Քսանտոմայի տեսակները և դրանցից յուրաքանչյուրի բնորոշ առանձնահատկությունները`

Կլինիկորեն բոլոր քսանտոմաները բաժանված են մի քանի հիմնական տիպերի, որոնցից յուրաքանչյուրն ունի իրեն բնորոշ առանձնահատկությունները.

• Հարթ քսանտոմա-դրանք նման են տափակ և փափուկ բազմանկյուն տարրերի, որոնք ներկված են դեղին գույնով: Նրանք կարող են ունենալ տարբեր չափեր, ավելի հաճախ տեղայնացված են կոպերին և աչքի ներքին անկյունում։

• Ուռուցիկ քսանտոմաները ունենում են կարմրադեղին պինդ հանգույցների տեսք։ Հիմնականում առաջանում են մաշկի շփման հատվածներում, օրինակ՝ ծնկների և արմունկների մակերեսներին։

• Ջլային քսանտոմաները ենթամաշկային հանգույցներ են, որոնք կապված են կապանների և ջիլերի հյուսվածքի հետ, որ դանդաղորեն աճում են: Դրանք ավելի հաճախ են առաջանում վերին վերջույթների էքստենսորային շրջանում և աքիլլեսյան ջիլում։

• Ցանավոր քսանտոմաները իրենցից ներկայացնում են կարմիր-դեղին պապուլաներ, որոնք առաջանում են հետույքի, ուսերի և վերջույթների մակերեսների կարմրավուն մաշկին: Ցանավորումը ուղեկցվում է քորով և մաշկի զգայունության բարձրացմամբ։

• Տարածվող քսանտոմաները ունեն կարմրադեղին բազմաթիվ հանգույցների և տուբերկուլների տեսք, որոնք տեղակայված են մաշկի ծալքերում:

• Գորտնուկանման քսանտոմաները առաջանում են հիմնականում բերանի խոռոչում, միայնակ ցաների տեսքով, որոնք չեն ուղեկցվում որևէ ախտանիշով: Ավելի հազվադեպ, նրանք հայտնվում են վերջույթներին, ինտիմ հատվածում, ինչպես նաև կերակրափողի պատերին։

• Քսանտելազման կոպերին առաջացող տափակ քսանտոմայի տեսակ է, որը մաշկի մակերեսից քիչ բարձր ոռուցիկ տեսք ունի: Այն առավել հաճախ տեղակայվում է աչքերի շուրջ:

Քսանտոմաները իրենք իրենցով հազվադեպ կարող են առաջացնել բարդություններ: Հաճախ հիվանդները բավարար ուշադրություն չեն դարձնում այս պաթոլոգիական գործընթացին, քանի որ քսանտոման գործնականում չի անհանգստացնում իրենց։

Շատ հազվադեպ խոշոր քսանտելազմաների առաջացումը կարող է հանգեցնել պտոզի ձևավորման, որի արդյունքում տեսողությունը կարող է վատթարանալ:

Մնացած դեպքերում, քսանտոմաները պարզապես կոսմետիկ թերություններ են, որոնք անհանգստություն չեն պատճառում: Այնուամենայնիվ, երբ քսանտոմաները հայտնվում են մաշկին, չափազանց անհրաժեշտ է հետևողական լինել, քանի որ սա մարմնում լիպիդային փոխանակության խանգարումների կարևոր ախտանիշ է, ինչը կարող է հանգեցնել սրտանոթային լուրջ պաթոլոգիայի, որը կարող է նույնիսկ մահվան պատճառ դառնալ։

Քսանտոմաները պետք է ընկալվեն որպես տագնապալի ախտանիշներ, որն ազդարարում է պացիենտի առողջության և կյանքի համար գոյություն ունեցող սպառնալիքի մասին: Բայց անհրաժեշտ ուսումնասիրությունների ժամանակին անցկացումը և արդյունավետ թերապիայի նշանակումը կօգնեն կայունացնել լիպիդների փոխանակությունը, ինչպես նաև պաշտպանել մարմինը լուրջ վնասներից:


«CosmoLab» էսթետիկ բժշկության և մաշկաբանության կենտրոնում մաշկաբանական առաջնային զննումն ու խորհրդատվությունն անվճար է, հասցեն՝ Սայաթ-Նովա 15, հեռ․՝ 011 55 00 22, 044 55 00 22։