական մեթոդներ: Մաշկի քաղցկեղը բուժելի է, երբ այն վաղ է ախտորոշվում: Մի սպասեք այնքան ժամանակ, քանի դեռ չունեք փոփոխություն կրած խալ՝ մաշկաբանին այցելելու համար:
4. Խնամքի միջոցների կողմնակի ազդեցությունը
Մաշկի հանկարծակի թեփոտման, քորի, ցանի և գրգռման այլ նշանների առաջացումը, կարող է խնամքի միջոցների սխալ օգտագործման հետևանք լինել: Եթե մաշկի տիպին (Մաշկի 16 տեսակներ®) համապատասխան խնամքի միջոց չեք օգտագործում, կարող եք ավելի շատ վնաս հասցնել մաշկին, քան օգուտ:
Զրուցե՛ք մաշկաբանի հետ մաշկի տեսակը պարզելու համար: Երբ իմանաք, թե մաշկի 16 տեսակներից որն է ձերը, բժիշկը կարող է նշանակել մաշկի տեսակին համապատասխան խնամքի ռեժիմ:
Ստորև՝ անցե՛ք թեստը, պարզե՛ք Ձեր մաշկի տեսակն ու ստացե՛ք ամենօրյա խնամքի ուղեցույցը։
5. Նկատվում են փոփոխություններ մաշկի վրա
Ամեն անգամ, երբ նկատվում են էական փոփոխություններ մաշկի տեսքի կամ վիճակի մեջ, ապա հարկավոր է այցելել մաշկաբանի: Անկախ նրանից, թե այն որևէ խալի չափի, ձևի կամ գույնի փոփոխություն է, թե ակնեի հանկարծակի առաջացում, այս բոլոր փոփոխությունները կարող են լինել որևէ լուրջ խնդրի նշան:
Երբ խոսքը վերաբերում է մաշկի երկարաժամկետ առողջությանը և գեղեցկությանը, խուսափեք ինքնագնահատման և ինքնաբուժման գործողություններից։ Մաշկաբանները 12 և ավելի տարիներ սովորում են, որպեսզի կարողանան ճշգրիտ ախտորոշել և բուժել մաշկի խնդիրները:
Ամփոփում
Եղեք մաշկաբանի հետ կապի մեջ և արձագանքեք մաշկի ցանկացած փոփոխության դեպքում, անկախ նրանից, թե որքան աննշան է այն: Շատ դեպքերում, թվացյալ փոքր ախտանիշները կարող են մատնանշել առավել նշանակալի խնդրի առկայություն: Ճիշտ ախտորոշումը կարևոր քայլ է մաշկի ընդհանուր տեսքի բարելավման և առողջության պահպանման համար: