Մաշկի աշնանային խնամքը

Մաշկի աշնանային խնամքը

Աշնան ընթացքում մաշկը հատուկ խնամքի կարիք ունի: Աշնանը մաշկի ամբողջական խնամքը պետք է բաղկացած լինի հինգ հիմնական փուլերից.

Ամեն ինչ մաշկի աշնանային խնամքի մասին:

1. Մաշկի մաքրում

Աշնանը ճարպագեղձերը չեն աշխատում այնքան ակտիվ, որքան ամռանը: Ուստի խորհուրդ չի տրվում օգտագործել խնամքի մաքրող կոպիտ միջոցներ: Ավելի լավ է անցնել ավելի մեղմ մաքրման, որը չի զրկում մաշկը խոնավությունից: Փոխարինեք խնդրահարույց գելերն ու փրփուրները, որոնք պարունակում են մակերևութային ակտիվ նյութեր (ՄԱՆ), ավելի մեղմ, քսուքային մաքրող միջոցներով, ինչպիսին է կաթիկը։ Չոր և նորմալ մաշկ ունեցողներին աշնանը խորհուրդ ենք տալիս մաքրել դեմքի մաշկը յուղային հիմք ունեցող խնամքի միջոցներով։ Դրանք կպաշտպանեն մաշկը չորանալուց և կօգնեն պահպանել մաշկի խոնավությունը:

2. Տոնուսավորում

Մի մոռացեք օգտագործել դեմքի համար նախատեսված տոնիկները՝ որպես մաշկը մաքրելու վերջին քայլ։ Այն ամբողջությամբ մաքրում է մաշկը դիմահարդարման, կեղտի և ճարպի մնացորդներից։ Խորհուրդ ենք տալիս հրաժարվել ալկոհոլ պարունակող խնամքի միջոցներից։ Դրանք չորացնում են մաշկը՝ խաթարելով մաշկի բնական Ph մակարդակը, որի հետևանքով այն դառնում է չոր, գերզգայուն և գրգռված: Ցանկալի է աշնանը օգտագործել նորմալ մաշկի համար նախատեսված տոնիկներ։ Այն միաժամանակ տոնուսավորում և խոնավացնում է մաշկը ՝ առանց այն չորացնելու:

3. Խոնավացում

Աշնանը մաշկը խոնավացնելը, սնուցելը և վերականգնելը շատ կարևոր է: Ամռան օգտագործած թեթև քսուքները կարելի է փոխարինել՝ ավելի սնուցող և խոնավացնող քսուքներով: Դրանք ստեղծում են հզոր պատնեշ մաշկի խոնավության կորստի դեմ: Խորհուրդ է տրվում օգտագործել գիշերային քսուքներ՝ վերականգնող բաղադրիչներով։ Դրանք կարգավորում են հիդրոլիպիդային հավասարակշռությունը և վերականգնում մաշկի խոնավության պակասը: Աշնանը մաշկը խոնավացնելու համար կարելի է օգտագործել դեմքի համար նախատեսված շիճուկներ։ Դրանք շատ ավելի խորն են թափանցում, քան քսուքները, խոնավացնում և վերականգնում են մաշկի հիդրոհավասարակշռությունը: Դրանք հաճախ պարունակում են ձիթապտղի յուղ, կոլագեն, շիի յուղ և այլ օգտակար բաղադրիչներ:
4. Խոնավացնող և սնուցող դիմակներ

Աշնանը բոլորին, առանց բացառության, խորհուրդ է տրվում օգտագործել դեմքի խոնավացնող դիմակներ: Չոր և նորմալ մաշկ ունեցողները կարող են օգտագործել սնուցող և խորը վերականգնող, իսկ յուղոտ և համակցված մաշկ ունեցողները` ավելի թեթև խոնավացնող դիմակներ: Դիմակները կարելի է օգտագործել շաբաթական 1-ից 2 անգամ ՝ մաշկը խոնավացնելու և վերականգնելու համար:

5. Մաշկի պիլինգ աշնանը

Մաշկի աշնանային պիլինգը զգալիորեն տարբերվում է ամառայինից: Աշնանը ցուրտ եղանակը և ջերմաստիճանի պարբերական փոփոխությունները բացասաբար են ազդում մաշկի վրա, որից այն չորանում է և սկսում է թեփոտվել: Ցանկալի է կոպիտ սկրաբը փոխարինել ավելի մեղմ, խոնավացնող էքսֆոլիանտի հետ (նախընտրելի է յուղային հիմքով): Աշնանային իդեալական պիլինգը AHA և BHA թթուներ պարունակող արտադրանքներն են: Դրանք արդյունավետորեն հեռացնում են մաշկի մեռած բջիջները ՝ առանց այն վնասելու:

6. Պաշտպանություն արևից

Աշնանը մաշկի խնամքի համար նախատեսված պարագաների ցանկում կարևոր տեղ է զբաղեցնում արևապաշտպան քսուքը: Իհարկե, SPF-ի մակարդակը պետք է մի փոքր ցածր լինի, քան ամռանը նախատեսված քսուքներում: Լավագույն ընտրությունը SPF10-15 պարունակող արևապաշտպան քսուքն է: Նախապատվությունը տվեք նաև արևապաշտպան պարունակող տոնային միջոցներին (տոնավորող քսուք, դիմափոշի)։ Դրանք կձևավորեն ևս մեկ պատնեշ, որը նաև կպաշտպանի մաշկը ուլտրամանուշակագույն ճառագայթներից:

7. Շրթունքների մաշկի պաշտպանություն

Աշնանը վերջին և կարևոր բանը, որ միշտ պետք է հիշել, շրթունքների պաշտպանությունն է: Տարվա ցուրտ եղանակներին շրթունքների մաշկին անհրաժեշտ է նույն խնամքը, ինչ դեմքի մաշկին: Ցուրտ եղանակից և ճաքերից պաշտպանելու համար բավական է խնամքի միջոցները համալրել շրթունքների համար նախատեսված լավ սնուցող բալզամով․ գերադասելի է յուղային հիմք պարունակող:

Մենք ամեն ինչ ներկայացրինք մաշկի աշնանային խնամքը ճիշտ կատարելու համար: Հետևեք այս պարզ կանոններին և կտեսնեք, որ սեզոնի վերջում մաշկը կլինի գեղեցիկ, խոնավ, և որ ամենակարևորն է ՝ առողջ:

Հետևյալ թեստով պարզե՛ք Ձեր մաշկի տեսակն ու ձեռք բերեք Ձեր մաշկին ամենահամապատասխան խնամքի միջոցները՝ «CosmoLab» էսթետիկ բժշկության և մաշկաբանության կենտրոնից։

Հասցեներ՝ Սայաթ-Նովա 15, Կոմիտաս 37։

Գոհար Հովհաննիսյան
Գայանե Հավակիմյան
Վարդուհի Դավթյան
Շողեր Պողոսյան
Առցանց գրանցման կարգ

Էլեկտրոնային համակարգի գործարկումով առցանց գրանցման նպատակը՝ հեռախոսազանգի միջոցով գրանցման տևողության կրճատումն է, որը միառժամանակ ապահովում է թափանցիկություն՝ մատուցվող ծառայությունների, դրանց արժեքների և կլինիկայում աշխատող բժիշկների վերաբերյալ, ինչի արդյունքում ձևավորվում է փոխադարձ հարգանք և վստահություն։ Առցանց գրանցման համար պետք է՝

  • սեղմել առցանց գրանցման կոճակը
  • ընտրել ծառայությունը
  • ընտրել նախընտրած բժշկին
  • ընտրել հարմար ժամ՝ բժշկի անհատական ժամատախտակից
  • լրացնել կոնտակտային տվյալների բաժինը
  • որպես վերջնական քայլ՝ հաստատել ծրագրի կողմից եկած հաղորդագրությունը Ձեր այցի ամրագրման վերաբերյալ

Հիշեցնենք, որ միջամտության ավարտից հետո, ծրագրում նախատեսված համապատասխան բաժնում կարող եք գրել Ձեր  կարծիքը,  ինչը կօգնի մեզ ավելի բարելավել ծառայությունների որակը