Եթե լազերային մազահեռացումից հետո նկատել եք սև կետեր, դա պատճառ չէ անհանգստանալու։ Սև կետերը պարզապես այրված մազերն են, ինչը նշանակում է լազերային մազահեռացումը իրականանցվել է արդյունավետ։ Ավելի հաճախ սև կետերն ի հայտ են գալիս առաջին միջամտությունից հետո։ Որպես կանոն դրանք հատուկ են միայն հաստ և սև մազերին։ Ժամանակի ընթացքում՝ կապված լազերային էպիլացիայի միջամտությունների քանակով, մազածածկույթը դառնում է ավելի բարակ և ձեռք է բերում ավելի բաց գունավորում։
Լազերային մազահեռացումից հետո առաջացած սև կետերն ու բարձր ջերմաստիճանից պտտված մազերը, որոնք գտնվում են մաշկի մակերեւույթի վրա, կարելի է հեռացնել փափուկ սքրաբով, իսկ առաջիկա շաբաթների ընթացքում կարելի է նաև սափրել։ Այրված մազերը բացարձակապես չի կարելի հեռացնել ունելիի միջոցով՝ այլապես կվնասվի մաշկը։
Առաջին միջամտությունից հետո նոր մազերը կսկսեն աճել 3-5 շաբաթ հետո, սակայն 20%-ից ավելի քիչ քանակով։ Յուրաքանչյուր նոր միջամտությունը Ձեզ կհաղորդի ավելի երկար թավշյա զգացողություն, իսկ 5-10 միջամտությունից հետո անցանկալի մազածածկույթն ընդհանրապես կանհետանա մարմնի վրայից։ Հետագայում՝ տարին մեկ անգամ, անհրաժեշտ կլինի իրականանցնել պրոֆիլակտիկ միջամտություն՝ հեռացնելով մարմնին ի հայտ եկած բարակ մազերը։
Հարկ է նշել՝ Դուք կտեսնեք արդյունքն արդեն իսկ առաջին միջամտությունից հետո, երբ մազերը կընկեն, չնայած դրանց արտահայտվածությունը կախված է մի շարք առանձնահատկություններից՝ մաշկի տեսակից և գույնից, մազի կառուցվածքից։
