ABR պիլինգ․ բազմաթիվ խնդիրներ՝ 1 լուծում

ABR պիլինգ․ բազմաթիվ խնդիրներ՝ 1 լուծում

ABR պիլինգն իրենից ներկայացնում է կոմբինացված (համակցված) պիլինգի տեսակ, որն ակտիվ գործածություն ունի հատկապես յուղոտ և խնդրահարույց մաշկի դեպքում։ Այն մեծ արդյունավետություն ունի պոստակնեի՝ ակնեից հետո մնացած փոսիկների, սպիների, լայն ծակոտիների և պիգմենտացիաների դեպքում։

Շնորհիվ պիլինգի նուրբ և ոչ ագրեսիվ ազդեցության, այն խորհուրդ է տրվում նույնիսկ զգայուն մաշկ ունեցող պացիենտներին և չունի տարիքային սահմանափակում։

ABR պիլինգը կիրառվում է ինչպես դեմքի, այնպես էլ պարանոցի, ուսերի մեջքի և դեկոլտեի շրջաններում։ Շատ զգայուն մաշկի դեպքում պիլինգը կարելի է կատարել ոչ ամբողջական՝ միայն խնդրահարույց շրջաններում։

Ի՞նչ է իրենից ներկայացնում ABR համակցությունը․

A- AHA (ալֆա հիդրոքսիթթու)
B- BHA (բետա հիդրոքսիթթու)
R- վիտամին A (ռետինոլ)

Ինչպե՞ս է ազդում ABR պիլինգը․

ABR պիլինգի ազդեցության մեխանիիզմը կայանում է ալֆա և բետա հիդրոքսիթթուների, ինչպես նաև ռետինոլի համալիր ազդեցության մեջ։

Ալֆա հիդրոքսիլ մրգաթթուներն ապահովում են բջիջների նուրբ, փափուկ և հավասարաչափ շերտազատումը, ակտիվացնում են նյութափոխանակության գործընթացները, նպաստում են մաշկի երիտասարդացմանը և տոնուսավորմանը:

Բետա-հիդրոքսիլ սալիցիլաթթուն հանդիսանում է շերտազատող, կերատոլիտիկ և հակաբորբոքային միջոց, որը մաքրում է ծակոտիները և հեռացնում է մեռած էպիդերմալ բջիջները:

Ասկորբինաթթուն ակտիվացնում է կենսաբանական հյուսվածքների՝ մանրաթելերի սինթեզը, ազդում անոթային թափանցելիության պարամետրերի վրա, ապահովում է հակաբորբոքային և հակավիրուսային ազդեցություններ, ուժեղացնում է օրգանիզմի իմունային պաշտպանությունը: Ասկորբինաթթվի շնորհիվ էպիդերմիսում կոլագենի և էլաստինի սինթեզն ուժեղանում է, մաշկը վերականգնում է իր առողջ գունային երանգը:

Ռետինոլը կապում է ազատ ռադիկալները, նպաստում է էպիդերմիսում նյութափոխանակության և վերականգնման գործընթացներին, ինչպես նաև կարգավորում է բջիջների բաժանումը, ճարպարտադրությունը, կոլագենի սինթեզը և մելանոգենեզը:
ABR-պիլինգի բաղադրիչների կազմում հաճախ ներառվում են հավելյալ ազդեցություն ունեցող բաղադրիչներ, ինչպես օրինակ կանաչ թեյի էքստրակտն է, որը դրսևորում է վառ արտահայտված հակասեպտիկ հատկություններ, օգնում է մաքրել և բուժել վնասված մաշկը, ծակոտիները և վերականգնել էպիդերմիսի առողջ գույնը: Մաշկի խնամքը պիլինգի գործընթացում ապահովում է է նաև թզի էքստրակտի միջոցով, որը խորը սնուցում է մաշկը և հարթում ռելիեֆը:

Ինչպե՞ս պատրաստվել ABR պիլինգին․

Լավագույն արդյունքի համար մինչ միջամտությունը «CosmoLab»-ի մաշկաբանները խորհուրդ են տալիս հարթեցնել էպիդերմիսի եղջերային շերտև (ռելիեֆը)։ Դա անելու համար, նախքան առաջին միջամտությունը ցուցված է 5-օրյա տնային խնամք, որը ներառում է գլիկոլաթթվով գելերի ամենօրյա կիրառություն։

Մաշկի անընդհատ խնամք․

ABR պիլինգից հետո, ազդեցության պահպանման և բարձր արդյունքի համար բժիշկները խորհուրդ են տալիս մաշկի հետպիլինգային մեկամսյա ինտենսիվ խնամք տանել, որոնք իրենցից ենթադրում են արևապաշտպան, վերականգնող և խոնավացնող միջոցների օգտագործում։ Նման մոտեցումը կարգավորում է էպիդերմիսի վերականգնումը։

Որո՞նք են ABR պիլինգի ցուցումները․
(այս պիլինգը խորհուրդ է տրվում կատարել բացառապես ցուցումներով)

• կորյակային ցան
• պոստակնե
• վաղաժամ ծերացման նշաններ
• հիպերպիգմենտացիաներ
• լայնացած ծակոտիներ
• մաշկի անառողջ գույն
• հիպերկերատոզ

ABR պիլինգի հակացուցումներն են․

• որոշ սոմատիկ հիվանդություններ
• հոգեհուզական խնդիրներ
• արևայրուքի առկայություն
• հղիության շրջան
• լակտացիայի շրջան
• սուր վարակիչ հիվանդություններ
• էպիդերմիսի ամբողջականության ցանկացած խաթարում
• վահանաձև գեղձի խնդրիր
• օնկոլոգիական հիվանդություններ
• քրոնիկ հիվանդությունների սուր շրջան

«CosmoLab» էսթետիկ բժշկության կենտրոնում ABR պիլինգի արժեքը 22․000 է իսկ միջամտությունից առաջ մաշկաբանի խորհրդատվությունն՝ անվճար։ Գրանցվել կարող եք առցանց՝ www.cosmolab.am կամ զանգահարելով 011 55 00 22, 044 55 00 22 հեռախոսահամարներով։
Շողեր Պողոսյան
Գայանե Հավակիմյան
Վարդուհի Դավթյան
Գոհար Հովհաննիսյան
Առցանց գրանցման կարգ

Էլեկտրոնային համակարգի գործարկումով առցանց գրանցման նպատակը՝ հեռախոսազանգի միջոցով գրանցման տևողության կրճատումն է, որը միառժամանակ ապահովում է թափանցիկություն՝ մատուցվող ծառայությունների, դրանց արժեքների և կլինիկայում աշխատող բժիշկների վերաբերյալ, ինչի արդյունքում ձևավորվում է փոխադարձ հարգանք և վստահություն։ Առցանց գրանցման համար պետք է՝

  • սեղմել առցանց գրանցման կոճակը
  • ընտրել ծառայությունը
  • ընտրել նախընտրած բժշկին
  • ընտրել հարմար ժամ՝ բժշկի անհատական ժամատախտակից
  • լրացնել կոնտակտային տվյալների բաժինը
  • որպես վերջնական քայլ՝ հաստատել ծրագրի կողմից եկած հաղորդագրությունը Ձեր այցի ամրագրման վերաբերյալ

Հիշեցնենք, որ միջամտության ավարտից հետո, ծրագրում նախատեսված համապատասխան բաժնում կարող եք գրել Ձեր  կարծիքը,  ինչը կօգնի մեզ ավելի բարելավել ծառայությունների որակը