Խնդրիներ, որոնք լուծում է մաշկի լազերային սպիտակեցումը

Միջամտությունն առավել արդյունավետ կլինի հետևյալ թերությունների դեպքում.

• ուլտրամանուշակագույն ճառագայթների ազդեցությամբ էպիդերմիսի անհամաչափ գունավորում; • կոսմետիկ միջամտությունների հետևանքով առաջացած պիգմենտացիա; • տարիքի և հորմոնների համամասնության փոփոխության հետևանքով ի հայտ եկած բծեր; • կորեակային հիվանդությունից հետո առաջացած պիգմենտացիա; • պեպեններ; • հղիությունից հետո էպիդերմիսի խորքում մելանինի կղզյակների առաջացում; • ներքին օրգանների (լյարդ, վահանագեղձ, մակերիկամներ, ձվարաններ) աշխատանքի խանգարումների պատճառով առաջացած բծեր; • սթրեսային գերպիգմենտացիա; • մգացած հատվածներ՝ որպես դեղամիջոցների օգտագործման հետևանք:

Լազերի ազդեցությունից հետո սպիներ չեն մնում, իսկ ճառագայթի բարձր ճշգրտությունը կոսմետոլոգին հնարավորություն է տալիս աշխատել միայն խնդրահարույց շրջանների հետ՝ չդիպչելով մաշկի այլ հատվածների:

Ինչպե՞ս է արտահայտվում արդյունքը

Էպիդերմիսի (վերնամաշկի) միջով դերմա (ենթամաշկ) ներթափանցելով՝ լազերային ճառագայթը ջերմային ազդեցություն է գործում: Լազերի կրկնակի իմպուլսն ազդում է մաշկի պիգմենտացիայի համար պատասխանատու բջիջների վրա և ոչնչացնում դրանց մեջի մելանինը: Դրա շնորհիվ վերանում են գերպիգմենտացիայի հատվածները, երիտասարդացման ազդեցություն է տեղի ունենում, որը ժամանակի ընթացքում ավելի նկատելի է դառնում:
Լազերային ճառագայթը բարենպաստ ազդեցություն ունի արյան շրջանառության վրա, վերացնում է ավշի կանգը, դուրս բերում ավելորդ հեղուկն ու նյութափոխանակության արգասիքները: Խթանվում է մաշկի վերականգնումը, կոլագենի արտադրությունը: Արդյունքն աստիճանաբար է զարգանում, բայց արդեն առաջին միջամտությունից հետո նկատելի են փոփոխություննրը.

• մաշկն ավելի առողջ և հարթ տեսք ունի՝ համաչափ գունավորմամբ;
• մաշկը դառնում է պիրկ և առաձգական;
• նվազում է գերպիգմենտացիայի շրջանների արտահայտվածությունը:
Լազերային ճառագայթները պատճառ են դառնում մելանին պարունակող բջիջների՝ մելանոցիտների մահվան: Պիգմենտն այդ դեպքում բնական եղանակով վերամշակվում է: Բջջի տեղադրման խորությունն այդ դեպքում նշանակություն չունի՝ լազերի ալիքի երկարությունն այնպես է ընտրվում, որպեսզի ազդեցություն ունենա պիգմենտացիայի բոլոր տեսակների վրա: Մահացած բջիջները փոխանակվում են առողջ նոր բջիջներով, և գերպիգմենտացիայի տեղում մաշկը նորմալ գունավորում է ստանում:

Արդյունքի արտահայտվածությունն ավելանալու է յուրաքանչյուր միջամտությունից: Կուրսը սովորաբար բաղկացած է 4-ից 6 միջամտությունից, որոնք անցնում են 7 օր ընդմիջումներով: Միջամտության արդյունքը պահպանվում է երկար տարիներ, բայց դրա ամրապնդման համար խորհուրդ է տրվում կես կամ մեկ տարին մեկ անգամ անցկացնել պահպանող միջամտություն:

Դիոդային լազերի միջոցով մաշկի սպիտակեցման առավելությունները

Լազերային սպիտակեցումը մաշկի պիգմենտացիայի խանգարումների դեմ պայքարի ամենաժամանակակից և արդյունավետ միջոցն է: Այն մյուսներից տարբերվում է մի շարք առավելություններով.

• կարող է անցկացվել 18 տարեկանից;

• ներգործությունը կատարվում ոչ թե պիգմենտի վրա, այլ այն արտադրող բջիջների. այսպիսով, վերանում են ոչ միայն գերպիգմենտացիայի դրսևորումները այլև պատճառը;

• կարող է անցկացվել I-IV ֆոտոտիպի մաշկի վրա, մարմնի և դեմքի ցանկացած հատվածում;

• միջամտությունն անվտանգ է մաշկի համար: Լազերի սառեցնող համակարգը կանխում է մաշկի գերտաքացումը՝ վերացնելով տհաճ զգացողությունները և բացառելով այրվածքի հավանականությունը;

• լազերային սպիտակեցումը կարելի է համադրել այլ միջամտությունների հետ՝ մեզոթերապիայի, լազերային հղկման, պլաստիկայի;

• բացակայում է վերականգնողական շրջանը՝ միջամտության ավարտին կարող եք անմիջապես վերադառնալ առօրյա գործերին: Լազերի ներգոծության տեղում երբեմն առաջացող մաշկի կարմրությունն ինքնուրույն անցնում է միջամտությունից 30-60 րոպե անց: Նույն օրը կարելի է դիմահարդարում անել:

• Արդյունքը տեսանելի է առաջին իսկ միջամտությունից: Արդյունքն ավել նկատելի է ամեն հաջորդ միջամտությունից հետո և նույնիսկ կուրսի ավարտին;

• միջամտությունը համապատասխանում է FDA ասոցիացիայի պահանջներին:

Լազերային սպիտակեցման հակացուցումները

Միջամտությանը գրանցվելուց առաջ անպայման ծանոթաքեք հակացուցումների ցուցակին.

• հղիություն և կերակրման շրջան;

• բարձր լուսազգայունություն;

• լուսազգայունությունն ավելացնող դեղամիջոցների օգտագործում;

• իրական ֆոտոդերմատիտ;

• մշակման շրջանում հերպեսի, պսորիազի կամ կելոիդ սպիների առկայություն;

• մշակման շրջանում մազածածկ խալերի առկայություն;

• մաշկի վրա բազմաթիվ խալեր;

• արյան մակարդման խանգարում;

• շաքարային դիաբետի տարբեր ձևեր;

• օնկոլոգիական հիվանդություններ;

• հորմոնալ և որոշակի ցավազրկող դեղամիջոցների օգտագործում (պահանջվում է բուժող բժիշկի խորհրդատվություն);

• էպիլեպսիա;

• որոշ տեսակների վիրուսային հիվանդություններ: