Ինչպե՞ս պատրաստվել

Լազերային սարքավորման օգտագործմամբ ինտիմ հատվածի մազահեռացման պատրաստվելը նույնն է, ինչ մարմնի այլ հատվածների նույն միջամտությունից առաջ: Մասնավորապես.

• Արևի և արհեստական ուլտրամանուշակագույն ճառագայթների ազդեցության սահմանափակում (արևայրուքից խորհուրդ է տրվում խուսափել կոսմետոլոգի մոտ այցելությունից առնվազն 2 շաբաթ առաջ);

• Սովորական միջոցով (սափրվել) մազահեռացում լազերային մազահեռացումից մի քանի օր առաջ (մաշկի մակերեսից մազը պետք է բարձրանա 1 մմ-ից ոչ ավելի, հակառակ դեպքում լազերային ճառագայթի ամբողջ էներգիան կծախսվի ոչ թե մազարմատի, այլ մազի առանցքի վրա);

• Միջամտությունից մեկ ժամ առաջ ցավազրկող քսուքի կիրառում;

• Ցանկացած տեսակի քսուքի, լոսյոնի կամ կոսմետիկ այլ միջոցի օգտագործումից հրաժարվել լազերային մազահեռացումից մեկ օր առաջ և միջամտության օրը: Այս պահանջն առանձնապես կարևոր է, քանի որ քսուքների օգտագործումը այրվածքներ է առաջացնում:

Ինտիմ շրջանի լազերային մազահեռացմանը պատրաստվելն ունի մի շարք առանձնահատկություններ: Օրինակ, եթե ունեցել եք սեռական օրգանների հերպեսի դեպքեր, ապա մազահեռացման կուրսը սկսելուց մի քանի օր առաջ պետք է սկսել հակավիրուսային դեղամիջոցների օգտագործումը և շարունակել միջամտությունից մի քանի օր հետո: Ինչպես նաև չարժե լազերային մազահեռացման առաջին սեանսները նշանակել դաշտանի օրերին կամ դրանից մի քանի օր առաջ, քանի որ այդ օրերին մաշկն ավելի զգայուն է դառնում: Առաջին միջամտության անցկացման մասին պայմանավորվելիս մտածե՛ք, միգուցե իմաստ ունի առաջին անգամ գրանցվել դասական բիկինի մազահեռացման, ստուգել ձեր զավազգայունության շեմը ավելի նուրբ մաշկին ներգործելուց առաջ:

Մաշկի խնամքը լազերային մազահեռացումից հետո

Լազերային մազահեռացման կուրսի յուրաքանչյուր առանձին միջամտությունից հետո կպահանջվի տնային պայմաններում որոշակի խնամք: Օրինակ՝ հաջորդ 24 ժամվա ընթացքում արգելվում է մշակված հատվածը ջրով թրջել, իսկ մաքրող միջոցների օգտագործումը պետք է բացառել 48 ժամով: Դուք պետք է մշակվող հատվածին հատուկ քսուք օգտագործեք, որի գործառույթը մաշկը հանգստացնելն ու հնարավոր բորբոքումը կանխելն է: Շոգեբաղնիք այցելությունը պետք է հետաձգել մազահեռացումից հետո առնվազն 2 օրով, իսկ սոլյարի և ծովափ այցելելն ավելի երկար՝ առնվազն երկու շաբաթով:

Բիկինի հատվածի լազերային մազահեռացման առավելությունները


Բոլոր ներկայացված պահանջներն ու սահմանափակումները արդարացնում են վերջնական արդյունքը, քանի որ լազերային մազահեռացման առավելությունները (ինչպես ինտիմ շրջանում, այնպես էլ այլ հատվածներում) քիչ չեն: Դրանց թվում են.

• Միջամտության կարճատև լինելը (սարքի ներգործությունը կետային չէ՝ յուրաքանչյուր առանձին մազարմատի վրա, այլ որոշակի մակերեսով տարածվող):

• Առաջին իսկ լազերային ներգործությունից նկատելի արդյունք (սովորաբար մաշկի հարթությունը պահպանվում է 2-3 ամսվա ընթացքում):

• Ներաճած մազերի և սպիների տեսքով անցանկալի հետևանքների բացակայություն:


Հակացուցումներ

Ինտիմ շրջանում միջամտության հակացուցումներն ըստ էության նույնն են, ինչ այլ հատվածների դեպքում, սակայն կան որոշակի առանձնահատկություններ։

• շաքարային դիաբետ՝ ինսուլինի օգտագործմամբ;
• ինֆեկցիոն հիվանդություններ;
• օնկոլոգիական հիվանդություններ;
• իմունային համակարգի հիվանդություններ;
• մաշկաբանական խնդիրներ:

Չարժե լազերային մազահեռացման դիմել հղիության, կրծքով կերակրման շրջանում, կամ մշակվող շրջանում առնվազն 3 ամսվա ընթացքում անցկացված վիրահատական միջամտության դեպքում: Բացի այդ, կանանց անհրաժեշտ է այս զգայուն հատվածում մազահեռացումը հետաձգել դաշտանի ընթացքում կամ այդ մասին նախապես խորհրդակցել բժիշկ-մաշկաբանի հետ:

Մազահեռացմանը՝ այն էլ բիկինիի շրջանում հարկավոր է վերաբերվել լրջությամբ։ Այն պետք է իրականացվի բացառապես բժշկական, սանիտարահիգիենիկ պայմաններում, արտոնագրված և անվնաս սարքավորումներով։

Հորդորում ենք, մինչ միջամտություն իրականացնելը հետաքրքրվել կենտրոնում առկա սանիտարահիգիենիկ պայմանների մասին, տեղեկանալ սարքավորման առանձնահատկությունների և իրականացման մանրամասներին, կարևորել միջամտությունն իրականացնող անձի մասնագիտացումը։