Սալիցիլային պիլինգ. բուժիչ, երիտասարդացնող, մաքրող

Այս հոդվածից կիմանաք.

•Որո՞նք են սալիցիլային պիլինգի առավելությունները՝ համեմատած այլ կոսմետիկ միջամտությունների հետ:
• Ի՞նչ ցուցումներ և հակացուցումներ ունի սալիցիլային պիլինգը:
• Ինչպե՞ս է իրականացվում սալիցիլային պիլինգը:
• Ինչպե՞ս խնամել մաշկը վերականգնման շրջանում:

Սալիցիլային պիլինգը համարվում է ունիվերսալ կոսմետիկ միջամտություն, որը կարող է օգտագործվել գրեթե բոլոր մաշկային խնդիրների դեպքում: Այն թույլ է տալիս ձերբազատվել բշտիկներից, լայնացած ծակոտիներից, յուղոտվածությունից, ինչպես նաև պիգմենտային բծերից: Բացի այդ, պիլինգը կարող է օգտակար լինել թե՛ երիտասարդ աղջիկներին, թե՛ հասուն կանանց, որոնք ունեն չոր, զգայուն և ծերացման հետքեր ունեցող մաշկ:

Սալիցիլային պիլինգի առավելությունները և ազդեցության սկզբունքները՝

Սալիցիլային պիլինգը քիմիական միջամտություն է, որի ընթացքում սալիցիլաթթվի օգնությամբ հանվում է մաշկի մահացած շերտը: Միջամտության առավել արդյունավետությունը կազմակերպելու համար կարող է ավելացվել կաթնաթթու կամ մրգաթթու, ընդ որում՝ այս մեթոդը կարելի է օգտագործել ինչպես դեմքի, այնպես էլ լանջաբացվածքի, մեջքի, ձեռքերի և այլ հատվածներում: Տարիքային սահմանափակումներ նույնպես չկան:

Սալիցիլային պիլինգը.

• Մաշկն ավելի երիտասարդ է դարձնում հորմոնային և ֆոտոծերացման դեպքում:
• Վերացնում է արևային գերկերատոզը, ինչպես նաև բծերը, ընդ որում ինչպես ծերունական, այնպես էլ պիգմենտային:
• Բուժիչ ազդեցություն ունի կորյակային ցանի դեպքում:
• Վերացնում է բորբոքման պատճառ դարձող մանրէներին:
• Պայքարում է մաշկի յուղոտության դեմ՝ չորացնելով և կարգավորելուվ ճարպագեղձերի աշխանանքը:

Սալիցիլաթթվի օգտագործմամբ դեմքի պիլինգը լոսյոնների և քսուքների հետ համեմատելու դեպքում կնկատենք, որ այն ավելի խորն է ազդում խնդրահարույց հատվածների վրա:

Միջամտությունը ունի հետևյալ դրական կողմերը.

1. Պայքարում է ակնեի դեմ. «Տեղի է ունենում մաշկի չորացում, ինչի շնորհիվ ոչ միայն վերանում է կորյակային ցանը, այլ այն նաև հետքեր չի թողնում:

2. Ճարպագեղձերը մաքրում է փակվելուց և վերականգնում դրանց բնականոն աշխատանքը:

3. Սպիտակեցնող ազդեցություն: Միջամտությունը թույլ է տալիս գունաբացել պեպենները, վերացնել պիգմենտային բծերը և սև կետերը:

4. Սալիցիլային պիլինգ կարելի է իրականացնել ցանկացած տեսակի մաշկին՝ չոր, յուղոտ, մուգ կամ զգայուն:

5. Միայն վերնամաշկի խնդրահարույց հատվածներին տեղային ազդեցության շնորհիվ առողջ բջիջները չեն վնասվում:

6. Դեմքի արյան շրջանառության ակտիվացման շնորհիվ երիտասարդացնող արդյունք:

Բացի այդ, միջամտության ընթացքում տեղի են ունենում մաշկի նորացում և ձգում: Ինչ վերաբերվում է թերություններին, դրանք քիչ են և գրեթե միշտ դրանց բախվում ենք էքսֆոլիացիայի դեպքում.

• ակտիվ միջոցը տարածելիս ծակծկոցի կամ այրոցի զգացողություն;

• միջամությունն իրականացնելուց հետո կտրուկ արգելվում է շոգեբաղնիք այցելել կամ սպորտով զբաղվել;

• մինչև մաշկի լիակատար ապաքինումը դիմահարդարումից ամբողջապես հրաժարում:



Թթուն վերնամաշկի վրա համալիր ազդեցություն ունի՝ այն դարձնելով ավելի երիտասարդ և նորացված:

1.10-15% սալիցիլաթթվի օգտագործմամբ մակերեսային պիլինգ: Ակնե ունեցող երիտասարդ մաշկի դեպքում միջամտությունն ունի երիտասարդացնող և թարմացնող ազդեցություն: Վերանում է յուղոտվախությունը, ծակոտիները նեղանում են, իսկ կորյակների, բշտիների քանակը կամ նկատելիորեն պակասում է, կամ դրանք կատարելապես վերանում են: Մաշկը հարթվում է, մաշկին հաղորդվում է առողջ և համաչափ երանգ: Մակերեսայի սալիցիլային պիլինգ թույլատրվում է անցկացնել սկսած 16 տարեկանից: Միջամտության տևողությունը մոտավորապես 15 րոպե է:

Միջամտության իրականացման հիմնական ցուցումներից են.


• փակված ծակոտիները;
• մաշկի յուղոտ փայլը;
• տարաբնույթ ցանը;
• մանր կնճիռները:

2. Միջնաշերտի պիլինգ, որն իրականացվում է 25 կամ 30% սալիցիլաթթվի օգտագործմամբ: Այս միջամտությունը առավել համապատասխան է խորը կնճիռների և թարշամող մաշկի դեմ պայքարի համար: Ինչ վերաբերվում է տարիքային շրջանակներին, միջնաշերտի պիլինգը կատարվում է սկսած 35 տարեկանից: Միջամտությունը տևում է 10 րոպեից ոչ ավելի:

Այս դեպքում միջամտության ցուցումները հետևյալն են.

• խորը կնճիռներ;
• հետակնե;
• տուրգորի ջրազրկում:

Սալիցիլային պիլինգի ցուցումներ և հակացուցումներ․

Հարկ է նշել, որ պիլինգի իրականացման ցուցումները կարող են ի հայտ գալ ցանկացած տարիքում: Օրինակ, երիտասարդ աղջիկները հաճախ են սալիցիլաթթուն օգտագործում՝ բշտիկներից և կորյակներից ձերբազատվելու նպատակով: Ավելի հասուն կանայք այս միջամտությանը դիմում են երիտասարդացման, կնճիռների հեռացման և այլ նպատակներով: Միջամտությունից առաջ և հետո մաշկի փոփոխությունը կարելի է անզեն աչքով նկատել:

Սալիցիլային պիլինգը ընդհանուր առմամբ օգտագործվում է հետևյալ դեպքերում.

• լայնացած ծակոտիներով յուղոտ մաշկ, ինչպես նաև ճարպագեղձերի խցաններ, բշտիկներ և կորյակներ առաջացնելու հակվածություն;
• սև կետեր (կոմեդոններ);
• ակնեի առաջին և երկրորդ փուլեր (ավելի դժվար դեպքերում, այսինքն երրորդ և չորրորդ փուլերում պիլինգն օգտագործվում է միայն մաշկաբանի նշանակմամբ՝ պատճառի դեղորայքային բուժումից հետո);
• սպիներ, հետակնե և ոչ խորը կնճիռներ;
• գերպիգմենտացիա՝ ներառյալ տարիքայինը;
• հիպերկերատոզ (այդ թվում արևային);
• ֆոտոծերացման հայտանիշներ;


Սալիցիլաթթվով քիմիական պիլինգ կարող է իրականացվել մարմնի ցանկացած մասին: Սա թե՛ պարանոցն է, թե՛ ծնկները և ոտքերը:

Սակայն, չնայած միջամտության բավականին փափուկ լինելուն, այն ունի նաև հակացուցումներ.

• հերպեսի սրացում;
• հղիություն և կրծքով կերակրման շրջան;
• կուպերոզ;
• շաքարային դիաբետ;
• որևէ բաղադրիչի հանդեպ ալերգիկ դրսևորում;
• մաշկին առկա միկրովնասվածքներ և վերքեր:
պիլինգ


Միջամտությունը կազմված է հետևյալ փուլերից.

1. Սկզբում մասնագետը մաքրում է մաշկի մակերեսը կոսմետիկայից և տարբեր տեսակի աղտոտվածությունից:

2. Դրանից հետո մաշկը՝ դերման, մշակվում է հատուկ փափկեցնող լուծույթով, որն այն ախտահանում է և ճարպազատում: Այս փուլը կարևոր է, քանի որ սալիցիլային պիլինգի արդյունքը կապված է դրա ճիշտ իրականացումից: Միայն մաքուր մաշկին է հնարավոր հավասարաչափ տարածել ակտիվ նյութը:

3. Երրորդ փուլում տեղի է ունենում ընտրված խտության սալիցիլաթթվի տարածումը մաշկին: Խտությունից է կախված միջոցի տարածման գործընթացը: Որքան մեծ է լուծույթում սալիցիլաթթվի պարունակությունը, այնքան ուշ է պետք մշակել զգայուն հատվածները: Տարածելուց հետո թթուն որոշակի ժամանակահատված մնում է մաշկի վրա: Այս դեպքերում տևողությունը կախված է այնպիսի գործոններից, ինչպիսիք են նյութի խտությունը, վերնամաշկի հաստությունը, մաշկի վիճակը և այլ ուղեկցող խնդիրներ:

4. Որոշակի ժամանակ անց թթուն մաշկի մակերևույթից հեռացվում է ջրով կամ մաշկը մաքրելու համար նախատեսված այլ հեղուկով:

5. Վերջին փուլում բժիշկը մաշկին 15-20 րոպե տևողությամբ թողնում է հանգստացնող ազդեցություն ունեցող դիմակ, որից հետո մաշկի վերականգնումը և արտաքին գործոններից պաշտպանելու նպատակով պատում է քսուքով:

Բացի այդ, միջամտության արդյունավետությունը կախված է նաև կոսմետոլոգի մասնագիտական որակներից, մաշկի առանձնահատկություններից և վիճակից:

Պիլինգի ընթացակարգի ճիշտ պահպանման դեպքում արդյունքները հետևյալն են լինում.

• առաջին միջամտությունից հետո բշտիկների քանակը մշակման հատվածում զգալիորեն նվազում է;
• տեղի է ունենում կոլագենի և էլաստինի սինթեզի խթանում;
• վերանում են մանր կնճիռները և փոքր ծալքերը;
• մաշկի երանգն ավելի բնական է դառնում;
• տեղի է ունենում հետակնե սպիների հավասարեցում և ուղղում;
• ակտիվանում են ռեգեներացիայի գործընթացները:

Խնամքը միջամտությունից հետո

Հարկ է նշել, որ սալիցիլային պիլինգի արդյունքը կախված է նրանից, թե մաշկի ինչպիսի խնամք է իրականացվում միջամտությունից հետո: Մաշկի արագ վերականգնման համար անհրաժեշտ է սպասել որոշակի ժամանակահատված և հետևել պարզ կանոնների: Բացի այդ, վերականգնման շրջանը կախված է թե՛ պիլինգի տեսակից, այսինքն՝ մակերեսային է այն թե խորը, ինչպես նաև պացիենտի մաշկի առանձնահատկություններից:
Որպես կանոն, մաշկի վերականգնման շրջանը տևում է մոտավորապես յոթը օր, որոնց ընթացքում կարող են դիտվել հետևյալ կողմնակի հետևանքները.

• կարող է նկատվել մաշկի չորություն և ձգվածություն;
• որոշ դեպքերում դիտվում է թեփոտվածություն և գրգռվածություն;
• կարմրություն և այտուցվածություն;
• հնարավոր ալերգիկ ռեակցիա;

Քան որ պիլինգի իրականացման ժամանակ թթուն չի անցնում մաշկի խորը շերտեր, կողմնակի հետևանքներ գրեթե չեն դիտարկվում: Բացի այդ, ամբողջությամբ բացառվում է մաշկի վնասման հավանականությունը: Որոշ դեպքերում սալիցիլային պիլինգից հետո մաշկը կարմրում է և սկսում է թեփոտվել: Սակայն մաշկի վրա թթվի ազդեցության կետերում առաջացած կեղևները ինքնուրույն հեռացնելը խստիվ արգելվում է:

Մաշկի չորացման, թեփոտման և կեղևների առաջացման գործընթացը կախված է բազմաթիվ գործոններից: Օրինակ, եթե մաշկը բարակ է, շերտազատումն ավելի արագ կընթանա: Գործընթացն արագանում է նաև, եթե թթվի խտությունը բավականին մեծ է: Սակայն պետք է նշել, որ օրգանիզմի նման ռեակցիաներ կարող են իսպառ բացակայել, քանի որ յուրաքանչյուր մարդու մաշկը քիմիական ազդեցությանը յուրովի է արձագանքում:

Զգուշավոր պետք է լինել այն դեպքում, եթե մաշկը ծածկվել է ջրային կամ օդային բշտիկներով, նկատվում է այտուցվածություն, ուժգին ցավ կամ կարմրություն: Այս ախտանշանները ինքնուրույն հաղթահարելու փորձեր ձեռնարկել պետք չէ, ավելի լավ է դիմել կոսմետոլոգի օգնությանը: Հաճախ այսպես է արտահայտվում ալերգիան կամ մաշկի անհատական արձագանքը ակտիվ նյութին:

Միջամտությունից հետո անհրաժեշտ է ապահովել մաշկի հետևյալ խնամքը.

1. Անհրաժեշտ է լվացվելուց հրաժարվել 1-2 օր՝ կախված նրանից, մակերեսային պիլինգ է անցկացվել, թե՞ միջնաշերտային.

2. Եթե թեթև միջամտության դեպքում կարմրություն կարող է չլինել, խորը տիպի ազդեցության դեպքում բարդացումների ինտենսիվությունը կախված է միայն մաշկի զգայունությունից:

3.«Մագաղաթե կեղևի» առաջացումից հետո չի կարելի մաշկի չորացած կտորները ինքնուրույն հեռացնել, դրանք պետք է խոնավեցնել «Պանթենոլի» կամ «Բեպանտեն» քսուքների միջոցով:

4. Շերտազատման ընթացքում չի կարելի այցելել շոգեբաղնիքներ, լողափեր, լողավազաններ, բարձր ջերմաստիճան և խոնավություն ապահովող այլ վայրեր:

5. Արգելվում է մնալ արևի ուղիղ ճառագայթների տակ: Անկախ նրանից, թե ինչ եղանակին եք տնից դուրս գալիս,անհրաժեշտ է արևապաշտպան քսուք օգտագործել: Բանն այն է, որ մաշկը կարող է արևին՝ պիգմենտացիայի առաջացումով արձագանքել:

6. Մաշկը կարելի է մաքրել միայն սպիրտ չպարունակող լոսյոններով:

7. Ժամանակ առ ժամանակ օգտագործել սնուցող կամ խոնավեցնող քսուքներ:
Սալիցիլային պիլինգն արժե 14.000 դրամ։ Միջամտությունից առաջ մաշկաբանի խորհրդատվությունն անվճար է։

«CosmoLab»-ի էսթետիկ բժշկության բաժանմունքում մաշկաբանի խորհրդատվությունն անվճար է, գրանցվել կարող եք՝ զանգահարելով 011 55 00 22, 044 55 00 22 հեռախոսահամարներով։