Ո՞ր միջամտություններն են ցուցված 30-ից հետո

Ո՞ր միջամտություններն են ցուցված 30-ից հետո

30 անց անձանց համար դեմքի կոսմետիկա

Դեմքի մաշկի վիճակի վատթարացումը կանանց մեծամասնությունը նկատում է 30 տարեկանից հետո: Իհարկե, շատ բան կախված է ժառանգականությունից, վնասակար սովորություններից և կենսակերպից: Որոշ բախտավոր կանայք մինչև 40 վայելում են առանց կնճիռների հարթ և պիրկ մաշկը: Ցավոք, սա ոչ թե կանոն է, այլ բացառություն: Այս տարիքում մաշկին անհրաժեշտ է որակյալ խնամք և դեմքի կոսմետոլոգիական միջամտություններ: 30-ից հետո անհրաժեշտ է մաշկին առավելագույն ուշադրություն հատկացնել՝ դրա ծերացման գործընթացը դանդաղեցնելու նպատակով:

30-ից հետո դեմքի խնամքը

Դեմքին ծերացման առաջին հայտանիշների արտահայտման արագությունը կախված է կնոջից: Սեռահասունացման սկզբից մաշկը հետևողականորեն խնամող կանայք սովորաբար շատ ավելի երիտասարդ տեսք ունեն: Շատերը 30 տարեկանում առավելագույնը 25 տարեկանի տեսք ունեն: Եթե կինը ծխել է, չարաշահել առանց պաշտպանության արևի տակ գտնվելը, հետևողականորեն չի մաքրել դիմահարդարումը և ընդհանրապես ուշադիր չի եղել խնամքին, 30 տարեկանում նա կարող է անգամ 10 տարով ավելի մեծ տեսք ունենալ: Այս ծերացումը կասեցնելու համար նրան անհրաժեշտ կլինեն բազմազան կոսմետոլոգիական միջամտություններ: Այնինչ առաջին խմբի կանայք դեռ սահմանափակվելու են պիլինգներով և մերսումներով:

Միայն կոսմետոլոգը կարող է որոշել, թե ինչ կոսմետիկ միջամտություններ են անհրաժեշտ 30 տարեկանից հետո դեմքի մաշկին: Այդ պատճառով պետք չէ ինքնախտորոշմամբ զբաղվել: Ավելի լավ է դիմել լավ մասնագետի, որը կգնահատի վերնամաշկի վիճակը և կորոշի, թե ինչ է իսկապես անհրաժեշտ: Բժշկական կենտրոններում կոսմետիկ միջամտությունները կարևոր են, բայց առանց ճիշտ տնային խնամքի դրանք ապարդյուն կլինեն: Ուստի երիտասարդությունը որքան հնարավոր է երկար պահպանել ցանկացող կանանց խորհուրդ է տրվում հետևել այս կանոններին.

• Ճիշտ ընտրել մաքրող միջոցները: Ավելի լավ կլինի օգտագործել եռացրած, ֆիլտրված կամ հանքային ջուր:
• Դեմքը սրբել սովորական կամ թղթյա սրբիչներ հպելով: Չի կարելի մաշկը ձգել կամ շփել:
• Օգտագործել արևապաշտպան ֆիլտրեր պարունակող ցերեկային քսուքներ:
• Հրաժարվել կոսմետիկայի չարաշահումից:
• Որքան հնարավոր է հաճախ մաքուր օդի դուրս գալ:
• Երբեք չքնել՝ չմաքրելով դիմահարդարումը:
• Շաբաթը մեկ-երկու անգամ մաշկը մաքրել տնային կամ գնված սկրաբի միջոցով:
• Ճիշտ ընտրել կոսմետիկան: 30 անց դեմքի մաշկի համար նախատեսված քսուքը պետք է պարունակի ռետինոլ, պեպտիդներ, հիալուրոնաթթու, կերամիդներ, ցիանոկոբալամին, վիտամին E, AHA և ALA թթուներ:
• Բավականաչափ ջուր օգտագործել:
• Ուշադրություն դարձնել աչքերի շուրջը հատվածի մաշկին:
• Ճիշտ սնվել: Օգտագործել վիտամինային-հանքային համակարգեր:
• Քսուքները տարածելիս թեթև մերսում անցկացնել:
• Հետևել դիմախաղին և դեմքը չծամածռել:

Մեզոթերապիա և բիոռևիտալիզացիա

Բիոռևիտալիզացիան և մեզոթերապիան դեմքի երիտասարդացման արդյունավետ միջամտություններ են: Այս մեթոդները տարբերվում են միայն ենթամաշկի մեջ ներարկվող դեղամիջոցի բաղադրությամբ: Մեզոթերապիայի համար օգտագործվում են վիտամիններ, բուսական մզվածքներ, օրգանիկ թթուներ, պեպտիդներ և հանքանյութեր: Այն կարող է միաբաղադրիչ կամ բազմաբաղադրիչ դեղամիջոց լինել: Բիոռևիտալիզացիայի համար օգտագործվում է հիալուրոնաթթու: Ինչի կարիք ունի ձեր մաշկը, կորոշի կոսմետոլոգը: Այցելուի զզնումից հետո նա նշանակում է անհրաժեշտ միջամտությունը, ինչպես նաև որոշում այցելությունների քանակը և դրանց միջև ընդմիջումների տևողությունը։

Մաշկի վիճակի բարելավումը նկատելի է առաջին իսկ հանդիպումից հետո: Երկու միջամտություններն էլ ենթամաշկն ավելի պիրկ և առաձգական են դարձնում, հարթեցնում են կնճիռները, քիթ-շրթային ծալքը և բարելավում դեմքի երանգը: Օվալն ավելի հստակ է դառնում: Մաշկը թարմ և երիտասարդ տեսք է ստանում: Բացի այդ գունաբացվում են պիգմենտային բծերը, կայունանում է ճարպագեղձերի աշխատանքը և հարթվում են սպիները:

CosmoLab-ում ներարկումային երիտասարդացման միջամտությունները՝ մասնավորապես մեզոթերապիան, բիոռևիտալիզացիան և բիոստիմուլացիան իրականացվում են իտալական Renaissance բրենդի ներարկումային նյութերով։

Քիմիական պիլինգ

Մահացած բջիջների հեռացման և մաշկի նորացման նպատակով տնային պայմաններում կանայք օգտագործում են սկրաբներ: Սա ծերացման կանխարգելման և մաքրման գերազանց միջոց է: Բայց արդեն գոյություն ունեցող կնճիռների և մաշկի առաձգականության կորստի վրա դրանք չեն ազդում: 30-ից հետո, որոշ դեպքերում՝ ավելի վաղ, խորհուրդ է տրվում դեմքի մասնագիտական քիմիական պիլիգներ օգտագործել: Միջամտությունը հիանալի հաղթահարում է տարիքային պիգմենտացիան, հյուսվածքների թարշամությունն ու կախումը, խորը կնճիռները, հետակնեն և քիթ-շրթային ծալքերը:

Քիմիական պիլիգները լինում են մակերեսային, միջուկային և խորը: Միջամտության ընթացքում մաշկին տարածվում են հատուկ դեղամիջոցներ, որոնց բաղադրության մեջ թթուներ են մտնում: Դրանք բոլորը տարբեր խտություն ունեն: Որքան այն բարձր է, այդքան ավելի լուրջ խնդիրներ կարող է հաղթահարել միջամտությունը: Թթուն գործնականում այրում է մաշկի վերին շերտն իր բոլոր անկատարելություններով: Ի պատասխան օրգանիզմը սկսում է վերականգնման ուժգին գործընթաց: Տեղի է ունենում նոր բջիջների կազմավորում, ուժգնանում է կոլլագենի և էլաստինի արտադրությունը: Ծակոտիները մաքրվում են և նեղանում, սպիները ապաքինվում են: Մաշկը ձգվում է, դառնում ավելի հարթ և առաձգական: Զգալիորեն բարելավվում է վերնամաշկի երանգը: Կնճիռներն ամբողջապես հարթվում են, առավել խորը կնճիձները պակաս նկատելի են դառնում: Միջամտությունների անհրաժեշտ քանակը որոշում է բժիշկը: Քիմիական պիլինգի միջոցով դեմքի երիտասարդացման համար առավել նպատակահարմար է ընտրել աշուն-ձմեռ շրջանը: Արևի ակտիվության ժամանակ միջամտության իրականացումը կարող է գերպիգմենտացիայի պատճառ դառնալ: CosmoLab-ում իրականացվում են քիմիական պիլինգներ՝ նախատեսված մաշկի բոլոր տիպերի համար։

CosmoLab-ում իրականացվում են պիլինգներ մաշկի բոլոր տիպերի համար, որոնց արժեքը սկսվում է 5000 դրամից։

Պլազմոթերապիա + Frozen C

30 անց անձանց համար առավել արդյունավետ երիտասարդացնող կոսմետոլոգիական միջամտությունը պլազմոթերապիան է: Այն անցկացնելու համար օգտագործվում է այցելուի անհատական կենսանյութը: Երակից արյուն են վերցնում և տեղադրում հատուկ ցենտրիֆուգի մեջ: Արդյունքում առանձնանում է կենսախթանիչ հատկություններ ունեցող տրոմբոցիտար մասը, որը բժիշկն օգտագործում է այցելուի մաշկի մեջ ներարկելու համար: Ներարկումից հետո ենթամաշկում խթանվում են խորը վերականգնողական գործընթացներ: Մաշկը սկսում է ավելի արագ նորանալ: Արագանում է բջիջների բաժանումը, կայունանում է հյուսվածքային շնչառությունն ու նյութափոխանակությունը: Միջամտությունը խթանում է նոր կոլագենային թելերի արդադրությունը և ձերբազատում դեմքի հողագույն երանգից: Անհրաժեշտ միջամտությունների քանակը որոշում է բժիշկը: Սովորաբար պահանջվում է մեկ-երկու այցելություն: Առանձին դեպքերում արդյունքը պահպանվում է մինչև մեկուկես տարի:

Քանի որ պլազմոթերապիան ներարկումային միջամտություն է, և կարող է ուղեկցվել պացիենտի համար ոչ հաճելի զգացողություններով, ըստ այդմ միջամտությունից առաջ կատարվում է Frozen C կրիոթերապիան, որը բացի ցավազրկող հատկությունից նաև կարգավորում է գերճարպարտադրողականությունը, ձգում է մաշկը, նեղացնում լայն ծակոտիներն ու վերացնում մանր մազանոթային ցանցը։ Այս երկու միջամտությունների համակցությունը տալիս է ակնառու արդյունք։

CosmoLab-ում պլազմոթերապիայի 1 սրվակի արժեքը 20․000 դրամ է, մեկից ավելի սրվակի դեպքում տրվում է նաև ցավազրկող և լայն ծակոտիները նեղացնող Frozen C կրիոթերապիա նվեր։

Դեմքի ուրվագծի համար տնային վարժություններ

Դեմքի մկանները տարիների ընթացքում կարճանում են վատ կեցվածքի, գերլարվածության, չափազանց ակտիվ դիմախաղի, ինչպես նաև գլխի սխալ դիրքի պատճառով: Դեմքի ստորին մասում գտնվող գերլարված մկանները իջեցնում են այտերը և շուրթերի անկյունները: Այս խնդիրը կարելի է ինքնուրույն վերացնել՝ հետևողաբար դեմքի ուրվագծի համար նախատեսված վարժթությունների օգնությամբ: Կզակի և այտոսկրերի հստակ գծերի համար կարևոր է ծամող մկանների ձգումն ու թուլացումը: Հենց դրանք են պահպանում հիմնակմախքը և դեմքի միջին հատվածը: Բարձրացնող և իջեցնող մկանների աշխատանքի համամասնությունը պահպանելու դեպքում հնարավոր կլինի բարձրացնել այտերը, հարթեցնել քթաշուրթային ծալքերը և գծագրել դեմքի ուրվագիծը:

Վարժությունները ոչ միայն ատիվացնում են դիմային մկանները, այլև խթանում են արյան և ավշի շրջանառությունը: Սրա շնորհիվ բարձրանում է մաշկի տուրգորը և խթանվում կոլագենի արտադրությունը: Դեմքի ուրվագծի համար վարժությունները բացառապես տնային միջամտություն են: Կոսմետոլոգը դրանք չի կարող այցելուի փոխարեն կատարել:

Առավել պարզ և արդյունավետ վարժությունները.

• Գլուխը առավելագույնս հետ գցել՝ զգալով պարանոցի և կզակի լարվածությունը: Հաշվել մինչև երեքը: Թուլացնել մկանները: Կրկնել 35 անգամ:

• Շուրթերը գլանաձև ծալել և տանել աջ կողմ, այնուհետև նույն ուղղությամբ թեքել պարանոցը: Երեք վայրկյան անց թուլացնել մկանները: Յուրաքանչյուր կողմի համար կրկնել 10-ական անգամ:

• Առավելագույնս լայն ժպտալ, հետո շուրթերը գլանաձև ծալել:

Կրկնել առնվազն 30 անգամ: • Որքան հնարավոր է շատ փչել այտերը, հետո թուլացնել մանները:

Կրկնել առնվազն 30 անգամ: • Փչել աջ այտը և օդը տեղափոխել դեպքի ձախ:

Յուրաքանչչյուր կողմի համար կրկնել 10-15 անգամ։ • Աչքերը փակել և ուժգին մռայլվել: Հինգ վայրկյան անց ամբողջապես թուլացնել մկանները: Կրկնել 10 անգամ:

Դեմքի մաքրում

30 տարեկանից հետո դեմքի մաքրումը բարելավում է մաշկի միկրոռելյեֆը և վերադարձնում թարմությունը: Ինչպես նաև այն պատրաստում է սնուցող քսուքների և դիմակների տարածմանը: Բացված ծակոտիներն ավելի լավ են կլանում օգտակար նյութերը:

Շատ կանայք կարծում են, որ եթե կորեակներ չունեն, մաքրումը նրանց անհրաժեշտ չէ: Ցավոք, դա այդպես չէ: Աղտոտվելը հատուկ է բոլոր մարդկանց մաշկին, հատկապես՝ մեծ քաղաքներում ապրողների: Մաշկային ճարպը, շրջակա միջավայրի թափոնները, մահացած բջիջները, դիմահարդարման մնացորդներն ու փոշին կուտակվում են ծակոտիների խորքերում: Այս ախտոտվածությունը ամբողջապես մաքրել հնարավոր չէ միայն մաքրող միջոցի օգտագործմամբ: Այդ պատճառով կանխարգելիչ նպատակներով անհրաժեշտ է տարին երկու անգամ դեմքի մաքրում անցկացնել: Սա թույլ կտա պահպանել մաշկի թարմությունն ու առողջությունը:

Դեռ մի քանի տարի առաջ մաքրումը միայն մանուալ էր: Այսօր շատ կոսմետոլոգներ հրաժարվում են այս միջամտությունից՝ այն համարելով վնասող և նույնիսկ վտանգավոր: Նրանք դեմքի մաքրման համար նախընտրում են վակումային կամ ուլտրաձայնային ապարատների օգտագործումը: Սա թույլ է տալիս առավելագույն արդյունքի հասնել՝ չվնասելով մաշկը:

CosmoLab-ում դեմքի մաքրումն իրականացվում է մեխանիկական և ուլտրաձայնային մեթոդներով համակցված, արժեքը՝ 15․000 դրամ է։

Ֆոտոերիտասարդացում

Համաշխարհային կոսմետիկ շուկայում ֆոտոերիտասարդացման միջամտությունը հայտնվել է մոտավորապես 10 տարի առաջ: Ծերացման հայտանիշների կանխարգելման և վերացման բարձր արդյունավետության շնորհիվ այն մեծ տարածում գտավ: Միջամտությունը անվտանգ է և անցավ: Այն կարելի է կատարել դեմքի բոլոր հատվածներում, ինչպես նաև մարմնի վրա:

Ֆոտոերիտասարդացումն արդյունավետ կոսմետոլոգիական միջամտություն է 30 անց դեմքի մաշկի համար: Այն նպաստում է կոլագենի արտադրութան ակտիվացմանը, ուժգնացնում է արյան շրջանառությունը, վերականգնում մաշկի տուրգորը, վերացնում կնճիռները և բարելավում ուրվագծերը: Այցելոիթյուններիքանակը կախված է այցելուի մաշկի վիճակից և ֆոտոերիտասարդացման օտգտագործվող տեսակից: Միջամտության ընթացքում այցելուն կարող է թեթև ծակծկոց զգալ: Բարձր ցավազգայունության դեպքում օգտագործվում է ցավազրկող քսուք:

Արդյունքները նկատելի կլինեն նույնիսկ անմիջապես միջամտությունից հետո:Այս շրջանում արևապաշտպան քսուքի օգտագործումը պարտադիր է:

CosmoLab-ի մասնագետներն առաջարկում են դեմքի ձգման, երիտասարդացման, պիգմենտային բծերի հեռացման, դեմքի առողջ գույնը վերականգնող միջամտություն՝ գերմանական Asclepion MeDioStar NeXT PRO սարքավորմամբ։ Արդյունքը տեսանելի է նույնիսկ առաջին միջամտությունից հետո, 1 միջամտության արժեքը 16․000 դրամ է։

30-ից հետո օգտագործվող կոսմետիկան

30-ից հետո մաշկի սեբումի արտադրությունը նվազում է և մաշկը դառնում է պակաս յուղոտ: Մաշկը բարակում է և դառնում ավելի հակված չորության և թեփոտվածության: Մաքրող միջոցները կարող են ամբողջությամբ մաքրել բնական լիպիդային պատնեշը, ինչն ավելի կվնասի վերնամաշկը: Այդ պատճառով կարևոր է այնպիսի մաքրող միջոցներ ընտրել, որոնք չորություն չեն առաջացնում: Այդպիսի ապրանքներ կարելի է գտնել դեղատնային կոսմետիկայում:

30 անց դեմքի մաշկի համար լավ քսուքը տարբերվում է համալիր ազդեցությամբ: Այն պետք է սնուցի, խոնավեցնի, պաշտպանի և վերականգնի վերնամաշկը: Հակատարիքային կոսմետիկան պետք է պարունակի հետևյալ բաղադրիչները.

• ռետինոլ;
• հիալուրոնաթթու;
• պեպտիդներ;
• տոկոֆերոլ;
• վիտամին C;
• կոէնզիմ Q10;
• արևապաշտպան ֆիլտրեր;
• պոլիֆենոլներ;
• հակաօքսիդանտներ;
• աճի էպիդերմալ գործոններ:

Կոսմետիկ միջոցների բազմազանության մեջ հեշտ է շփոթվել, ուստի քսուքի ընտրությունն ավելի լավ է վստահել կոսմետոլոգին: Նա կօգնի ընտրել առավել որակյալ և անվտանգ ապրանքը:

Դեղատնային դեղամիջոցներ

Երիտասարդացնող կոսմետիկան կարող է թանկարժեք լինել: Ցավոք, դրա բարձր գինը որակ չի երաշխավորում: Հաճախ դրանք պարունակում են հանքայուղեր, պարաբեններ, բուրավետ նյութեր և այլ վնասակար բաղադրիչներ: Միևնույն ժամանակ իսկապես օգտակար նյութերի խտությունը կարող է չնչին լինել: Ավելի ու ավելի շատ կանայք են մաշկի խնամքի համար օգտագործում կնճիռների դեմ դեղատնային քսուքներ: Դրանք օգտակար նյութերի իսկապես բարձր խտություն են պարունակում: Դրանց մեջ բացակայում են պարաբենները և այլ առողջության համար վնասակար նյութեր:

Երիտասարդացման համար օգտագործվում են հետևյալ դեղամիջոցները.

• «Սոլկոսերիլ»: Դեղամիջոցի հիմքը հորթի արյունից ստացված հեմոդիալիզատ է: Այս նյութն արագացնում է վերականգնող գործընթացները, մաշկի մեջ պահպանում խոնավությունը, ուժգնացնում կոլագենի արտադրությունը և բջիջները հագեցնում թթվածնով:

• «Ռելիֆ» քսուք: Կնճիռների դեմ այս դեղամիջոցն արդյունավետ է շնորհիվ իր բաղադրության մեջ մտնող շնաձկան լյարդի յուղի: Այս նյութը պարունակում է արժեքավոր միկոէլեմենտներ, վիտմիններ և ճարպեր, որոնք սնուցում են մաշկը, վերացնում բորբոքումը և խթանում վերականգնումը: Դեղամիջոցը նպաստում է խորը ծալքերի հարթեցմանը, մաշկն ավելի պիրկ է դարձնում և վերացնում այտուցները: Կնճիռների դեմ «Ռելիֆ» քսուքը խորհուրդ է տրվում մաշկին տարածել քնից երկու ժամ առաջ:

• «Կուրիոզին»: Դեղամիջոցը պարունակում է մաշկի համար արժեքավոր հիարլուրոնաթթու և ցինկ: Այն լավ խոնավեցնում է մաշկը՝ վերադարձնելով առաձգականությունը: Բացի այդ, մաշկը պաշտպանում է բորբոքումից և նվազեցնում մաշկի ճարպարտադրությունը:
Դիմակներ

30 անց մաշկի խնամքով հետաքրքրված ցանկացած կին պետք է իմանա դիմակների օգտակար հատկությունները: Որակյալ բաղադրիչներով դիմակները խոնավեցնում են, մաքրում, սնուցում և երիտասարդացնում մաշկը: Նկատելի արդյունք ստանալու նպատակով դիմակներն անհրաժեշտ է հետևողականորեն կիրառել: Դրանց կիրառումը կուժգնացնի քսուքների ազդեցությունը և ավելի երկար կպահպանի երիտասարդացնող միջամտությունների արդյունքները: Հատկապես օգտակար է դիմակներն օգտագործել դեմքի մերսումից հետո: Տանը կարելի է օգտագործել տարբեր կոսմետիկ ապրանքանիշների կամ ինքնուրույն պատրաստված դիմակներ: Յուրաքանչյուր կին ինքն է ընտրում առավել հարմար տարբերակը: Բայց անհրաժեշտ է հիշել, որ գնված դիմակները պարունակում են կոնսերվանտներ և այլ արհեստական հավելումներ: Այդ պատճառով այս ապրանքները կարող են ավելի շատ վնաս հասցնել, քան օգուտ՝ հատկապես զգայուն մաշկի դեպքում:

Դեմքի համար լավագույն դիմակները ինքնուրույն պատրաստվածներն են: Այդ դեպքում կինը հաստատ գիտի, թե ինչ բաղադրիչներ է պարունակում դիմակը: Եվ իհարկե նա չի փոխարինի դրանք ավելի մատչելի կամ ժամկետնանց միջոցներով: Տնային երիտասարդացնող դիմակների լավագույն բաղադրատոմսերը հետևյալն են.

• Միացնել մեկ թեյի գդալ կակաոն նույնքան աղացած սուրճի հետ: Ավելացնել երկու լորի ձու և խնամքով տրորել: Խառնուրդի մեջ լցնել 10 մլ տաք հեղուկ մեղր: Ավելացնել մեկ պտղունց դարչին: Ստացված խառնուրդը դեմքի վրա պահելլ մոտ մեկ ժամ:

• Միացնել մեկ ձվի դեղնուցը 15 մլ ձիթապտղի ձեթի հետ: Ավելացնել «Աեվիտ»:

• Կես հասած ավոկադոն մանրացնել, խյուսին ավելացնել ձվի դեղնուց և 5 մլ նշենու կամ կտավատի ձեթ:

• 2:1 հարաբերակցությամբ խառնել յուղոտ կաթնաշոռ և թթվասեր:

• Միացնել 1 ճաշի գդալ ալոեի հյութը 10 մլ չիչխանի յուղի հետ: Այնուամենայնիվ դեմքի մաշկի էքսպրես խնամքի միջոցների ընտրությունը հարկավոր է թողնել բժիշկ-մաշկաբանի ընտրությանը։ 30-ից հետո ճիշտ ընտրել տնային խնամքը և կոսմետոլոգիական միջամտությունները կարող է միայն կոսմետոլոգը: Նա կգնահատի ձեր մաշկի վիճակը և տեսակը, կհուշի, թե որ խնդիրների լուծումն է առաջնահերթ: Լավ մասնագետի խորհուրդները կօգնեն երկար պահպանել երիտասարդությունը և կպաշտպանեն անարդյունավետ միջամտություններին գումարը վատնելուց:


CosmoLab-ի բժիշները կօգնեն Ձեզ պահպանելու երիտասարդությունը։ Անվճար խորհրդատվության համար կարող եք գրանցվել առցանց ՝ www.cosmolab.info (օնլայն գրանցման կոճակ) կամ զանգահարելով 011 55 00 22, 044 55 00 22 հեռախոսահամարներին։

🎁#CosmoLab-ում շահում են ամեն օր։ 

Մինչև  30%  լազերային մազահեռացման անհատական  զեղչեր բոլորի համար:

➡️Այսուհետ կարող եք խաղարկել և ստանալ անհատական զեղչեր՝ մարմնի տարբեր հատվածների լազերային մազահեռացման համար։ 
➡️Պետք է ընդամենը գրանցվել, ընտրել լազերային մազահեռացման տեսակը, հետաքրքրող հատվածը և խաղարկել։
➡️Մարմնի հատվածների համար անհատական զեղչեր խաղարկելուց և ստանալուց հետո՝ օնլայն գրանցվել։

Ալեքսանդրիտային մազահեռացում
Կանանց համար
(Candela GentleLase PRO U 2019)

Ամբողջ մարմին– 140 000դր

Դեմք– 15 000դր

Դեմք առանց ճակատի– 12 000դր

Ճակատ– 3 500դր

Այտոսկրեր– 5 000դր

Վերին շուրթ– 1 500դր

Բակեր– 7 000դր

Կզակ– 4 000դր

Ծոծրակ– 8 000դր

Պարանոց– 7 000դր

Ուսեր– 7 000դր

Թևատակեր– 6 000դր

Ձեռքեր– 19 000դր

Բազուկներ– 7 000դր

Նախաբազուկներ– 15 000դր

Մատներ– 2 000դր

Կրծքավանդակ– 30 000դր

Դեկոլտե– 15 000դր

Կուրծք– 15 000դր

Փոր– 30 000դր

Փորի 1/3 հատված– 12 000դր

Մեջք– 40 000դր

Մեջքի 1/3 հատված– 15 000դր

Բիկինի– 20 000դր

Խորը բիկինի– 25 000դր

Նստատեղ– 25 000դր

Ոտքեր– 48 000դր

Ազդրեր– 35 000դր

Սրունքներ– 28 000դր

Ալեքսանդրիտային մազահեռացում
Տղամարդկանց համար
(Candela GentleLase PRO U 2019)

Ամբողջ մարմին– 180 000դր

Ճակատ– 4 000դր

Այտոսկրեր– 5 000դր

Ծոծրակ– 8 000դր

Պարանոց– 5 000դր

Թևատակեր– 10 000դր

Ձեռքեր– 35 000դր

Բազուկներ– 12 000դր

Նախաբազուկներ– 22 000դր

Մատներ– 3 000դր

Կրծքավանդակ– 45 000դր

Փոր– 45 000դր

Փորի 1/3 հատված– 20 000դր

Մեջք– 55 000դր

Մեջքի 1/3 հատված– 20 000դր

Ոտքեր– 60 000դր

Ազդրեր– 45 000դր

Սրունքներ– 35 000դր

Առցանց գրանցման կարգ

Էլեկտրոնային համակարգի գործարկումով առցանց գրանցման նպատակը՝ հեռախոսազանգի միջոցով գրանցման տևողության կրճատումն է, որը միառժամանակ ապահովում է թափանցիկություն՝ մատուցվող ծառայությունների, դրանց արժեքների և կլինիկայում աշխատող բժիշկների վերաբերյալ, ինչի արդյունքում ձևավորվում է փոխադարձ հարգանք և վստահություն։ Առցանց գրանցման համար պետք է՝

  • սեղմել առցանց գրանցման կոճակը
  • ընտրել ծառայությունը
  • ընտրել նախընտրած բժշկին
  • ընտրել հարմար ժամ՝ բժշկի անհատական ժամատախտակից
  • լրացնել կոնտակտային տվյալների բաժինը
  • որպես վերջնական քայլ՝ հաստատել ծրագրի կողմից եկած հաղորդագրությունը Ձեր այցի ամրագրման վերաբերյալ

Հիշեցնենք, որ միջամտության ավարտից հետո, ծրագրում նախատեսված համապատասխան բաժնում կարող եք գրել Ձեր  կարծիքը,  ինչը կօգնի մեզ ավելի բարելավել ծառայությունների որակը

Կարող եք զանգահարել
Հավանե՛ք մեր ֆեյսբուքյան էջը
Աշխատանքային ժամերը՝

Երկուշաբթի -Ուրբաթ 10.00 – 20.00

Շաբաթ10.00 – 20.00

Կիրակի11.00 – 19.00

Բժիշկ
Գոհար Հովհաննիսյան
Բժիշկ
Աշխեն Դանիելյան