Բոտուլինոթերապիա՞ թե՞ Ֆիլերներ
Երիտասարդացնող միջոցների բազմազանությունը պացիենտներին գցում է տարակուսանքի մեջ։ Հաճախ ենք լսում երիտասարդացման համար նախատեսված միջոցներից` բոտուլինոթերապիա և ֆիլեր բառերը, սակայն, քչերը գիտեն, թե ինչ նպատակով են օգտագործվում այդ նյութերը։ Շատերը ուզում են ստանալ առավել լավ արդյունք մինիմալ ռիսկայնության պարագայում։ Այս հարցերը հետաքրքրում են բոլոր նրանց, ովքեր ուզում են վերադարձնել նախկին երիդասարդությունը կամ պահպանել այն։ Հիմա անդրադառնանք դրանցից յուրաքանչյուրին և ստանանք մեզ համար շատ կարևոր հարցերի պատասխաններ։
Ի՞նչ է բոտուլինոտոքսինը
Բոտուլինոտոքսինը՝ բնական մաքրված սպիտակուց է, որն օգտագործվում է դեմքի միմիկայի մկանների ժամանակավոր ընկճման նպատակով, որն էլ բերում է կնճիռների հարթեցմանը։ Բոտոքս անվանումը դա ապրանքանիշ է, իսկ ազդող նյութը ՝ բոտուլինոտոքսին Ա խումբը։
Ի՞նչ են իրենցից ներկայացնում դերմալ ֆիլերները
Դերմալ ֆիլլերներն օգտագործվում են լրացուցիչ ծավալ ստանալու նպատակով, կամ վերականգնում են այն նախկին ծավալը, որն արդեն կորել է։ Շուկայում առկա դերմալ ֆիլլերները հիմնականում ներկայացված են հիալուրոնաթթվի պրեպարատներով։ Հիալուրոնաթթուն օրգանիզմում տարիների ընթացքում ավելի քիչ է սինթեզվում , որը հանգեցնում է մաշկի չորությանը և կնճիռների առաջացմանը։ Այդ պատճառով հիալուրոնաթթվի հիմքով դերմալ ֆիլլերները ներմուծվում են մաշկ բարակ ասեղներով։
Այսպիսով՝ բոտուլինոթերապիան նախատեսված է մկանային լարվածությունը թուլացնելու կամ ընդհատելու նպատակով։ Այն երկրորդային ձևով ազդում է մաշկի արտաքին տեսքի վրա՝ ազդեցությունը թողնելով միմիկայի մկանների գրգիռների վրա, սակայն մաշկի որակի վրա այն որևէ ազդեցություն չի գործում։
Դերմալ ֆիլերները լրացնում են մաշկի մեջ առկա հիալուրոնաթթվի պակասը, ազդում որակական հատկանիշների վրա՝ բարձրացնելով դրանք։ Այս նյութերի օգտագքրծումը բերում է մաշկի որակի բարձրացմանը, մանր կնճիռների հարթեցմանը, օվալի երիտասարդացմանն ու ընդգծմանը։
