Ինչպե՞ս է բուժվում ֆոլիկուլիտը․

Արգելվում է զբաղվել ինքնաբուժությամբ: Միայն բժիշկը կարող է համապատասխան բուժում նշանակել, որում անպայման պետք է հաշվի առնվեն հակացուցումները:

Եթե ֆոլիկուլի բորբոքումը չի անցնում և թարախակալում է սկսվում, կարող է անհրաժեշտ լինել վիրաբույժի օգնություն: Վիրաբույժը բացում է բորբոքված վերքը, հեռացնում թարախային զանգվածները և ախտահանում:

Խնդրի կանխարգելումը

Ֆոլիկուլիտի զարգացումը կանխելու նպատակով անհրաժեշտ է դիմել փորձառու մասնագետների, որոնք մազահեռացումն իրականացնում են բոլոր կանոններին համապատասխան: Եթե ինքնուրույն եք որոշել մազահեռացում իրականացնել.

1. Մազահեռացումից 2-3 օր առաջ սկրաբներ օգտագործե՛ք;

2. Նախապես լվացե՛ք և տաքացրե՛ք մազահեռացման հատվածը;

3. Օգտագործե՛ք միայն որակյալ նյութեր և մաքուր գործիքներ;

4. Միշտ ախտահանե՛ք մազահեռացման հատվածը;

5. Հետևե՛ք մազահեռացման տեխնոլոգիային: Բոլոր գործողությունները կատարե՛ք ըստ ցուցումների:

6. Ներաճած մազ հայտնաբերելու դեպքում մաշկը մշակե՛ք տաք ջրով և սկրաբով, որպեսզի մազը դուրս գա մաշկի մակերեսին:

7. Մազահեռացումից հետո մի՛ մոռացեք խոնավացնել մաշկը:

8. Մազահեռացումից հետո առաջին օրերին խուսափե՛ք շոգեբաղնիքներից, բնական և արհեստական լողավազաններից, որպեսզի մանր վնասվածքները չախտահարվեն:

9. Չարժե սպորտով զբաղվել և քրտնարտադրությամբ ուղեկցվող ֆիզիկական ակտիվություն ձեռնարկել: Այն խթանում է ճարպագեղձերի աշխատանքին և կարող է հանգեցնել ֆոլիկուլիտի առաջացմանը:

10. Ապահովե՛ք մազահեռացման հատվածի անհրաժեշտ խնամքը. խոնավացրե՛ք, շերտազատե՛ք (միայն երեք օր անց):

Հետևություններ՝

Ֆոլիկուլի բորբոքումը կարող է առաջանալ միջամտության ընթացքում սխալ աշխատանքի, վատ պատրաստվածության կամ վատ խնամքի դեպքում: Գոյություն ունեն նաև նախապայմաններ. զգայուն, յուղոտ մաշկ, առատ քրտնարտադրություն և այլն: Ֆոլիկուլիտը միշտ կարելի է կանխարգելել:

«CosmoLab» էսթետիկ բժշկության և մաշկաբանության կենտրոնում խորհրդատվությունն անվճար է, գրանցվել կարող եք՝ զանգահարելով 011 55 00 22, 044 55 00 22 հեռախոսահամարներով։