Ինչպե՞ս խնամել մաշկը լազերային մազահեռացումից հետո

Ինչպե՞ս խնամել մաշկը լազերային մազահեռացումից հետո

Լազերային մազահեռացումից հետո մաշկի խնամքի առանձնահատկությունները, միջամտությունից հետո անախորժությունների վերացում

Լազերային մազահեռացումը ավելորդ մազերի հեռացման լայնորեն տարածված, և բազմաթիվ առասպելներին հակառակ՝ բավականին անվտանգ մեթոդ է: Սակայն, այն մասին, թե ինչպես խնամել մաշկը լազերային մազահեռացումից հետո, ի՞նչ անել և ինչի՞ց, հակառակը, զերծ մնալ միջամտությունն իրականացնող մասնագետները, ցավոք, միշտ չեն զգուշացնում: Մինչդեռ լազերային մազահեռացումից հետո խնամքը շատ կարևոր է, քանի որ տարրական կանոններին չհետևելը կարող է ոչ միայն տհաճ կոսմետիկ արդյունքի հանգեցնել, այլ նաև ավելի լուրջ խնդրիների:

Լազերային մազահեռացումից հետո մաշկի խնամքը

Լազերային մազահեռացումից հետո մաշկը մաքուր և հարթ տեսք ունի, բայց պետք է հասկանալ, որ այն լուրջ սթրես է հաղթահարել և լրացուցիչ պաշտպանության կարիք ունի:

Ի՞նչ է պետք անել մազահեռացումից հետո


Միջամտությունից անմիջապես հետո և հաջորդ երեքից հինգ օրվա ընթացքում մշակված հատվածներին անհրաժեշտ է «Պանթենոլ», «Բեպանտեն», «Պանթոդերմ» կամ նման այլ հանգստացնող քսուք օգտագործել: Եթե մաշկը խիստ չորանում է, օրվա ընթացքում ըստ անհրաժեշտության մի քանի անգամ կարելի է խոնավեցնող քսուքներ օգտագործել: Առանձնահատուկ զգայունության, ալերգիկ ռեակցիաների կամ քսուքի ընտրության հետ կապված ցանկացած կասկածի դեպքում անհրաժեշտ է խորհրդակցել կոսմետոլոգի կամ բուժող բժիշկի հետ: Լազերային մազահեռացումից հետո առաջին օրերին քսուքը պետք է առավելագույնս թեթև նյութակազմվածք ունենա, քանի որ չափազանց ծանր և յուղոտ նյութերը փակում են ծակոտիները, ինչի արդյունքում մաշկի վրա կարող է մանր կորեակային ցան առաջանալ: Բացի այդ, անհրաժեշտ է համոզվել, որ օգտագործվող քսուքները չեն պարունակում ռետինոլ կամ գլիկոլաթթու, այդ նյութերը մաշկին հակացուցված են լազերային մազահեռացումից հետո: Անկախ նրանից, թե տարվա որ եղանակին է անցկացվել մազահեռացումը, միջամտությունից հետո մաշկը պետք է առանձնահատուկ պաշտպանել արևի ուղիղ ճառագայթներից: Այդ պատճառով տանից դուրս գալուց առաջ անպայման մազահեռացման ենթարկված մաշկը մշակե՛ք առնվազն SPF 30 պարունակող արևայրուքի դեմ քսուքներով (ամռանը կամ ինտենսիվ արևի դեպքում օգտագործե՛ք առավելագույն պաշտպանության քսուքներ): Լազերային մազահեռացումից հետո արևապաշտպան քսուքներն անհրաժեշտ է օգտագործել առնվազն երեք ամսվա ընթացքում:

Ի՞նչ պետք չէ անել լազերային մազահեռացումից հետո

Լազերային մազահեռացումից հետո 24 ժամվա ընթացքում պետք է աշխատել չթրջել մաշկի մշակված հատվածները, հաջորդ երկու երեք օրվա ընթացքում՝ չշփել կեղևաճվով:

• արևայրվել (նույնիսկ արևապաշտպան քսուքի օգտագործմամբ)՝ առնվազն երկու շաբաթ; այցելել սոլյարի, շոգեբաղնիք, ուլտրամանուշակագույն լամպ օգտագործել՝ առնվազն երեք շաբաթ;
• լողավազաններում լողալ կամ ջակուզի և այլ տևական ջրային սուզումներ ընդունել՝ առնվազն մեկուկես-երկու շաբաթ;

• սպորտով և ծանր ֆիզիկական այլ ծանրաբեռվածություն ենթադրող ակտիվությամբ զբաղվել՝ քրտնագեղձերի ակտիվ աշխատանքից խուսափելու նպատակով՝ առնվազն մեկ շաբաթ;

• տաք ցնցուղ կամ առավել ևս լոգանք ընդունել՝ առնվազն երկու շաբաթ;
• սկրաբներ կամ մաշկը գրգռող այլ միջոցներ օրգտագործել (այդ թվում սպիրտ և հղկիչ մասնիկներ պարունակող)՝ առնվազն երկու շաբաթ:

Բացի այդ անհրաժեշտ է հաշվի առնել, որ չի կարելի մերսում անել լազերային մազահեռացումից հետո մի քանի օրվա ընթացքում (բացառությամբ մաշկի թեթև մերսման, որը թույլատրելի է միջամտությունից հետո երկրորդ օրվանից սկսած): Այս շրջանում պետք է զերծ մնալ օրգանիզմի ցանկացած սթրեսային ծանրաբեռնվածությունից՝ ներառյալ ծխախոտն ու ալկոհոլը: Այս շրջանում նշանակված ցանկացած նոր դեղամիջոց նույնպես զգուշություն ցուցաբերելու և բժիշկի հետ խորհրդակցելու առիթ է: Աճող մազերի ցանկացած կոպիտ հեռացում նվազեցնում է լազերային մազահեռացման արդյունավետությունը, մինչդեռ ածելիով նրանց խնամքով սափրումն, ընդհակառակը, դրական արդյունք է ապահովում, ահա թե ինչու լազերային մազահեռացումից հետո մազերը չի կարելի հեռացնել ո՛չ ունելիներով, ո՛չ մեղրամոմի, շաքարի, ո՛չ վիբրոէպիլատորի միջոցով:
մազահեռացում
Լազերային մազահեռաում. մազերի հեռացումից հետո հնարավոր բարդացումներ

Ցավոք, իր ողջ արդյունավետության հետ մեկտեղ լազերային մազահեռացումը երբեմն բարդացումներ է առաջացնում: Սովորաբար դրանք ծագում են միջամտությունից անմիջապես հետո և որոշ ժամանակ անց ինքնուրույն անհետանում են՝ չպահանջելով լրացուցիչ բուժում: Կարևոր է պատրաստ լինել մազահեռացման այս միջամտությունն ուղեկցող հետևանքներին, որպեսզի խուճապի չմատնվեք, եթե դա կատարվի: Այսպես, լազերային մազահեռացումից հետո լիովին նորմալ է մաշկի որոշակի այտուցվածությունն ու կարմրությունը: Նույնը վերաբերվում է նաև գույնի փոփոխությանը (ինչպես դեպի ավելի բաց, այնպես էլ ավելի մուգ) կամ պիգմենտային բծերի առաջացմանը. այս անախորժությունը կարող է առաջանալ որպես լազերային մազահեռացման կարճատև կողմնակի արդյունք: Երբեմն միջամտությունը կարող է մաշկի վերին շերտի այրվածք առաջացնել, որն իհարկե պետք չէ նորմալ համարել, բայց այնուամենայնիվ իրավիճակը հաճախ է հանդիպում և սովորաբար վտանգավոր չէ: Լուրջ հետևանքներից կարող ենք նշել սպիների առաջացումը, մաշկի բարձր զգայունության և մասնագետի ցածր որակավորման դեպքում սա տեսականորեն հնարավոր է, բայց քիչ հավանական: Հասկանալու համար, թե որ դեպքերում է անհրաժեշտ անհանգստանալ, հասկանանք այս երևույթների պատճառները և սովորենք դրանց հետևանքներն ինքնուրույն հաղթահարել:

Բարդացումների պատճառներն ու դրանց բուժումը (այրվածքներ, գրգռվածություն և այլ անախորժություններ)

Լազերային մազահեռացման ցանկացած բարդացում, որպես կանոն, բացատրվում է երկու պատճառներից մեկով կամ դրանց համակցումով. առաջին՝ ձեր օրգանիզմի անհատական առանձնահատկությունները, երկրորդ և գլխավոր՝ սխալ անկացված միջամտություն (վատ մասնագետ կամ անորակ սարքավորում): Բայց նաև սուբյեկտիվ առանձնահատկությունները, ինչպես անհատական ցավազգացության շեմը, ոչ ոք չի բացառում: Եթե մազահեռացման ժամանակ Ձեզ անհարմար եք զգում, անպայման չէ, որ Ձեր մասնագետի թերացման արդյունք լինի: Ալերգիայի հակվածությունը, մազի կազմվածքի առանձնահատկություններն ու մաշկի հատկություններն այն գործոններն են, որոնք ազդում են լազերային մազահեռացումից հետո բարդացումների առաջացման հավանականությանը և դրանց արտահայտման բնույթին:

Լազերային մազահեռացման վաղ բարդացումները

Առաջին բարդացումը ցավի զգացողությունն է: Սրա պատճառներն արդեն նշել ենք, հասկանանք, թե ինչ է անհրաժեշտ անել: Ամենապարզ խորհուրդը պաղ թրջոցներն են, սովորական պայմաններում դրանք օգնում են հանել ցավի զգացողությունը: Մաշկի բարձր զգայունության դեպքում խորհուրդ է տրվում մազահեռացումից որոշակի ժամանակ առաջ մաշկը սառեցնել՝ վրան սառույց դնելով, որպեսզի միջամտությունն ավելի անցավ լինի, և անմիջապես հետո, որպեսզի կանխեն ցավի զգացողության առաջացումը: Եթե Դուք բացարձակ չեք դիմանում ցավին, հնարավոր է, արժե բժիշկի հետ խոսել ցավազրկման մասին (սովորաբար այս նպատակով օգտագործվում է լիդոկաին): Եթե միջամտությունից հետո ցավը չի անցնում, իսկ սառույցով թրջոցները չեն օգնում, պետք է «Իբուպրոֆեն», «Կետանով», «Սոլպադեին» կամ նման այլ ցավազրկող դեղամիջոց ընդունել:

Երկրորդը լազերային մազահեռացումից հետո մաշկի կարմրությունը կամ գրգռվածությունն է: Այն օգնում է հաղթահարել «Պանթենոլը» կամ նման միջոցներ, որոնք օգնում են արագացնել վերնամաշկի վնասվածքների և այրվածքների ապաքինման գործընթացը: Սովորաբար այս հետևանքներն աստիճանաբար նվազում են և վերջնականապես անցնում մեկ-երկու շաբաթվա ընթացքում: Եթե հետևանքները պահպանվում են մեկ ամսից ավելի, սա կարող է կապված լիներ լազերի չափազանց հզոր ազդեցության հետ, համենայն դեպս արժե դիմել բժիշկի: Լազերային մազահեռացումից հետո այտուցվածությունը կարող է պահպանվել մինչև երկու օր: Եթե միջամտությունը դեմքի վրա է իրականացվել և այտուց է առաջացրել, դեմքին անհրաժեշտ է սառը թրջոցներ դնել և քնելիս գլուխը բարձր բարձի վրա դնել: Միջամտությունից հետո հաճախ զգացվում է մաշկի չորություն՝ երբեմն զուգակցված այրոցով կամ քորով: Սա լազերի ազդեցության միանգամայն նորմալ ռեակցիան է (արևի տակ երկար գտնվելուց հետո մենք նույն զգացողությունն ենք ունենում):
լազերային
Ի լրացումն այս ամենին մաշկը կարող է մգանալ և սկսել թեփոտվել, որն այնքան էլ լավ չէ, բայց վախենալու առիթ չպետք է դառնա: Բուժման մեթոդները նույնն են, ինչ արևային այրվածքի դեպքում՝ «Պանթենոլ», խոնավեցնող քսուքներ, մաշկին մածուն քսելու նման ժողովրդական բուժման մեթոդներ, և որոշ ժամանակ անց ամեն ինչ կանցնի: Լազերային մազահեռացումից հետո այրվածքները դեպքերի մեծամասնությունում ոչ մասնագետի աշխատանքի արդյունք են: Սա նույնպես խուճապի առիթ չէ: Բացի սխալ կատարման տեխնիկայից կամ լազերային իմպուլսի չափազանց ուժգին ազդեցությունից, այրվածքի պատճառ կարող են լինել արևի հանդեպ զգայուն կամ ընդհակառակը չափացանզ արևայրված մաշկը, սակայն մասնագետը ցանկացած դեպքում չպետք է նման արդյունք թույլ տա: Լազերային մազահեռացումից այրվածքն առանձնապես տհաճ է այնպիսի զգայուն հատվածներում, ինչպիսիք են բիկինին և թևատակերը, քանի որ այս հատվածները դժվար է պահպանել անդադար շփումից և ամբողջությամբ բաց թողնել: Որպեսզի լազերային մազահեռացումից այրվածքներ չառաջանան, միջամտությունը պետք չէ անցկացնել ծովափնյա հանգստից անմիջապես հետո, պետք է մաշկին թույլ տալ հանգստանալ սթրեսից և արևայրուքից ազատվել: Այրվածքի դեմ պայքարի միջոցները նույնն են՝ «Պանթենոլ» կամ նման ազդեցությամբ այլ դեղամիջոց:

Լազերային մազահեռացումից հետո հնարավոր են ալերգիայի տարբեր դրսևորումներ՝ քոր, ցան, կապտավուն գույն և այլն: Սովորաբար դրանցից հնարավոր է ձերբազատվել հակահիստամինային դեղամիջոցների օգնությամբ, սակայն ծանր դեպքերում անհրաժեշտ է դիմել բժիշկի: Ցանկացած պայմաններում նման արդյունքի մասին պետք է անպայման զգուշացնել մասնագետին հաջորդ սեանսից առաջ և միջամտությունից զերշ մնալ այնքան ժամանակ, մինչև ալերգիայի ճշգրիտ պատճառը որոշվի (ալերգիա կարող է առաջացնել ցավազրկող դեղամիջոցը, որը կարելի է փոխարինել): Լազերային մազահեռացման ևս մեկ բարդացումը ֆոլիկուլիտն է (առանձնահատուկ մաշկային բորբոքում): Սովորաբար այն տեղի է ունենում միջամտությունից հետո վարքի կանոնների անտեսման դեպքում, մասնավորապես, ջրի մեջ երկար գտնվելու: Հազվադեպ պատահում է, որ լազերային մազահեռացման հետևանքով կորեակային ցան է առաջանում, հերպեսի ցան և այլ մաշկային խնդիրներ:

Սովորաբար լազերային մազահեռացման տհաճ հետևանքները, որքան էլ լուրջ թվան, աստիճանաբար անհետ անցնում են: Սակայն եթե որևէ տհաճ ախտանիշ մի քանի շաբաթ շարունակվում է, սա պետք է առիթ լինի բժիշկի խորհրդատվության: Բացառություն են կազմում տեսողական ապարատի խանգարումները, որոնք կարող են երբեմն առաջանալ հոնքերի մազահեռացումից հետո (հատկապես եթե խախտվել են անվտանգության կանոնները և աչքերը պաշտպանված չեն եղել): Սովորական կանոնների արհամարհումը կարող է լավագույն դեպքում կոնյունկտիվիտ առաջացնել, վատագույն դեպքում՝ հանգեցնել լուսազգայունության, աչքի անոթածածկի բորբոքման, վատթարացնել տեսոցությունը:

Միջամտությունից հետո ուշ ի հայտ եկող անախորժություններ


Անորակ լազերային մազահեռացումից հետո այրվածքի արդյունքնում կարող են մնալ պիգմենտային բծեր՝ մաշկի ավելի մուգ, կամ ընդհակառակը, ավելի բաց հատվածներ: Այսպիսի անախորժության հավանականությունը կտրուկ աճում է, եթե արհամարհեք լազերային մազահեռացումից հետո առաջին ամիսների ընթացքում արևային լոգանքների արգելքը: Որպես կանոն, մաշկի խնդիրները կարելի է հաղթահարել, այց ոչ ինքնուրույն, այլ հմուտ կոսմետոլոգի օգնությամբ: Մազահեռացումից հետո այրվածքի մեկ այլ տհաճ հետևանք են սպիները: Դրանց առաջացումը երաշխավորված է, եթե այրվածքի շրջանում թարախային բորբոքում է եղել և այցելուն պոկել է չորացող վերքը: Որքան էլ տարօրինակ չթվա, լազերային մազահեռացումից հետո սպիների մի մասը վերանում է լազերի միջոցով: Լազերային մազահեռացման շատ հազվադեպ, բայց հնարավոր բարդացումներից է մազերի անոմալ առատ և արագ աճը: Այս վիճակը հիվանդության բնույթ ունի և բուժվում է դեղորայքով, ուստի եթե նման անախորժություն է տեղի ունեցել, խուճապի մի՛ մատնվեք, անհապաղ դիմե՛ք բժիշկի: Լազերային մազահեռացման ավելի հազվագյուտ հետևանքներից է առատ քրտնարտադրությունը առանձնապես տհաճ հոտով (երբեմն առաջանում է թևատակերի մազահեռացումից հետո), մազերի ճերմակումը:

CosmoLab-ում բժշկական խորհրդատվությունն անվճար է, գրանցվել կարող եք առցանց՝ www.cosmolab.info, կամ զանգահարելով 011 55-00-22, 044 55-00-22 հեռախոսահամարներով։ Գործող մինչև 30% զեղչերի
Մինչև  30%  լազերային մազահեռացման անհատական  զեղչեր բոլորի համար:

Այստեղ կարող եք խաղարկել և ստանալ անհատական զեղչեր՝ մարմնի տարբեր հատվածների լազերային մազահեռացման համար։ 
Պետք է ընդամենը գրանցվել, ընտրել լազերային մազահեռացման տեսակը, հետաքրքրող հատվածը և խաղարկել։
Մարմնի հատվածների համար անհատական զեղչեր խաղարկելուց և ստանալուց հետո՝ օնլայն գրանցվել։

Ալեքսանդրիտային մազահեռացում
Կանանց համար
(Candela GentleLase PRO U 2019)

Ամբողջ մարմին– 140 000դր

Դեմք– 15 000դր

Դեմք առանց ճակատի– 12 000դր

Ճակատ– 3 500դր

Այտոսկրեր– 5 000դր

Վերին շուրթ– 1 500դր

Բակեր– 7 000դր

Կզակ– 4 000դր

Ծոծրակ– 8 000դր

Պարանոց– 7 000դր

Ուսեր– 7 000դր

Թևատակեր– 6 000դր

Ձեռքեր– 19 000դր

Բազուկներ– 7 000դր

Նախաբազուկներ– 15 000դր

Մատներ– 2 000դր

Կրծքավանդակ– 30 000դր

Դեկոլտե– 15 000դր

Կուրծք– 15 000դր

Փոր– 30 000դր

Փորի 1/3 հատված– 12 000դր

Մեջք– 40 000դր

Մեջքի 1/3 հատված– 15 000դր

Բիկինի– 20 000դր

Խորը բիկինի– 25 000դր

Նստատեղ– 25 000դր

Ոտքեր– 48 000դր

Ազդրեր– 35 000դր

Սրունքներ– 28 000դր

Ալեքսանդրիտային մազահեռացում
Տղամարդկանց համար
(Candela GentleLase PRO U 2019)

Ամբողջ մարմին– 180 000դր

Ճակատ– 4 000դր

Այտոսկրեր– 5 000դր

Ծոծրակ– 8 000դր

Պարանոց– 5 000դր

Թևատակեր– 10 000դր

Ձեռքեր– 35 000դր

Բազուկներ– 12 000դր

Նախաբազուկներ– 22 000դր

Մատներ– 3 000դր

Կրծքավանդակ– 45 000դր

Փոր– 45 000դր

Փորի 1/3 հատված– 20 000դր

Մեջք– 55 000դր

Մեջքի 1/3 հատված– 20 000դր

Ոտքեր– 60 000դր

Ազդրեր– 45 000դր

Սրունքներ– 35 000դր

Առցանց գրանցման կարգ

Էլեկտրոնային համակարգի գործարկումով առցանց գրանցման նպատակը՝ հեռախոսազանգի միջոցով գրանցման տևողության կրճատումն է, որը միառժամանակ ապահովում է թափանցիկություն՝ մատուցվող ծառայությունների, դրանց արժեքների և կլինիկայում աշխատող բժիշկների վերաբերյալ, ինչի արդյունքում ձևավորվում է փոխադարձ հարգանք և վստահություն։ Առցանց գրանցման համար պետք է՝

  • սեղմել առցանց գրանցման կոճակը
  • ընտրել ծառայությունը
  • ընտրել նախընտրած բժշկին
  • ընտրել հարմար ժամ՝ բժշկի անհատական ժամատախտակից
  • լրացնել կոնտակտային տվյալների բաժինը
  • որպես վերջնական քայլ՝ հաստատել ծրագրի կողմից եկած հաղորդագրությունը Ձեր այցի ամրագրման վերաբերյալ

Հիշեցնենք, որ միջամտության ավարտից հետո, ծրագրում նախատեսված համապատասխան բաժնում կարող եք գրել Ձեր  կարծիքը,  ինչը կօգնի մեզ ավելի բարելավել ծառայությունների որակը

Կարող եք զանգահարել
Հավանե՛ք մեր ֆեյսբուքյան էջը
Աշխատանքային ժամերը՝

Երկուշաբթի -Ուրբաթ 10.00 – 20.00

Շաբաթ10.00 – 20.00

Կիրակի11.00 – 19.00

Բժիշկ
Գոհար Հովհաննիսյան
Բժիշկ
Աշխեն Դանիելյան